2 Samueli 5:2 - Wunta Mempori

² I ndi'ipua itempono i Saulu meparenta ndi omami, omiumo anu metewawa a luwuno peleludo sorodadu to Isaraeli. Ondae i Ue mepau iramo ndi omue: Omiumo anu ta pakambi ira bawaa-Ku Isaraeli, ka omiumo anu ta gagi petewawado Isaraeli.”

2 Samueli 5:2 ပူးပေါင်းရင်းမြစ်များ

Tegagia 49:24

sine panano moroso mpiha, ka tokiano ipokomelongkuo, hangano kae-Do Anu Tedoa Moroso, Ondae Ue Alano i Yako, hangano puu pompakambino, Torukuno Watuno i Isaraeli,

2 Samueli 6:21

Sine ipotae i Daudi ndi Mikali, ”I aro-Do i Ue, anu laluaopo biniki aku sekono amamu ka luwuno somborino, ka tumiso aku gagi petewawado to Isaraeli, bawaa-Do i Ue; i aro-Do i Ue kupenari-nari,

2 Samueli 7:7

Maupo isua Kupelakopi saru luwuno to Isaraeli, hori Akuke mompohawe pau a asa mia petewawa Isaraeli, anu Kuparentao pakambi ira bawaa-Ku Isaraeli, kanandio: Tembio ka nahi mpowangua-Kune raha inso a ngkeu arasi?’

2 Samueli 7:8

Onaemo pu'uno, asalakono ka upauo kanandio ndi tetenaa-Ku i Daudi, Kanandiomo pau-Do Ueno luwuakoano: Ongkuemo anu umalako inso a ntonga mpada, tempono da upompakambi asa bawaa bembe bimba, gagi petewawado bawaa-Ku Isaraeli.

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

1 Tawarika 11:2

Mompu'u i ndi'ipua tempono da moparenta i Saulu, omiumo anu metewawa a luwuno peleludo sorodadu to Isaraeli. Ondae i Ue, Ue Alamiu mepau Iramo ndi omiu, Omuemo anu ta pakambi ira bawaa-Ku Isaraeli, ka omuemo anu ta gagi petewawado bawaa-Ku Isaraeli.”

2 Tawarika 1:10

Kanandio-andio Ipowee akumo pande mompewowolo ka ponto'ori, ka kupokompo'angga gagi petewawado tongku andio, hangano isemake anu polio gagi puu mpobitara a bawaa-Miu anu langkai andio?”

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Yehesikieli 34:23

Aku mompotoro ndi ondae asa mia puu pompakambi, i Daudi, tetenaa-Ku, anu ta pakambi ira. Onae ta pakambi ira ka gagi puu pompakambido.

Mika 5:4

Onae ta gagi rodoa. Tewala to Asuri mpewinso a witato ka mpewinsokio luwuno benteto, kita mpontiso opitu puu mpopakambi umewaio, maupo oalu petewawado palili.

Podoaa 27:17

anu mo'ia i arodo tempono dompelungka mpetea ka mpekule, anu mokompelungka ira ka mokule ira, bawaa-Do i Ue kasi kana bimba anu nahina puu mpopakambi.”

I MATIU 2:6

Ka omue Beteleme, wita Yahuda, komba omuemo anu lalu kodei i olodo anu moparenta i Yahuda, hangano inso ndi omue ta mesabaako asa mia petewawa, anu ta pakambi ira bawaa-Ku to Isaraeli.”

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

IBARANI 2:10

Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia.

1 Samueli 13:14

sine kanandio poparentaamu nahi ta mo'ia mpiha. Ondae i Ue Ira mo'ungke asa mia montonda po'eheno aroa-Do ka Dopotoroo gagi petewawa a bawaa-Do, hangano omue nahi upetenunu a petena anu Dotenaakomu i Ue,.”

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 18:13

Onaemo pu'uno i Saulu moko'olaio i Daudi inso ndi onae ka ipotoroo gagi petewawa puu mpetea asa nsowu, kai lako metea wawa ira sorodadu.

1 Samueli 18:16

Luwudo to Isaraeli ka to Yehuda mengkekewoio i Daudi, hangano onae petewawado melako mpetea.

1 Samueli 18:5

Poponangi mpiha i Daudi ba itenao i Saulu lumako metea onaemo ka ipotoroo i Saulu gagi petewawa asa ntia sorodadu. Mongkona andio dompemoikoo luwuno palili ka anu langkai potorodo ndi Saulu.

1 Samueli 25:28

Siimo inaao i laro aroamiu koweweeno tetenaamiu andio, Ondae i Ue asalakono Ira wanguo inulemiu anu moroso, hangano omiu ueku moweweu peteaa-Do i Ue ka nahi hori moweweu anu mosa'o tempono ituwu.

1 Samueli 25:30

Tewala Dopokogagiomo i Ue luwuakoano anu moiko anu pinau-Do mongkona omiu, ka Dopokogagi komiumo mokoledo to Isaraeli,

1 Samueli 9:16

”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”