2 Samueli 23:10 - Wunta Mempori

¹⁰ Onae mentade mompepate to Pelisiti ranta kai mokendo kaeno ka metako a mponaino. Ondae i Ue moweeako ira ponangia langkai a oleo atuu. Palili mpekule tumonda ira butu mporontu parewado mia anu pinepate.

2 Samueli 23:10 ပူးပေါင်းရင်းမြစ်များ

2 Samueli 23:12

onae mentade i tongano lere atuu. Ikorahakono ka inangi ira to Pelisiti. Kanatuumo Dopoweeako ira i Ue ponangia anu langkai.

2 Mokole 5:1

I Na'ama, tadulako sorodaduno mokoledo to Arami, onaemo mia tinudu i arono ueno ka tedoa pinelangkai, hangano molalo onae Ondae i Ue moweeako iramo ponangiado to Arami. Onae asa mia sorodadu anu moroso ka mosia, sine merurungkoako haki lowe.

1 Tawarika 11:13

Onae kongko merongaakono i Daudi i Pasi-Damimi, tempono to Pelisiti mpepumpu i ra'ai ira mpetea. Hinao asa mpo'ianga wita lere buke gandu jelai i ra'ai. Tempono dompolai sorodadu inso i arodo to Pelisiti,

Po'unde-unde 108:13

Itulungi kamimo umaropi ira iwali, hangano nahina tuduno pongkadudui inso a mia.

Po'unde-unde 144:10

Omiu anu moweeakono ponangia a luwuno mokole, ka motolao i Daudi, tetenaa-Miu!

Po'unde-unde 68:12

Ondae i Ue mompowee pau; langkai pebaresido beine mpowawa lele moiko,

Yesaya 53:12

Onaemo pu'uno, Aku tumiaakono rinontu i olodo mia anu langkai potorodo; ka onae ta tumiao rinontu meronga mia memoroso, hangano ipeweengakonomo penaano a laro matea; hangano onae mbo'u tewinso i olodo anu mpe'ewa, kahinaano onae tumembio halano mia hadio, ka mekakai tiado mia anu mpe'ewa.

ROMA 15:18

Hangano nahi aku sapa mepau mongkona hapa anu susua, sangkadio mongkona hapa anu Doweweuomo i Kerisituu hangano ongkue, onaemo wawa ira tongku susua ka dompomperorongeako, hangano pau ka wineweu,

2 KORINTI 4:5

Hangano komba koroimami anu pinalelemami, sine Ondae i Yesu Kerisituu anu Ue, ka koroimami gagi atamiu hangano po'ehe-Do i Yesu.

Yosua 10:10

Ondae i Ue monsiarawo ira i arodo to Isaraeli, ka i Yosua weweu ira ka domengkenangia langkai umpeda i Gibeo, lumulu ira a mporakea Beta-Horoni ka sumapoi ira ka domponsuka hawe umpeda i Aseka ka i Makeda.

Yosua 10:42

Luwuno mokole ka witado inangi ira luwu i Yosua. Nde anu metea tiado to Isaraeli onaemo Ondae i Ue, Ue Alado to Isaraeli.

Yosua 11:8

Ka Ondae i Ue meweengako ira a nto Isaraeli. Donangi ira, ka dolulu ira hawe i Sidoni-Langkai ka hawe i Mesirepo-Maimi, ka hawe i lembono Misipa anu i sabaano oleo. Kanandiomo domempinepate, nahina maupo te'asa mia anu tepotola.

Puu Mpobitara 15:14

Mansado mehawe i Lehi, to Pelisiti tumotowoo ka domengkokora-kora. Ka i'amba Pena-Do i Ue mewinsokio, ranta koloro a ngkaeno gagi kana seami anu piingko ikaano api ka luwuno ponguno ntebibite inso a ngkaeno.

Puu Mpobitara 15:18

Mansano tedoa mokoranga, mebooliomo ndi Ondae i Ue, ”Kae tetenaa Miu andio Ipowee aku poponangi anu langkai. Sine kanandio, akumo mate mokoranga ka tedonta a ngkaedo mia anu nahi dompetindi andio!”

1 Samueli 11:13

Sine motae i Saulu, ”Oleo andio nahina maupo te'asa mia anu ta hinuku mate, hangano oleo andio Ondae i Ue moweweu Iramo tekaduduia ia nto Isaraeli.”

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”

1 Samueli 17:53

Umarido melulu ira to Pelisiti, mpekule iramo to Isaraeli mempomuruo pekemado.

1 Samueli 19:5

Ita'oomo penaano mepateo to Pelisiti atuu ka Ondae i Ue moweeako ira to Isaraeli poponangia anu langkai. Ikitaomo ka ipo'undeakono. Tembio ka ihaweako aroamiu moweweu hala a reano mia anu nahina salano, komiu mepateo i Daudi nahina pu'uno?”