2 Samueli 20:21 - Wunta Mempori

²¹ Menteeano komba kanatuu teweweuno. Sine asa mia inso i mentorukuno Eparai, anu meneeako i Seba anano i Bikiri, itandeomo kaeno umewai ira mokole Daudi; ipeweengakonomo asa-asano, manasa akumo monsuka inso i kota andio.” Motaeomo beine atuu ndi Yoabi, ”Moiko, uluno ta pinetadiako ndi omue inso i bungkuno bente andio.”

2 Samueli 20:21 ပူးပေါင်းရင်းမြစ်များ

2 Samueli 20:1

I ra'ai hinao asa mia lambaha, meneeako i Seba anano i Bikiri, to Benami. Ipuurio tawuwua ka ipotae, ”Nahi tompohawe tia a poparentaano i Daudi. Nahi tompohawe tia pusaka a inuleno i Isai. Singge mia lumako a ngkemano, hei to Isaraeli!”

2 Samueli 20:2

ka do'amba luwudo to Isaraeli atuu mebintao i Daudi ka domentondao i Seba anano i Bikiri, sine to Yehuda mpentonda ira mpiha a mokoledo, inso i Koro Yarade hawe i Yerusale.

2 Samueli 20:20

Ka i'amba sumangki i Yoabi, ”Te'olai, te'olai inso ndi ongkue ba aku mokoropuo!

2 Samueli 23:18

I Abisai, uaino i Yoabi anano i Seruya, onaemo petewawado tolu pulu mia atuu. Onaemo anu mo'ioo kansaino mo'ewai tolu etu mia anu mate tinobono. Onae telele neeno kana Otolu Mia Mosia.

1 Mokole 11:26

I Yerobea anano i Nebati, to Eparai inso i Sereda, umewai ira mbo'u mokole. Onae asa mia pegawaino i Salomo ka ineno, asa tuwu beine, meneeako i Seruya.

2 Mokole 10:7

Mansano hawe wunta atuu ndi ondae, dome'ala ira anado mokole ka domensumbeleo pitu pulu mia atuu, ka do'amba menaao uludo a ngkarandi ka dome'oliwio ndi Yehu i Yisire'eli.

2 Mokole 5:22

Sumangki i Gehasi, ”Luwuno moiko! Butu, ondae ueku i Elisa tumena aku pauo: Da saraipo orua ira mia mongura inso i olodo bawaado nabi aiwa ndi ongkue inso a mentorukuno Eparai. Ipoweeako iramo asa talenta salaka ka orua pasa sangka.”

Yeremia 4:15

Rongeo, Mia paleleo inso i Dani, mopoto'orio masolaa inso i mentorukuno Eparai.

Yeremia 50:19

Sine, Aku mokuleo i Isaraeli i tonga mpada, ka ipongkaa ewo i Karameli ka i Basani, ka imowohi i wawo mentorukuno Eparai ka i Gileadi.

Yosua 24:33

I Eleasa anano i Haruni mate, ka kinaburu ia pongkuno wita anu wineeako ndi Pineha, anano atuu, a mentorukuno i Eparai.

Puu Mpobitara 2:9

Onae kinaburu ia wita pusakano, i Timina-Heresi, a mentorukuno Eparai, i utara torukuno Gaa.

Puu Mpobitara 7:24

I Gideo montena mbo'u mia lumako a luwuno mentorukuno Eparai ka ipe'oliwi, ”Impetiimo umaropi ira to Midia, ka impetorokio luwuno korono hawe i Bete-Bara, ka hawe i Koro Yarade.” Luwudo to Eparai mentinena ira ka dompentorokio luwuno korono hawe i Bete-Bara, ka hawe i Koro Yarade.

Puu Mpobitara 9:55

Mansado mengkitao to Isaraeli motae mateomo i Abimele, melako iramo pada mpekule a mpo'iangaado.

1 Samueli 24:6

Sine umarino atuu, i Daudi wali me'o'ole hangano iseseio untuno lemba meloeno i Saulu.

1 Samueli 26:9

Sine ipotae i Daudi ndi Abisai, ”Si pepateo, hangano isema anu mompepate mia inurapi-Do i Ue asalakono mohawe pohuku.”