2 Samueli 20:1 - Wunta Mempori

¹ I ra'ai hinao asa mia lambaha, meneeako i Seba anano i Bikiri, to Benami. Ipuurio tawuwua ka ipotae, ”Nahi tompohawe tia a poparentaano i Daudi. Nahi tompohawe tia pusaka a inuleno i Isai. Singge mia lumako a ngkemano, hei to Isaraeli!”

2 Samueli 20:1 ပူးပေါင်းရင်းမြစ်များ

Tegagia 46:21

Luwuno anano i Benami onaemo i Bela, i Bekeri, i Asibela, i Gera, i Na'ama, i Ehi, i Rosihi, i Mupimi, i Hupimi ka i Aredi.

2 Samueli 15:10

Kontongaano atuu, i Abisalo montena tinena rahasia a luwuno suku Isaraeli saru pe'oliwi, ”Tewala imerongeomo unino tawuwua, impeboolimo: I Abisalo gagiomo mokole i Heberoni!”

2 Samueli 16:11

Motae mbo'u i Daudi a luwuno pegawaino ka ndi Abisai, ”Sekonopo ana ngkoroiku ta mingki umoninio penaaku, tamoako to Benami andio! Po'ineeomo, po'ineeomo ipontotonaa, hangano Ondae i Ue mepau Iramo ndi onae kanandio.

2 Samueli 16:7

Kanandiomo pauno i Simei tempono ipontotonaa, ”Polai, polaimo, omue puu mpo'uwu rea, mia mosa'o!

2 Samueli 18:17

Dome'alao wata ngkoroino i Abisalo ka dompetadiakono a laro aa anu langkai a ntobu atuu. I wawono mpowangu ira howuno watu anu langkai ntu'u. Luwuno to Isaraeli mpolai, singge melako a ngkemano.

2 Samueli 20:2

ka do'amba luwudo to Isaraeli atuu mebintao i Daudi ka domentondao i Seba anano i Bikiri, sine to Yehuda mpentonda ira mpiha a mokoledo, inso i Koro Yarade hawe i Yerusale.

2 Samueli 20:22

Ka i'amba mewinsoomo mbo'u beine atuu ka ipepau momoiko a luwuno palili. Umarino atuu dome'impahio uluno i Seba anano i Bikiri ka dompetadiakono ndi Yoabi. I Yoabi puurio tawuwua, ka i'amba ntesiarawo iramo mebintao kota atuu, singge melako a mpo'iangado. Mekuleomo i Yoabi i Yerusale ndi ondae mokole.

2 Samueli 23:6

Sine mia melambaha, luwuno kana rui pinetadiako. Ka menteeano nahi pinoko'alaako kae.

1 Mokole 12:16

Mansado mengkitao luwuno to Isaraeli nine nahi perorongeako ira mokole, mesangki ira palili ndi mokole, ”Hapa kita mpohawe ndi Daudi? Nahina tia pusakato ndi anano i Isai atuu! Imelako a ngkemamiu, hei to Isaraeli! Kanandio-andio orusuomo omuemu rahamu, hei Daudi!” Onae ka domelakomo to Isaraeli a ngkemado.

1 Mokole 21:10

Impontena mbo'u orua mia lambaha mentoro umaropio, ka ondae asalakono gagi sakosii umewaio saru motae: Utotonaa Ira i Ue Ala ka ondae mokole. Umarino atuu imewawao ibungkuno ka imewunoakono watu ranta kai mate.”

2 Tawarika 10:16

Mansado mengkitao luwuno to Isaraeli nine i mokole nahi perorongeako ira, palili mesangkio mokole, ”Tia hapa anu kita mpohawe inso ndi Daudi? Nahina pusakato hapa-hapa inso ndi anano i Isai atuu! Singge mia lumako a ngkemano, oo to Isaraeli! Kanandio-andio orusuomo rahamu omuemu, oo Daudi!” Ka melako iramo luwuno to Isaraeli a ngkemado.

2 Tawarika 10:6

Umarino atuu i Rehabea mo'ema patudu inso a luwuno mia memota'u anu mpetenunu ndi Salomo, amano, kontongaano ituwu, ipotae, ”Hapake patudumiu sumangki ira palili atuu?”

Po'unde-unde 17:13

Ipentademo, Ue, I'aropi iramo ka pobangku iramo, saru ponai-Miu Ipotola akumo inso a mia mosa'o gauno.

Po'unde-unde 34:19

Ondae i Ue atuu umpeda a luwuno mia anu tedoa masusa aroano, ka Dokadudui ira mia anu tetadi pomperorohino.

Powadi 25:8

si madara pekara-karaakono. Hangano a mpoko'ariano, hapake anu pinokoweweumu, tewala pe'asa miamu mokoko'iiko?

Powadi 26:21

Kana halo tiano waro melanga ka keu tiano api, kanatuumo mia anu ineheno me'u'ua ka ipokomokulao pengengea.

I MARAKUSU 3:24

Tewala aasa poparentaa tetia-tia, poparentaa atuu nahi ta mokompo'ia mpiha,

I LUKASI 19:14

Sine mia pe'asa tongkuno me'o'aliaakono, ka do'amba mpotena mia tumonda lembuio mempauo, Nahi kimebehe mia andio gagi mokolemami.

I LUKASI 19:27

Sine luwuno anu umewai aku andio, anu nahi behe ba kugagi mokoleno, wawa iramo ramai ka impepate iramo i arono mataku.”

I YOHANE 13:8

Motae i Peturu ndi Ondae, ”Nahi Komiu wo'ohiakune karuku hawe nahina tampulaano.” Sumangki Ira i Yesu, ”Tewala nahi Kuwo'ohiko, nahi komohawe tia ndi Ongkue.”

Winali 13:13

nine hinao mia mosa'o gauno me'umbaako inso i tonga-tongamiu, anu mokopansia iramo palili i kotado, ipotae, ”Aiwa tompesomba a anu pinesombai susua” anu nahi imento'orio.

Puu Mpobitara 19:22

Sine kontongaado memawongko mehawe iramo mia anu a ngkota atuu, mia melambaha, mensapoio raha atuu. Domedodandao pewowano ka dompotae ia mia mota'u ueno raha atuu: Luarakono mia anu hawe ia rahamu atuu, kami mpewowaliakono.

Puu Mpobitara 3:27

Mansano hawe i ra'ai a mentorukuno Eparai ipuurio tawuwua, ka do'amba mpentii to Isaraeli saru onae inso a mentorukuno atuu, ka onae i arono.

Ruti 2:3

Lumakoomo, hawe ia lere ka ipobini jelai anu tebibinta i bungkudo mia mensowi, ka ikonaio witano i Boasi, inso ia pe'etuno i Elimele.

1 Samueli 13:2

I Saulu mobiniki tolu nsowu mia inso a nto Isaraeli: rua nsowu mia merongaakono i Saulu i inia Mikimasi ka i wita mentorukuno Beteli, asa nsowu mia tumondao i Yonata i inia Gibea-Benami. Palili anu mehano itena ira mpekule a ngkemado.

1 Samueli 2:12

Sine orua ira anano i Eli anu tama, lambaha ira, nahi dopelangkai Ira i Ue,

1 Samueli 30:22

Sine, mpepau iramo luwuno mia mosa'o wineweuno ka melambaha i olodo mia anu melako tumondao i Daudi, dompotae, ”Hangano nahi domelako saru ontae, nahi kita mpoweeako ira maupo hapa anu pinomuru anu inalato. Sine, ana ka beinedo nte'o'asa mia moiko ba domewawa ira!”