2 Samueli 3:35 - Wunta Mempori

³⁵ Luwuno mia hawe mempopandeio i Daudi ka ipongkaa roti da meene, sine i Daudi mesumpa, ”Po'ineomo Ondae Ue Ala humuku aku mobea, tendeano laluaopo mbo'u, tewala napi sumoo oleo mongkaa aku roti ba hapamo koa.”

2 Samueli 3:35 ပူးပေါင်းရင်းမြစ်များ

2 Samueli 1:12

Mponsabangi ira, mpengese ka mempuasaakono i Saulu ka i Yonata anano, bawaa-Do i Ue ka suku Isaraeli, ranta sumoo oleo, hangano memateako iramo ponai.

2 Samueli 12:17

Ka do'amba mehawe mia memota'u langkanae ndi onae dome'emao ka ipewangu inso a wita, sine nahi behe. Onae mbo'u nahi behe mongkaa saru ondae.

2 Samueli 3:34

Kaemu nahi pinongu ka karumu nahi rinante. Omue mate, kana asa mia mate i arono mia lambaha.” Luwuno sorodadu mpengeseio komero-merokuno.

2 Samueli 3:36

Luwuno palili mengkitao mongkona atuu ka dompemoikoo, kana luwuakoano anu wineweudo mokole dompemoikoo luwuno palili.

2 Samueli 3:9

Po'ineeomo Ondae Ue Ala humukuo mobea i Abinere, tendeano laluaopo mbo'u, ba nahi kuweweuo ndi Daudi kana anu dinandi-Do i Ue saru mesumpa ndi onae:

1 Tawarika 10:12

melako iramo luwuno mia moroso ntu'u me'alao wata ngkoroino i Saulu ka wata ngkoroido luwuno anano. Domewawao i Yabesi ka mengkaburuo luwuno wukudo i totono keu tarabanti, i Yabesi. Umarino atuu mempuasa ira i larono opitu oleo.

Yeremia 16:7

Nahina mia anu monsiba-sibaakono roti mia anu mo'inombo ka tumareroo hangano matea atuu. Tendeano nahina mia anu ta moweeakono mo'inu inso a mpiala pontareroa hangano mateano ama ke ineno.

Yehesikieli 24:17

Pompemasusamo penoro-noro, si poweweu ponsabangi matea. Wutuomo ramba-ramba ulumu ka pakeomo empehi karumu, si tutuwio i totono rupamu, ka si pongkaa roti po'inombo.”

Yehesikieli 24:22

Komiu meweweuo kana anu wineweuku: I totono rupamiu nahi komiu mentutuwio ka roti po'inombo nahi komiu mpongkaa;

Puu Mpobitara 20:23

Ka do'amba melako to Isaraeli, ka mpengese i aro-Do i Ue hawe ngkiniwia, umari atuu mpesikeno ira ndi Ondae i Ue, ”Ba kami melako mbo'u ke mpetea umewai ira inuleno i Benami, pepaekompomami atuu?” Sangki-Do i Ue, ”Imelakomo umewai ira.”

Puu Mpobitara 20:26

Ka do'amba melako luwu to Isaraeli, onaemo luwudo tongku atuu, hawe i Beteli. I ra'ai dompo'ia mpengese i aro-Do i Ue, mempuasa hawe ngkiniwia oleo atuu, ka mpompesombaako pesomba tinunu ka pesomba tetolosia i aro-Do i Ue.

Ruti 1:17

Isua imate, i ra'ai kumate, ka i ra'ai kukinaburu. Kanandiomo ba Dohuku aku i Ue, ba laluaopo sekono atuu tabulu hapamokoa monsia kita, sangkadio matea!”

1 Samueli 3:17

Ipotae i Eli, ”Hapa anu pinau-Do ndi omue? Si wunio ndi ongkue. Ondae Ue Ala Ira humukuko mobea, ke laluaopo mbo'u, tewala mowuniko te'asa mpalimokoa pau inso a luwuno anu pinau-Do ndi omue.”