2 Samueli 21:16 - Wunta Mempori

¹⁶ I Yisibi-Benobi, anu tewinso inuleno i Rapa saru kansai anu mobeano tolu etu sikala mala ka mompesamba sangka mpetea anu wo'ohu, motae takoa mokompepateo i Daudi.

2 Samueli 21:16 ပူးပေါင်းရင်းမြစ်များ

Tegagia 14:5

A nta'u kohopulu ka opaa haweomo i Kedorilaomeri saru luwuno mokole anu perongano, ka do'amba menangi ira to Repaimi i Asiteroti-Karanaimi, to Susimi i Hami, to Emimi i Siawe-Kiriataimi

Tegagia 6:4

I tempo atuu ka lembuino mbo'u, hinao mia melolangkai i tolino, tempono anu tuwu i suruga mpewowaliako ira ana beinedo mia ka beine atuudo mpe'anaako ira anado. Ondaemo atuu mia anu moroso ka mosia i tempo se'eluno, luwuno mia anu telele needo.

2 Samueli 21:18

Umarino atuu gagi mbo'u peteaa umewai ira to Pelisiti i Gobi. I tempo atuu i Sibikai, to Husa, mepateo i Sapi, anu tewinso inuleno i Rapa.

2 Samueli 21:20

Ka i'amba gagi mbo'u peteaa i Gati. I ra'ai hinao asa mia anu ondau koroino, kaeno ka karuno singge mewunga ntoniso onoo: rua pulu ka opaa luwuno. Mia mbo'u andio inuleno i Rapa.

2 Samueli 21:22

Opaa ira mia andio inuleno i Rapa i Gati. Ondae memate a ngkaeno i Daudi ka luwuno miano.

2 Samueli 5:18

Mansado mehawe to Pelisiti ka dompensiarawo i lembono Repaimi,

Podoaa 13:22

Mpelempa ira melaloo wita Nege ka mehawe i Heberoni. I ra'ai rau i Ahimani, i Sesai ka i Talumai, inuledo to Enaki. Heberoni winangu tese'elu opitu nta'u sekono Soani i Masiri.

Podoaa 13:28

Butu koa, tongku anu mpo'ia i wita atuu memoroso ira, luwuno kotano mebente ka langkai ntu'u. Inuledo mbo'u to Enaki kimengkita iramo i ra'ai.

Winali 1:28

Isua mbo'u kita melako? Ondae pepaekompoto meweweuomo aroato ntelusa, dompotae: Mia atuudo melolangkai ka me'ondau irapo sekono ontae, luwuno kotado langkai ka luwuno bente pekorahakoa hawe i langi, ka kimengkita ira mbo'u to Enaki i ra'ai.”

Winali 2:10

I ndi'ipua to Emimi mpo'ia i ra'ai, aasa tongku anu langkai ka mehadio ira, ondaudo kana to Enaki.

Winali 2:11

Ondae mbo'u atuu dompotae ba to Repaimi, kana teweweuno to Enaki, sine domempauo to Moabi, ondae to Emimi.

Winali 2:21

Ondae aasa tongku anu langkai ka mehadio ira, ondaudo kana to Enaki. Sine Ondae i Ue rumopu ira inso i arodo to Amoni anu mpetorokio witado ka mpo'ia iramo mpiha i ra'ai umeu ira.

Winali 3:11

Butu i Ogo, mokole i Basani anu da tuwu inso i olono toreado to Repaimi. Sekono dasa poturiano, dasa labu. Kombake da kongko i kota Raba inuleno i Amoni? Osio hiku ondauno ka opaa hiku maluano, montonda posongka anu biasa.

Winali 9:2

Aasa tongku anu langkai ka ondau miano, to Enaki anu imento'orio ka anu mongkona ondae imerongeo dompotae mia, ”Isemake anu mokopolio umaropi ira to Enaki?”

Yosua 11:22

Nami hina mbo'u mia to Ena anu pinoinee tuwu i witado to Isaraeli; butu i Gasa, i Gati, ka i Asido da hinao tebinta.

Yosua 15:14

Ka i Kalebi sumaari ira inso i ra'ai otolu ira to Ena, onaemo i Sesai, Ahimani, ka Talamai, anano i Ena.

1 Samueli 17:7

Tangke kansaino kana keu pompalulua hinoru, mobeano mata kansaino nomo etu sikala labu, ka asa mia mowawa kanta melempa i arono.