2 Samueli 3:12 - Wunta Mempori

¹² Tempo koa mbo'u atuu i Abinere montena mia lumako ndi Daudi saru pe'oliwi, ”Isemake me'ueo wita andio? Weweuomo pedandia saru ongkue, ka akumo tumulungiko wawa ira luwu to Isaraeli me'alaako ndi omue.”

2 Samueli 3:12 ပူးပေါင်းရင်းမြစ်များ

2 Samueli 19:14

Kanatuumo ipopandei ira luwuno to Yehuda, ranta ka dontepo'asa aroa. Ka do'amba mpe'oliwi ndi ondae mokole, ”Ipekulemo saru luwuno atamiu.”

2 Samueli 19:41

Sine luwuno to Isaraeli aiwa ndi ondae mokole ka dompotae, ”Tembio pepaekompo mami, to Yehuda, mpolaisako ira mokole ka dowawa ira i asatowano Koro Yarade saru somborido ka luwuno miado i Daudi anu tumondao?”

2 Samueli 19:6

Ipehohawa ira mia anu umo'aliaakomiu, ka umo'aliaako ira mia anu mehohawa komiu! A oleo andio ipopokitao, nine luwuno tadulako sorodadu ka ana buano nahina tududo ndi omiu. Tendeano kuto'orio oleo andio, ande-andeno i Abisalo da tuwu ka omami memate luwu oleo andio, asalakono atuu pinemoikomu.

2 Samueli 3:11

I Isibose nami pokompepau mbo'u mau te'asampali pau ndi Abinere, hangano doitono ndi onae.

2 Samueli 3:13

Sumangki i Daudi, ”Moiko, aku moweweu pedandia saru omue, butu asa ku'emao ndi omue. Sipo'arahako kumitao rupaku sangkadio uwawao i Mikali, ana beineno i Saulu, se'eluno ba u'aiwa me'aro ndi ongkue.”

2 Samueli 3:21

Motae i Abinere ndi Daudi, ”Moikoomo kupepatinda lumako pumpu ira luwuno to Isaraeli ndi omiu ueku mokole, ka dompoweweu pedandia saru omiu ka omiu gagi mokole a luwuno anu inehemiu.” Ka i'amba i Daudi mo'ineeo i Abinere lumako temoi-moiko.

2 Samueli 3:27

Tempono i Abinere mekule i Heberoni, i Yoabi umoluakono lumako i horino, i larono pewowa langkai atuu, kana-kana ta mepauakono butu ondaedo. I ra'ai itoboo kompono i Abinere ranta kai mate, hangano reano i Asaeli, uaino.

2 Samueli 3:38

Ka i'amba mokole motae a luwuno atano, ”Nahi mento'orio ke nine oleo andio mateomo asa petewawa, petewawa langkai i Isaraeli?

Po'unde-unde 62:9

Pe'ala-ala Iramo sompo tempo, hei bawaa, pauomo ihino aroamu i aro-Do; Ondaemo Ue Ala pepekaduduiato. Sela