2 Samueli 24:10 - Wunta Mempori

¹⁰ Sine me'o'oleomo i Daudi, mansano dumoa ira palili. Motae i Daudi ndi Ondae i Ue, ”Tedoa akumo tehala hangano kuweweuomo anu andio. Kanandio-andio, oo Ue, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

2 Samueli 24:10 ပူးပေါင်းရင်းမြစ်များ

2 Samueli 12:13

Ka i'amba motaeomo i Daudi ndi Nata, ”Tehala akumo ndi Ondae i Ue.” Motae i Nata ndi Daudi, ”Ondae i Ue Do'oniniomo halamu, nahi komate.

2 Samueli 24:17

I Daudi mepau ndi Ondae i Ue, tempono ikitao mala'eka anu tekonai mompotii haki a tongku atuu, kanandio, ”Ongkue koa anu tehala, ongkue koa anu sala, sine hapamoke anu wineweudo luwuno bimba-Miu andio? Po'ineeomo kae-Miu humuku aku saru luwuno somboriku.”

1 Mokole 8:35

Tewala langi tetutuwi ka nahina usa, hangano ntehala ira ndi Omiu, ka do'amba mpekakai a mpo'ianga andio, pementeeo nee-Miu ka ntepidiakono halado, hangano Ipokonsii iramo,

1 Tawarika 21:7

Maupo a pongkita-Do i Ue, petena atuu mosa'o, onaemo pu'uno ka Dohuku ira to Isaraeli.

1 Tawarika 21:8

Ka i'amba mepauomo i Daudi ndi Ondae Ue Ala, ”Tehala akumo ntu'u, hangano weweuo mongkona andio. Kanandio-andio, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

2 Tawarika 32:26

Sine lembuino ipokonto'orio pompelangka-langkaino atuu ka ipe'urumako meronga saru palilino Yerusale, ranta tekuda-Do i Ue nahi alu ira tempono i Hisikia.

Ayubi 7:21

Tembio nahi I'ampunio halaku, ka nahi pahihiakune salaku? Hangano, kanandio-andio tepombole aku a laro pampawu, ka I'amba umungke aku, sine nahi kukongko mbo'u.”

Po'unde-unde 32:5

Halaku kupauo ndi Omiu ka salaku komba kuwunio; kupotae, ”Kumangakuakono luwuno halaku ndi Omiu Ue,” ka Itandeomo hala tinembiku. Sela

Peluarakoa 10:16

Mompari-pariomo i Pirao moboi ira i Musa ka i Haruni ka ipotae, ”Tehala akumo ndi Ondae i Ue, Ue Alamiu, ka ndi omiu.

Powadi 28:13

Isema wunio halano nahi ta me'ura, sine isema mangakuakono ka bintao ta pinehohawa.

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

Yoeli 2:12

”Sine kanandio-andio,” kanandiomo pau-Do i Ue, ”pepokulemo ndi Ongkue tompaano aroamu, saru mepuasa, mengese ka monsabangi.”

Podoaa 12:11

Ka i'amba motae i Haruni ndi Musa, ”Ipehohawa aku ueku, siimo ipopotembia kami hala mami anu wineweu mami a laro benge-benge mami.

I MARAKUSU 7:22

ponsosaboa, modokoa, mosa'oa, pe'akala, po'o'aroa mosa'o, mosisiri, pompepaukiako, pompelangka-langkai, monge-mongea.

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

I YOHANE 8:9

Sine mansado merongeo pau atuu, melako iramo nte'o'asa mia, mompu'u anu lalu mota'u. Poko'ariano mo'ia Iramo i Yesu asa-asa-Do saru beine atuu anu mo'ia mpiha a mpo'iangano.

Winali 32:6

Kanatuumoke imensuloo ndi Ondae i Ue, hei tongku anu nahi pomperorongeako, ka nahi pande mompewowolo? Komba Ondaeke Amamiu anu weweukomiu, anu mokogagi ka mokomoleo komiu?

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.

1 Samueli 13:13

Motae i Semueli ndi Saulu, ”Wineweumu andio tedoa benge-benge! Omue nahi upetenunu a songka-Do i Ue, Ue Alamu, anu Dopauakomu. Bakanaano Ondae i Ue Ira mokorosoo poparentaamu a nto Isaraeli ranta nahina tampulaano,

1 Samueli 24:5

Mpotae iramo miano i Daudi, ”Onaemo andio oleo anu dinandi-Do i Ue ndi omue: Kitao, Kupeweengakono iwalimu ndi omue, weweuomo ndi onae hapa anu pinemoikomu.” Mentadeomo i Daudi ka i peningka-ningka sumeseio untuno lemba meloeno i Saulu.

1 Samueli 24:6

Sine umarino atuu, i Daudi wali me'o'ole hangano iseseio untuno lemba meloeno i Saulu.

1 Samueli 26:21

Motaeomo i Saulu, ”Tehala akumo. Pekulemo anaku Daudi. Nami aku moweweu mosa'o mbo'u ndi omue, hangano oleo andio penaaku mentudu ndi omue. Lano, moweweukomo anu nahi mentee ka sala pompewowolo akumo.”