2 Samueli 19:22 - Wunta Mempori

²² Sine ipotae i Daudi, ”Hapake urusuaku saru omiu, hei anano i Seruya, ranta omiu ia oleo andio gagi iwaliku? Tekonake a oleo andio asa mia hinuku mate i Isaraeli? Kombake kuto'orio ntu'u nine oleo andio ongkuemo mokoledo to Isaraeli.”

2 Samueli 19:22 ပူးပေါင်းရင်းမြစ်များ

2 Samueli 16:10

Sine dopotae mokole, ”Hapake urusuaku saru omue, hei anano i Seruya? Po'ineeomo ipontotonaa! Hangano tewala Ondae i Ue mepau ndi onae: Totonaaomo i Daudi, isemake anu ta mesikeno: tembio kau poweweu kanatuu?”

2 Samueli 16:5

Tempono mokole Daudi hawe i Bahurimi, meluarakoomo inso i ra'ai asa mia inso a nsomborino i Saulu, neeno i Simei anano i Gera. Kontongaano melempa meluarako, kongkono mpiha montotonaa.

2 Samueli 16:9

Motae i Abisai anano i Seruya ndi ondae mokole, ”Tembio dahu mate andio tumotonaakomiu ueku mokole? I'eheakunemo mesakiako ka kupoleo uluno.”

2 Samueli 3:39

Maupo umari akumo inurapi gagi mokole, ongkue kanandio-andio me'aroa akumo, sine mia atuudo, luwuno anano i Seruya, tedoa kupelambaha ira. Po'ineeomo Ondae i Ue sumuloo wineweuno mia anu mosa'o menunu kana mosa'ono.”

Yesaya 16:5

asa kadera poparentaa ta tineahako a laro mpetenunu mompehohawa ka i wawono, a laro ngkemano i Daudi ta wela mentoro asa puu mpobitara anu tumeahakono moleoa, ka anu ronga moweweu menteea.”

I MATIU 8:29

Ka mebooli iramo, dopotae, ”Hapa I'ungkeakami, hei Ana-Do Ue Ala? Nde onaeke I'aiwaako ramai Komiu bobarasai kami napi tempono?”

1 Samueli 11:13

Sine motae i Saulu, ”Oleo andio nahina maupo te'asa mia anu ta hinuku mate, hangano oleo andio Ondae i Ue moweweu Iramo tekaduduia ia nto Isaraeli.”

1 Samueli 26:11

A nee-Do i Ue, nahi aku motiio kaeku a mia inurapi-Do i Ue. Kanandio-andio alaomo kansai umpeda i uluno atuu ka ponaapa uwoi, ka aiwamo tomelako.”

1 Samueli 26:8

Ipotae i Abisai ndi Daudi, ”Oleo andio Ondae i Ue Ala Dopeweengakono iwalimiu a ngkaemiu. Kanandio-andio po'ineeomo aku tumandapakono kansaiku ndi onae pohona koa nahi ta pendua.”

1 Samueli 26:9

Sine ipotae i Daudi ndi Abisai, ”Si pepateo, hangano isema anu mompepate mia inurapi-Do i Ue asalakono mohawe pohuku.”