2 Samueli 2:1 - Wunta Mempori

¹ Ba'opia tempo lembuino, i Daudi mo'ema pontiso ndi Ondae i Ue, ”Asalakono aku lumako ke a aasa kota i Yehuda?” Pau-Do i Ue ndi onae, ”Lakomo.” Motaeomo i Daudi, ”Isuake asalakono ba kulako?” Pau-Do, ”i Heberoni.”

2 Samueli 2:1 ပူးပေါင်းရင်းမြစ်များ

Tegagia 13:18

Ka i'amba i Burama lumimbao kemano ka rodoomo mo'ia umpeda a hadio keu tarabantino i Mamere, umpeda i Heberoni. I tu'ai ipowangu meda pontunua pesomba ndi Ondae i Ue.

Tegagia 32:2

Tempono ikita ira i Yako, motaeomo, ”Ndio sorodadu-Do Ue Ala.” Ineeakono po'ianga atuu Mahanaimi.

2 Samueli 15:7

Pato nta'u lembuino i Abisalo mesikeno ndi ondae mokole, ”I'eheeakunemo lumako, ka ku'ihiio tinangaku anu kudandiomo ndi Ondae i Ue i Heberoni.

2 Samueli 2:11

Tehineno i Daudi moparenta i Heberoni a nto Yehuda, opitu nta'u ka onoo wula.

2 Samueli 5:19

I Daudi mo'ema pontiso ndi Ondae i Ue, ”Nde asalakonoke aku lumako umewai ira to Pelisiti? Nde Komiu meweengako irake a ngkaeku?” Pau-Do i Ue ndi Daudi, ”Lakomo, nde asalakono Aku meweengako ira to Pelisitii a ngkaemu.”

2 Samueli 5:23

I Daudi mo'ema pontiso ndi Ondae i Ue ka Dopepau, ”Si melako, sine impelempamo mpetanggolili hawe i bungkudo, ranta kau pokosapoi ira, te'aro inso a laro ngkeu murubei.

1 Mokole 2:11

I Daudi parenta ira to Isaraeli patopulu nta'u tehineno. I Heberoni onae moparenta opitu nta'u ka i Yerusale onae moparenta tolu pulu ka otolu nta'u.

1 Tawarika 29:7

Dompeweengakono tiano anggaa i raha-Do Ue Ala, lima nsowu talenta wulaa ka hopulu nsowu dirihami, hopulu nsowu talenta salaka ka hopulu ka oalu nsowu talenta mala saru asa etu talenta labu.

2 Tawarika 11:10

Sora, Ayaloni ka Heberoni. Onaemo atuu luwuno kota mebente, anu po'iangano i Yehuda ka Benami.

Po'unde-unde 143:8

Ipoporongeomo pompehohawa-Miu ndi ongkue i tempono mo'oru, hangano ndi Omiumo kupompe'ala-ala! Ipauakunemo pesalaa anu asalakono kutondao, hangano ndi Omiumo kutandeo sumangaku.

Po'unde-unde 27:4

Asa rupa ku'emaomo ndi Ondae i Ue, butu onae andio anu tedoa ineheku: mo'ia a raha-Do i Ue asa ntinuwuku, sumakosiio pe'aroa-Do i Ue ka sanaa mo'iangario raha-Do.

Yehesikieli 36:37

Kanandiomo pau-Do Ue Ala: Mongkonamo andio anu inehe-Ku mbo'u dome'emao suku Isaraeli ka Kuweweuo ndi ondae: weweu ira mehadio kana bawaano bimba.

Podoaa 13:22

Mpelempa ira melaloo wita Nege ka mehawe i Heberoni. I ra'ai rau i Ahimani, i Sesai ka i Talumai, inuledo to Enaki. Heberoni winangu tese'elu opitu nta'u sekono Soani i Masiri.

Podoaa 27:21

Asalakono ka ipentade i arono sando mpesomba Eleasa, ka ipesikenoakono i Eleasa pomputusi molalo Urimi i aro-Do i Ue. A mpetenano i Yosua saru luwudo to Isaraeli, luwuno bawaa atuu, ira mpelungka ka a mpetenano ira mpekule.”

Yosua 15:13

Sine ndi Kalebi anano i Yepune ipoweeakono i Yosua asantia i tonga-tongano inuleno i Yehuda, onaemo Kiriati-Araba, kana anu pinau-Do i Ue ndi onae; Araba onaemo amado to Ena. Onaemo tuu Heberoni.

Puu Mpobitara 1:1

Mansano mate i Yosua, mpesisikeno iramo to Isaraeli ndi Ondae i Ue, ”Isema ke anu i olo mami ta tese'elu umaropi ira to Kana'a mpe'iwaliako ira?”

1 Samueli 10:22

Onaemo pu'uno ka dompo'ema mbo'u pontiso ndi Ondae i Ue, ”Nde mia atuu hawe koa ke i ndi'ai?” Sumangki Ira i Ue, ”Kitao, onae mewuni i olono sangka anu hadio.”

1 Samueli 23:2

Ka i'amba i Daudi mo'ema pontiso ndi Ondae i Ue, ”Tewala Ipemoikoo, aku lumako meteaako ira to Pelisiti.” Dosangkio i Ue i Daudi, ”Lakomo peteaako ira to Pelisiti kumaduduio kota Kehila.”

1 Samueli 23:4

I Daudi mo'ema mbo'u pontiso ndi Ondae i Ue, onaemo ka Dosangkio. Pau-Do, ”Lakomo i Kehila, to Pelisiti atuu Aku meweengako ira a ngkaemu.”

1 Samueli 30:31

i Heberoni, ka a luwuno po'ianga anu hori tetoroano i Daudi saru luwuno miano.