2 Samueli 19:24 - Wunta Mempori

²⁴ I Mepibose anano i Saulu mbo'u tumotowo ira mokole. Nahi wo'ohio karuno nahi atorao danggono ka nahi lomboo sangkano mompu'u oleo lakodo mokole ranta ka dopekule da tuwu ira.

2 Samueli 19:24 ပူးပေါင်းရင်းမြစ်များ

2 Samueli 12:20

Mewanguomo I Daudi inso a horo, ka i'amba medolo, memina-mina ka i'euo sangkano. Mewinso a laro Raha-Do i Ue ka ipenggolontu mesomba. Umari atuu mekule i raha, hangano po'emano pinatindaako kaanga, ka i'amba mongkaa.

2 Samueli 15:30

I Daudi morake a Pongku Wita Saitu kontongaano mengese, uluno mesoumbu ka ipelempa nahi pe'empehi karu. Luwuno palili anu mentondao mpesoumbu ira luwu, mporake kontongaado mpengese.

2 Samueli 16:3

Mesikeno ira mokole, ”Isuake ana'ueno uemu?” Sumagki i Siba ndi ondae mokole, ”Onae kongko i Yerusale, hangano ipotae: A oleo andio to Isaraeli ira mpokuleo ndi ongkue poparentaado amaku.”

2 Samueli 9:11

Motae i Siba ndi ondae mokole, ”Aku weweuo mengkena kana parentamiu ueku Mokole ndi ongkue.” Kanandiomo i Mepibose mongkaa merongaako ira mokole Daudi, kana anano mokole.

1 Mokole 2:8

Umarino atuu da kongko ndi omue i Simei anano i Gera to Benami inso i Bahurimi. Onaemo anu mepaukiakune saru pontotonaa anu mompokomahaki i tempono kulako i Mahanai. Sine lembuino onae aiwa tumotowo aku i koro Yarade ka mesumpa akumo ndi onae a nee-Do i Ue: Nahi aku mepateakomu ponai!

Peluarakoa 19:10

Mepau Ira i Ue ndi Musa, ”Lakomo tepohaweako ira tongku atuu; pokomempori iramo oleo andio ka tisomo; asalakono domelomboo sangkado.

Yesaya 15:2

Ana beine Diboni mewuatako mengese a luwuno pongku pesombaa; Moabi monsabangi hangano Nebo ka hangano Medeba. Uluno luwuno mia kineru londa ka danggono pinolei.

Yeremia 41:5

mehawe iramo mia inso i Sikemi, i Silo ka i Samaria, hadiodo halo pulu mia, saru danggo tekeru, sangkado teberi-beri ka koroido ntesosoreki. A ngkaedo hinao pesomba kaanga ka dupa ta pinesombaako a Raha-Do i Ue.

I MATIU 6:16

”Ka tewala mempuasa komiu, si mpopokitao rupamiu mompemasusa kana mia mo'onde-onde. Domebalio rupado, ka domengkitao koa mia nine kontongaado mempuasa. Kupauakomiu: Menteeano mpohawe iramo tambodo.

ROMA 12:15

Impo'undemo saru mia anu mo'unde, ka impengesemo saru mia anu mengese!

IBARANI 13:3

Impewowolo ira koa mia mehinuku, hangano omiu isa'a onaemo mia koa mbo'u mehinuku. Ka impewowolo ira koa mia anu mewineweunsa'o, hangano omiu isa'a da mentuwu komiu koa mbo'u i wawontolino andio.