2 Samueli 22:44 - Wunta Mempori

⁴⁴ Ka Ipotola aku inso a pengengea tongkuku, Ipekaria aku gagi petewawado luwuno tongku, tongku anu nahi kuto'orio gagi ataku.

2 Samueli 22:44 ပူးပေါင်းရင်းမြစ်များ

2 Samueli 19:14

Kanatuumo ipopandei ira luwuno to Yehuda, ranta ka dontepo'asa aroa. Ka do'amba mpe'oliwi ndi ondae mokole, ”Ipekulemo saru luwuno atamiu.”

2 Samueli 19:9

Luwuno palili inso a luwuno suku Isaraeli nteposisala, dompotae, ”Ondae mokole dopotola kitamo inso a ngkaedo iwalito, ondaemo anu kumadudui kita inso a ngkaedo to Pelisiti. Kanandio-andio, molai iramo inso i laro kota hangano i Abisalo.

2 Samueli 20:22

Ka i'amba mewinsoomo mbo'u beine atuu ka ipepau momoiko a luwuno palili. Umarino atuu dome'impahio uluno i Seba anano i Bikiri ka dompetadiakono ndi Yoabi. I Yoabi puurio tawuwua, ka i'amba ntesiarawo iramo mebintao kota atuu, singge melako a mpo'iangado. Mekuleomo i Yoabi i Yerusale ndi ondae mokole.

2 Samueli 3:1

Pe'iwaliado somborino i Saulu ka somborino i Daudi tehine lahi; i Daudi kotehi-tehineno komoro-morosono, sekono somborino i Saulu kotehi-tehineno komole-molemano.

2 Samueli 5:1

Luwudo to Isaraeli aiwa ndi Daudi i Heberoni ka dompotae, ”Omami mpe'asa rea ka ihi saru omiu.

Po'unde-unde 110:6

Dohuku ira tongku, ranta matumbole wata ngkoroi; Dopuro ira ulu a wawo wita anu malua.

Po'unde-unde 18:43

Kupirego ira kana pampawu anu pinuurino angi, mepasiako ira kana rege a nsala.

Po'unde-unde 2:8

Po'emamo ndi Ongkue, ka luwuno tongku Aku weeakomu gagi tia pusakamu, ka tompano tolino gagi omue me'ueo.

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Yesaya 55:5

Menteeano, omue komompoboi tongku anu nahi uto'orio, ka tongku anu nahi uto'orio ta aiwa ndi omue, hangano Ondae Ue Alamu, Anu Mempori ntu'u, Ue Alado to Isaraeli, melangkaiko.

Yesaya 60:12

Mentee ntu'u, tongku ka poparentaa anu nahi behe metenunu ndi omue ta tampula; luwuno tongku atuu ira mepingko mempinepate.

Yesaya 65:1

Kupemoikoo moweeakono pontiso a mia anu nahi pesikeno ndi Ongkue; Kupemoikoo ihawe Aku mia anu nahi ungke Aku. Mepau Aku, ”Ndio Aku, ndio Aku!” a tongku anu nahi poboio nee-Ku.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

ROMA 15:12

Ka motae mbo'u i Yesaya, ”Tumba inso a mpu'uno i Isai ta mesabaako, ka onae ta mentade parentao luwuno tongku, ka ndi Ondaemo pomperorohiado luwuno tongku.”

ROMA 9:25

kana anu Dopauo koa mbo'u a wuntano Nabi Hosea, ”Anu komba bawaa-Ku Aku numeeakono: bawaa-Ku ka anu komba kinekewoi: Aku numeeakono kinekewoi.”

Winali 28:13

Ondae i Ue Ira tumande komiu gagi ulu ka komba iki, komiukoa mpewuatako mpiha ka komba mpetii, tewala imperorongeakono parenta-Do i Ue, Ue Alamiu, anu kupohaweo ndi omiu a oleo andio, kai mpetenunu meweweuo.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”