2 Samueli 21:7 - Wunta Mempori

⁷ Sine i Mepibose anano i Yonata anano i Saulu dopo'ineeo mokole kai tuwu, hangano sumpa a nee-Do i Ue mo'ia i olodo, i olono i Daudi ka i Yonata anano i Saulu.

2 Samueli 21:7 ပူးပေါင်းရင်းမြစ်များ

2 Samueli 16:4

Dopotae mokole ndi Siba, ”Tewala kanatuu, luwuno pine'ueno i Mepibose gagi omue me'ueo.” Motae i Siba, ”Metuundu aku, oo ueku mokole, po'ineeomo kupohawe mpiha pompehohawa i aromiu.”

2 Samueli 19:25

Mansano hawe inso i Yerusale tumotowo ira mokole, mesikeno ira mokole ndi onae, ”Tembio ka nahi ulako merongaakune, Mepibose?”

2 Samueli 4:4

I Yonata, ana ntamano i Saulu, hinao aasa anano ntama anu nahi pokompelempa. Tempono tinuwuno olima nta'u, lele mongkona i Saulu ka i Yonata hawe inso i Yisireli. Tempo atuu puu mpete'iano tumandeo ka ipelulu, sine hangano peluluno madara nana'ote atuu tedonta ka tiimpa karuno. Neeno i Mepibose.

2 Samueli 9:1

Motae i Daudi, ”Da hinao ke mia anu tuwu inso i olono somborino i Saulu, ka kupopokitaakono pompehohawaku ndi onae hangano i Yonata?”

2 Samueli 9:10

Asalakono witano ka u'anggaakono, omue ka luwuno anamu ka luwuno atamu. Asalakono ka unaao wuano, ka ihina koa kaangado ana uedo, uemu. I Mepibose, ana ueno, uemu atuu, ta mongkaa merongaakune mpiha.” Anano i Siba hopulu ka olima ira tama ka rua pulu ira atano.

2 Samueli 9:6

I Mepibose anano i Yonata, anano i Saulu hawe me'aro ka ipenggolontuu mesomba. Motae i Daudi, ”Mepibose!” Sumangki, ”Oo ueku.”

2 Samueli 9:7

Motae i Daudi ndi onae, ”Sii doito, nde ongkue asalakono aku mopokitao pompehohawaku ndi omue hangano amamu i Yonata. Aku mokuleo ndi omue luwuno lereno uemu i Saulu, ka omue, kowela mongkaa meronga saru ongkue.”

Puu Pontutulu 8:2

Tondaomo parentado mokole kana sumpamu ndi Ondae Ue Ala.

1 Samueli 18:3

I Yonata moweweu pedandia saru i Daudi, hangano ipehohawao kana koroino.

1 Samueli 20:12

Ipotae i Yonata ndi Daudi, ”A nee-Do i Ue, Ue Alado to Isaraeli, tisomo ke te'ipua, bara'ura tempo kanandio, aku moporooo leludo amaku. Moiko ke naahi ndi omue Daudi, aku montena mia aiwa pauakomu.

1 Samueli 20:15

popokitaako ira mpiha inuleku petenunumu ranta nahina tampulaano, maupo itempono Dopokoropu ira i Ue luwuno iwalino i Daudi inso i wawontolino.

1 Samueli 20:17

I Yonata tumenao i Daudi ka ipesumpa tepohonapo mbo'u a pompehohawano i Daudi ndi onae, hangano i Yonata mehohawao kana koroino onaeno.

1 Samueli 20:42

Ka i'amba i Yonata motaeakono i Daudi, ”Lakomo temoiko, Ondae i Ue kumaduduiko, hangano umari kitamo mesumpa a nee-Do i Ue, kanandio, ’Ondae i Ue Ira kongko i oloto, ongkue ka omue ka hawe a inuleku ka inulemu ranta nahina tampulaano.’ ”

1 Samueli 20:8

Tewala kanandio, popokitaomo petenunumu ndi ongkue, hangano umarikomo moweweu pedandia i aro-Do i Ue saru ongkue. Tewala hinao salaku, omuemu mepate aku. Tembio ka upeweengako aku ndi ondae amamu?”

1 Samueli 23:18

Ka do'amba moweweu pedandia i aro-Do i Ue. I Daudi da mo'ia i Koresa, ka i Yonata mekule i rahano.

1 Samueli 24:22

Pesumpamo ndi ongkue a nee-Do i Ue nine nahi ira mempinokoropu inuleku ka nahi ta tetadi neeku inso a mpepe'etuaku.”