2 Samueli 3:31 - Wunta Mempori

³¹ Motae i Daudi ndi Yoabi ka a luwuno sorodadu anu merongaakono, ”Impeberisakonomo sangkamiu ka impokonaomo sawu mpo'inomba ka imposabangimo i arono wata ngkoroino i Abinere.” Ondae mokole Daudi melempa i bungkuno kati wata ngkoroi.

2 Samueli 3:31 ပူးပေါင်းရင်းမြစ်များ

Tegagia 37:29

Tempono ipekule i Rube a nsumuru atuu, ikitao i Yusupu nami kongko mbo'u i larono. Ka i'amba berio lembano

Tegagia 37:34

I Yako berio lemba meloeno, ka i'amba mokonao sawu po'inombo a ntongano. Onae mompemasusa i larono ba'opia oleo tehineno hangano anano atuu.

2 Samueli 1:11

Ka i'amba i Daudi uminio sangkano ka ipeberisakono, kanatuu koa mbo'u luwuno mia anu merongaakono.

2 Samueli 1:2

Ia oleo anu ko'otolu haweomo asa mia sorodaduno i Saulu mesangka teberi-beri ka wita a uluno. Sahaweno ndi Daudi, menggolontuomo mesomba hawe i wita.

1 Mokole 20:31

Ka i'amba luwuno pegawaino mpotaeakono, ”To'oriomo, kimerongeomo nine luwuno mokoledo to Isaraeli atuu onaemo luwuno mokole anu popehohawa. Aiwamo topompokona sawu mpo'inombo a ntongato ka koloro a uluto kato mpeluarako nte'aro a mokoledo to Isaraeli; bara'ura nahi ira mepatekomiu.”

1 Mokole 21:27

Rumongeo pinau atuu, i Ahabi berio sangkano, mompokona sawu po'inombo a ngkoroino ka mepuasa. Onae moturi saru mompake sawu po'inombo ka melempa telusa.

2 Mokole 19:1

Mansano rumongeo mokole Hisikia mongkona atuu, iberio sangkano ka koroino ikukumbuakono sawu po'inombo, ka i'amba mewinso a raha-Do i Ue.

2 Mokole 19:2

Ka i'amba tumenao i Eliakimi, petewawa langkanae, i Sebana, puu mpoburi a poparentaa ka luwuno mia memota'u i olodo luwuno sando mpesomba saru mpekukumbuako sawu po'inombo, tepohaweakono i nabi Yesaya anano i Amosi.

I LUKASI 7:14

Saru rumangkuhio kati atuu Dodanggio, ka anu mengkatio mpenaa-naa, Dopotae, ”Hei mangalitau, Kupauakomu, pewangumo!”

Yosua 7:6

Ipeberisakonomo i Yosua lembano, menggolontuomo i Yosua ra'ino hawe ia wita mesomba i arono burua-Do i Ue ranta ngkiniwia, mperonga ka mia memota'udo to Isaraeli, ka toro'uludo domerawosiakono awu wita.

MENGKAAA 11:3

Ka Aku moweeako ira anggaa a orua sakosii-Ku, ka dopompau anu ta gagi kontongaado mo'inombo, asa nsowu ka rua etu ka nomo pulu oleo tehineno.

Puu Mpobitara 11:35

Kumitao anano atuu, ipeberisakono i Yepeta sangkano, ka ipotae, ”Oo wainto anaku, tedoa upokomasusao aroaku, ka upokomasola aku! Montanga akumo ndi Ondae i Ue, ka nami aku mokobalio.”