2 Samueli 3:14 - Wunta Mempori

¹⁴ I Daudi montena mbo'u mia lumako ndi Isibose, anano i Saulu, saru pe'oliwi, ”Wee'akumo beineku i Mikali, anu kuhaweakono asa etu kuli petindiado to Pelisiti.”

2 Samueli 3:14 ပူးပေါင်းရင်းမြစ်များ

2 Samueli 2:10

Isibose anano i Saulu tinuwuno pato pulu nta'u tempono igagi mokoledo to Isaraeli ka ipoparenta orua nta'u tehineno. Sine to Yehuda mentondao i Daudi.

2 Samueli 3:15

Ka i'amba i Isibose montena mia umalao beine atuu inso a ntamano, i Palitieli anano i Laisi.

2 Samueli 6:16

Tempono Burua-Do i Ue mewinso i kota Daudi, i Mikali ana beineno i Saulu, mentango inso a mpentangoa ka ikitao Mokole Daudi melonso-lonso, ka melense-lense i aro-Do i Ue. Onaemo pu'uno ipokongkodeio i Daudi i laro aroano.

I MATIU 1:18

Hinaa-Do i Yesu Kerisituu kanandio: Tempono i Maria, ine-Do, mesambora saru i Yusupu, teto'ori onae mentia inso a Mpenaa Mempori, se'eluno napi dotuwu gagi mia mekombia.

1 Samueli 18:25

Ka i'amba motae i Saulu, ”Pauakono i Daudi kanandio: Ondae mokole nahi dopo'ema kowei, sangkadio asa etu kuli anudo to Pelisiti pombalodo a iwalido mokole.” Tinoono i Saulu, kaedo to Pelisiti anu mpepateo i Daudi.

1 Samueli 18:27

i Daudi lumako saru luwuno miano i witado to Pelisiti, ka ipompepate rua etu mia to Pelisiti. Iwawao i Daudi asa etu kuli anudo ndi mokole ka igagi ponido mokole. Ka i'amba i Saulu weeakono i Mikali, anano, gagi kombiano i Daudi.

1 Samueli 25:44

I Saulu meweengakono i Mikali anano, kombiano i Daudi ndi Paliti anano i Laisi inso i Galimi.