2 Samueli 22:28 - Wunta Mempori

²⁸ Tongku anu tepokonsii Ikadudui ira, sine mata-Miu umewaio luwuno mia anu mompelangka-langkai, ka Ipokongkodei ira.

2 Samueli 22:28 ပူးပေါင်းရင်းမြစ်များ

Po'unde-unde 12:5

Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

Po'unde-unde 131:1

Penani pekohono i Daudi. Ue, nahi kupompelangka-langkai, ka nahi kupompe'uru-uru; nahi ku'ungke ira hapa anu langkai lahi ke hapa anu nahi kupolio.

Po'unde-unde 138:6

Ondae i Ue atuu mantande, sine Dopensiroio mia anu pinokongkodei, mia anu mompelangka-langkai Doto'orio inso olai.

Po'unde-unde 140:12

Anu momposebe nahi ta mokompo'ia i wita andio; anu mompokonsii ta tumondario masolaa.

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Peluarakoa 18:11

Kanandio-andio kuto'oriomo, nine Ondae i Ue lalu langkai pabawa-Do sekonopo luwuno lahumoa, ka Doweweu ira kanatuu hangano to Masiri mpopelangka-langkai iramo ndi ondae.”

Powadi 21:4

Mata mompelangka-langkai ka aroa konangi-nangi, anu gagi huluno mia mosa'o gauno, onaemo hala.

Yesaya 2:17

Mia anu mompelangka-langkai ta pinokompetuundu, mia anu mompelangka-langkai ta pine'uru-uru; butu koa Ondae i Ue anu tedoa mantande a oleo atuu.

Yesaya 37:23

Isemake anu pinokongkodeimu ka pinepaukiakomu? Te'aro ndi semake upokomerokuo suaramu ka mengkita saru mompelangka-langkai? Te'aro ndi Ondae Anu Tedoa Mempori, Ue Alado to Isaraeli!

Yesaya 5:15

Ka mia ta pinokompetuundu, ka mia ta pine'uru-uru, humbee, mia mompelangka-langkai ta pine'uru-uru.

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

I MATIU 5:3

”Me'uraomo mia memongkokolaro i aro-Do Ue Ala, hangano ondaemo anu mpe'umbuo Poparentaa Nsuruga.

I LUKASI 14:11

Hangano ba isema melangkaio koroino, onae ta pinokongkodei a ba isema me'urumako, onae ta pinelangkai.”