2 Samueli 23:5 - Wunta Mempori

⁵ Komba kanatuuke somboriku i aro-Do Ue Ala? Hangano moweweu Iramo pedandia anu nahi ta bali saru ongkue, luwuno pinalele ka manasa ta tinonda. Hangano luwuno tekaduduia ka pinerorohiku, komba Ondaeke anu weweuo kai mentumba?

2 Samueli 23:5 ပူးပေါင်းရင်းမြစ်များ

Tegagia 9:16

Tewala toro'ue atuu kongko a nseru, Aku koa kumitao, ka rumambeo pedandia-Ku anu nahina tampulaano i olo-Do Ue Ala ka luwuno anu tuwu, luwuno anu tuwu anu kongko i tolino.”

2 Samueli 12:10

Onaemo pu'uno, ponai nahi ta otu umaropi ira inulemu ranta ntinuwu, hangano upokongkodei Akumo ka u'alao kombiano i Uria, to Heti atuu ka ukombiao.

2 Samueli 13:14

Sine, i Aminoni nahi perorongeakono pinauno. Hangano morosoopo sekono onae, ranta ka isolangio.

2 Samueli 13:28

Ka i'amba i Abisalo parenta ira miano kanandio, ”Pepenteeomo! Tempono aroano i Aminoni mawongko hangano anggoro, ka aku mepau ndi omiu: Tunduhiomo i Aminoni ka pepateo. Si medoito, kombake ongkue anu parentako? Pokorosoo aroamiu ka imegagimo mosia!”

2 Samueli 18:14

Motae i Yoabi, ”Nahi kubehe montadi-tadi tempo saru omue kanandio.” Ka i'amba mo'ala otolu pando ka ipetoboakono a radano i Abisalo anu damenaa, i olono sampa-sampa keu tarabanti atuu.

2 Samueli 7:12

Tewala haweomo tempomu ka komohawe pena-naa me'asaako ira uempu'umu, ka Aku wanguo inulemu lembuino, ana ngkoroimu, ka Aku mokomorosoo poparentaano.

2 Samueli 7:18

Ka i'amba mokole Daudi mewinso i larono ka ipentoro i aro-Do i Ue. Ipotae, ”Isemake ongkue andio, oo Ue Ala, ka isemake somboriku, ranta ka Iwawa aku hawe olai andio?

1 Mokole 1:5

I Adonia, anano i Hagi mompelangka-langkai ka ipotae, ”Ongkue anu ta gagi mokole.” Ipatindao hadio kareta ka sorodadu anu mpengara saru lima pulu mia anu mpelulu i arono.

1 Mokole 11:38

Tewala uperorongeakono luwuno anu Kuparentaakomu, tuwu montonda sala-Ku, ka moweweu hapa anu mentee a pongkita-Ku ka mekariao pompakosi ka parenta-Ku kana anu iweweuomo i Daudi, tetenaa-Ku, manasa Aku kumongkomiko, wanguakomu aasa sombori anu moroso, kana anu Kuwanguakono i Daudi ka meweengakono Isaraeli ndi omue.

1 Mokole 12:14

Ipotaeako ira montonda patududo mia memongura, ”Ondae amaku moweeakomiumo tembia anu mobea, sine ongkue mokomobeao tembiamiu; ondae amaku sumepiakomiu ponsepi, sine ongkue sumepiakomiu ponsepi meruiako labu.”

Po'unde-unde 111:9

Doweeako ira potolaa a bawaa-Do, Dopakosio ka ipinake dandi-Do ranta nahina tampulaano; mempori ka mongkokongiriomo nee-Do.

Po'unde-unde 119:81

Masusa aroaku monsisikori pongkadudui-Miu, momperorohi aku a mpau-Miu.

Po'unde-unde 27:4

Asa rupa ku'emaomo ndi Ondae i Ue, butu onae andio anu tedoa ineheku: mo'ia a raha-Do i Ue asa ntinuwuku, sumakosiio pe'aroa-Do i Ue ka sanaa mo'iangario raha-Do.

Po'unde-unde 62:2

Butu koa umpeda ndi Ondae Ue Ala kurodo, insomo ndi Ondae tekaduduiku.

Po'unde-unde 89:3

Menteeano kupotae: Pompehohawa-Miu anu nahi bali winangu ranta nahina tampulaano; petenunu-Miu nahi telelu kana langi.

Yesaya 11:1

Asa tumba ta meluarako inso a ntu'ono i Isai, ka asa tumba ta tuwu inso a mpu'uno.

Yesaya 27:6

A oleo anu ta hawe, i Yako ta mehaka, Isaraeli ta gagi hadio ka mentumba ka wawontolino ibuketiakono hasilino.

Yesaya 4:2

I tempo atuu tumba anu Dopotuwuo i Ue ta gagi tekosi ka maramba, ka hasilino wita gagi po'undea ka pompelangkai a nto Isaraeli anu tola.

Yesaya 54:10

Hangano maupo dompelimba torukuno ka luwuno pongku mpelelu, sine pompehohawa-Ku nahi ta melimba inso ndi omue ka pedandia sintuwu-Ku nahi ta melelu, pau-Do i Ue, anu mehohawako.

Yesaya 55:3

Ta'oomo birimu ka aiwamo ndi Ongkue; perorongeakonomo asalakono komiu mentuwu! Aku mowutu pedandia anu nahi bali saru omiu, montonda pompehohawa-Ku anu moroso ndi Daudi.

Yesaya 61:8

Hangano Ongkue, Ue, kumekewoio songka, umo'aliaakono porontua ka molengkua. Aku moweeko tambomiu anu mentee, ka mowutu pedandia anu nahina tampulaano saru omiu.

Yesaya 7:14

Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.

Yeremia 32:40

Aku mowutu pedandia nahina tampulaano saru ondae, nine nahi Aku mebungkui ira, tendeano moweweu moiko ndi ondae. Aku numaao i laro aroado dumoitoa-Kune, ka si dome'olai inso ndi Ongkue.

Yeremia 33:21

asalakono pedandia-Ku saru tetenaa-Ku i Daudi poli koa mbo'u ibinali ranta onae nahi ta hina mbo'u anano moparenta a ngkadera poparentaano; kanatuu koa mbo'u pedandia-Ku saru luwuno to Lewi, sando mpesomba anu gagi puu pompekakaako-Ku.

Yehesikieli 37:26

Aku moweweu pedandia manangai saru ondae, ka atuu ta gagi pedandia anu mo'ia mpiha saru ondae. Aku rumonso ira ka weweu ira mehadio ka meweengakono po'ianga mempori-Ku i tonga-tongado ranta nahina tampulaano.

Amosi 9:11

”Ia oleo atuu Aku wali montadeo laikano i Daudi anu tebangkuomo; Aku tumutuwio umeteno rereno, ka Aku wali wanguo rereno anu tehoa; Aku wali wanguo kana se'eluno,

WINEWEUDO TINENA 13:34

Ondae Dowangu Iramo Ue Ala inso i olodo mia mate ka nahi Ira wali pineweengako a matea. Mongkona atuu Dopokomengkaao i Ue a mpau-Do andio: Aku umihiio ndi omue luwuno dandi anu mempori anu pine'ala-ala, anu Kuweeakonomo i Daudi.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

IBARANI 6:19

Pomperorohia atuu onaemo ladu anu moroso ka mokorodoo sumangato, anu pineladuakoomo hawe a bungkuno pelingo,

1 Samueli 2:35

Aku motoroo asa sando mpesomba anu metenunu ka melelu menunu kana po'eheno aroa-Ku ka sumanga-Ku. Aku mokohadioo inuleno anu mpetenunu ka mentuwu i arono mia inurapi-Ku.

1 Samueli 25:28

Siimo inaao i laro aroamiu koweweeno tetenaamiu andio, Ondae i Ue asalakono Ira wanguo inulemiu anu moroso, hangano omiu ueku moweweu peteaa-Do i Ue ka nahi hori moweweu anu mosa'o tempono ituwu.