2 Samueli 21:14 - Wunta Mempori

¹⁴ Domengkaburuo wukuno i Saulu ka i Yonata, anano, i wita Benami, i Sela, a ngkaburuno i Kisi, amano ka iweweuo luwuno anu iparentaako ira mokole. Umarino atuu, Ondae Ue Ala uminduo pekakai tiano wita atuu.

2 Samueli 21:14 ပူးပေါင်းရင်းမြစ်များ

2 Samueli 21:13

Inso i ra'ai iwawa ira wukuno i Saulu ka wukuno i Yonata, anano. Luwuno wukudo mia anu mendinoe atuu ipumpu ira mbo'u.

2 Samueli 24:25

I ra'ai i Daudi mowangu meda pontunua pesomba ndi Ondae i Ue ka mompesombaako pesomba tinunu saru pesomba tekaduduia. Do'induomo i Ue pekakai tiano wita atuu ka pohuku menaa-naaomo umalu ira to Isaraeli.

2 Samueli 3:32

Tempono domengkaburuo i Abinere i Heberoni, mengese iramo mokole tedoa meroku a ngkaburuno i Abinere ka luwuno sorodadu atuu mpengese.

2 Samueli 4:12

Umari atuu i Daudi parentao miano mepate ira. Kae ka karudo pinole, ka i'amba wata ngkoroido domendoeo i wiwi limbo i Heberoni. Sine uluno i Isibose dome'alao ka ikinaburu a ngkaburuno i Abinere i Heberoni.

Yunu 1:15

Ka do'amba mentandeo i Yunu, ka mpetadiakono a laro ntahi. Umarino atuu tahi menaa-naaomo mebomba.

Sakaria 6:8

Ka i'amba mebooli ndi ongkue, ”Kitao, ondae anu mpeluarako melako i Wita Utara atuu ira mpokorodoo Penaa-Ku i Wita Utara.”

Podoaa 25:13

anu gagi pedandoado Imama ndi onae ka inuleno ranta nahina tampulaano, hangano mosiano tumeahakono Ue Alano ka iweweuomo pesintuwua tiado to Isaraeli.”

Podoaa 25:8

Iluluo to Isaraeli atuu hawe a bolongko i tongano ka itobo ira a kompodo orua ira, to Isaraeli ka beine atuu. Ka i'amba pohuku atuu menaa-naa umalu ira to Isaraeli.

Yosua 18:28

Sela, Elepa, ka Yebusi, onaemo Yerusale, Gibea ka Kiriati-Yeari; hopulu ka opaa kota saru luwuno inia. Onaemo pusakado inuleno i Benami montonda pepe'etuado.

Yosua 7:26

Umari atuu domewanguo asahowuno watu langkai da kongkono ranta kanandio. Luntuomo tekuda-Do i Ue. Domeneakono wita atuu lembono Akoro ranta kanandio.

1 Samueli 10:2

I tempono ulako binta aku oleo andio, kotepotowoakono orua ira tama umpeda a ngkaburuno i Raheli, i Selisa i wita Benami. Ondae anu ta pauakomu, ’luwuno kalide anu inungkemu, hinaweomo. Anu pinemasusano amamu, komba kalide mbo'u atuu, sine koroimu. Ipotae: Hapa ta wineweuku mongkona anaku?’