2 Samueli 5:3 - Wunta Mempori

³ Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba mokole Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli.

2 Samueli 5:3 ပူးပေါင်းရင်းမြစ်များ

2 Samueli 2:4

Ka do'amba mehawe to Yehuda, ka dome'urapio i Daudi i ra'ai gagi mokoledo to Yehuda. Ka i'amba domempauakono i Daudi kanandio, ”To Yabesi-Gilea domengkaburuomo i Saulu.”

2 Samueli 2:7

Kanandio-andio impokorosoomo aroamiu ka imegagimo mosia. Lano uemiu i Saulu mate iramo, sine dome'urapi akumo to Yehuda gagi mokoledo.”

2 Samueli 3:21

Motae i Abinere ndi Daudi, ”Moikoomo kupepatinda lumako pumpu ira luwuno to Isaraeli ndi omiu ueku mokole, ka dompoweweu pedandia saru omiu ka omiu gagi mokole a luwuno anu inehemiu.” Ka i'amba i Daudi mo'ineeo i Abinere lumako temoi-moiko.

1 Mokole 1:34

Sando mpesomba i Sadoki ka i nabi Nata asalakono umurapio i ra'ai gagi mokoledo to Isaraeli. Ka i'amba asalakono imempuurio tawuwua ka mpebooli: Tuwu komiu mokole Salomo!

2 Mokole 11:17

Ka i'amba i Yoyada moweweu pedandia olo-Do i Ue ka mokole ka palili nine ondae megagi bawaa-Do i Ue; ka i'olodo mbo'u mokole ka palili.

1 Tawarika 11:1

Luwuno to Isaraeli mpepumpu mpe'aro ndi Daudi i Heberoni ka dompotae, ”Omami mpe'asa rea ka ihi saru omiu.

1 Tawarika 11:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba i Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli, kana anu pinau-Do i Ue telalo i Semueli.

1 Tawarika 28:4

Sine Ondae i Ue, Ue Alado to Isaraeli, Dobiniki akumo inso i olodo luwuno pe'etuku gagi mokoledo to Isaraeli ranta nahina tampulaano. Hangano Dobinikiomo i Yehuda gagi petewawa ka pe'etuku inso i olodo suku Yehuda ka inso i olodo luwuno anado amaku Dopemoikoo kupinotoro gagi mokole a luwuno Isaraeli.

2 Tawarika 23:16

Ka i'amba i Yoyada moweweu pedandia i'olodo luwuno palili saru onae ka mokole, nine ondae megagi bawaa-Do i Ue.

Nehemia 9:38

Me'empehiako luwuno andio kami mpoweweu pedandia moroso, anu binuri ka luwuno petewawamami, to Lewi saru luwuno sando mpesomba mponaakono petondoni.

Peluarakoa 3:16

Lakomo, pumpu ira mia memotota'u to Isaraeli ka pauako ira: Ondae i Ue, Ue Alado uempu'umiu, i Burahina, i Saki ka i Yako, mepopokita iramo ndi ongkue, ka Dopepau: Kuperiokomiumo, kanatuu koa mbo'u hapa anu wineweudo ndi omiu i wita Masiri.

Yosua 10:36

Ka i'amba i Yosua ka luwudo to Isaraeli melako inso i Egelo lumako i Hebero, me'iwaliako ira.

Puu Mpobitara 11:11

Lumakoomo i Yepeta tumonda ira mia memota'u to Gilea, ka tongku atuu mempotoroo gagi petewawa ka tadulakodo. Luwuakoano atuu ipohaweo i Yepeta i aro-Do i Ue, i Misipa.

1 Samueli 11:15

Luwuno tongku atuu melako i Giliga. I ra'ai dompotoroo i Saulu gagi mokole i aro-Do i Ue. Ka i ra'ai dompopesombaako pesomba tekaduduia ndi Ondae i Ue. I ra'ai i Saulu saru luwuno to Isaraeli tedoa memawongko.

1 Samueli 16:13

I'alao i Semueli tandu anu me'ihiako lana saitu atuu kai urapio i Daudi i olodo pepaekompono. Mompu'u oleo atuu Penaa-Do i Ue pabawaio ka kumongkomio mpiha i Daudi. Umarino atuu mekuleomo i Semueli i Rama.

1 Samueli 23:18

Ka do'amba moweweu pedandia i aro-Do i Ue. I Daudi da mo'ia i Koresa, ka i Yonata mekule i rahano.