2 Samueli 20:15 - Wunta Mempori

¹⁵ Sine mehawe iramo luwuno miano i Yoabi, ka onae domengkaduo i Abeli-Beti-Ma'aka; mpohowu ira wita gagi benteno kota andio ka bente andio raangku hawe a bungkuno bente, ka luwuno palili anu mperongaakono i Yoabi mengkekeo benteno kota atuu ira merongkao.

2 Samueli 20:15 ပူးပေါင်းရင်းမြစ်များ

2 Samueli 20:14

Ilaloomo i Seba luwuno witado suku Isaraeli tetutu i Abeli-Beti-Ma'aka. Ka luwuno to Bikiri mpepumpu iramo ka domentondao.

1 Mokole 15:20

I Benihada rumongeo po'emano mokole. Itena ira tadulako sorodaduno sumapoio luwuno kota i Isaraeli. Ioni, Dani, Abeli-Beti-Ma'aka, ka luwuno Kineroti saru luwuno wita Napatali, inangiomo.

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 19:32

Onaemo pu'uno, kanandiomo pau-Do i Ue mongkona mokoledo to Asuri: Onae nahi ta mewinso i kota andio ka nahi ta motolao ana mpanano te'aro i ndi'ai. Onae mbo'u nahi ta aiwaako kanta ka nahi ta mohowu wita gagi rere watu pongkadua.

Puu Pontutulu 9:14

Hinao asa kota kodei ka palilino nahi hadio. Asa mokole langkai monsapoi, kumaduo ka wangu ira rere watu pongkadua anu langkai ndi onae.

Yesaya 37:33

Onaemo pu'uno, kanandiomo pau-Do i Ue mongkona mokoledo to Asiuri. Onae nahi ta mewinso a ngkota andio ka nahi ta mompotola ana mpanano te'aro i ndi'ai. Onae mbo'u nahi ta aiwa saru kanta ka nahi ta mohowu wita gagi rere pongkadua.

Yeremia 32:24

Menteeano, luwuno rere watu pongkadua tekenseomo pinoko'umpeda ka dompoko'alao kota. Hangano ponai, mokoninggoa ka haki leleno kota atuu pineweengako a ngkaedo to Kasidimi anu mpeteaakono. Ka hapa anu pinau-Miu atuu gagiomo; mentee ntu'u, Omiu isa'a kumitao.

Yeremia 33:4

Hangano kanandiomo pau-Do i Ue, Ue Alado to Isaraeli, mongkona luwuno raha i kota andio ka luwuno langkanaedo mokoledo to Yehuda anu pinobangku tumumboo luwuno rere watu pongkadua ka ponai.

Yeremia 6:6

Hangano kanandiomo pau-Do Ueno luwuakoano, ”Tuehi iramo keuno ka howuomo wita gagi rereno Yerusale! Onaemo kota anu asalakono hinuku! Butu pompokonsiia mpena i larono!

Yehesikieli 4:2

Nggoriomo i wawono kota atuu a laro kontongaano tekadu: pontadeomo asa bente pongkadua, howuomo wita gagi rere watu pongkadua, naaomo pekemaado sorodadu ka potudaomo luwuno parewa porumpai lumimbuo kota atuu.

I LUKASI 19:43

Hangano ta hawe oleono, nine iwalimu ira melimbuakomu bente, ka do'amba mengkaduko ka me'asiko inso a luwuno siuno,