2 Samueli 17:8 - Wunta Mempori

⁸ Motae mbo'u i Husai, ”Ito'orio nine amamu ka luwuno miano onaemo puu mpe'iwali, ka melambaha ira kana berua tetadi anano i tonga mpada. Ka mbo'u amamu asa mia sorodadu ntu'u. Nahi ta mo'inee ira sorodaduno mpoturi.

2 Samueli 17:8 ပူးပေါင်းရင်းမြစ်များ

2 Samueli 15:18

Luwuno pegawaino mpelempa melaloo, kanatuu koa mbo'u to Kereti ka to Peleti. Kanatuu koa mbo'u to Gati nomo etu mia hadiono, anu lano mentondao mompu'u i Gati, mpelempa lumalo ira mokole.

2 Samueli 17:9

Manasaomo kanandio-andio mewuni i aasa kunepo ba ia aasa mpo'ianga. Tewala a mposapoia amba-ambano ba opia mia anu mate, isemamo koa anu rumongeo ta motae: Sorodadu anu tumondao i Abisalo mentenangi iramo.

2 Samueli 23:16

ka i'amba otolu mia mosia atuu mansa mpewinso a mpekemaado to Pelisiti. Mpotambu ira uwoi inso a nsumuru umpeda pewowa langkai Beteleme, mentandeo ka mewawao ndi Daudi. Sine i Daudi nahi behe uminuo, tendeano ipesombaakono gagi pesomba tinawa ndi Ondae i Ue,

2 Samueli 23:18

I Abisai, uaino i Yoabi anano i Seruya, onaemo petewawado tolu pulu mia atuu. Onaemo anu mo'ioo kansaino mo'ewai tolu etu mia anu mate tinobono. Onae telele neeno kana Otolu Mia Mosia.

2 Mokole 2:24

Onae ka ipewolili i bungkuno ka mansano kumita ira, itotonaa ira a nee-Do i Ue. Ka i'amba meluarakoomo orua berua inso a ntobu, ka i'amba doberi-berio pato pulu ka orua ira nana'ote inso ndi ondae.

Powadi 17:12

Moikoopo tepotowo saru berua waino anu tetadi anano, sekonopo saru mia monge-monge a laro benge-bengeno.

Powadi 28:15

Kana singa anu mengaoli ke berua anu mesapoi, kanatuumo mia mosa'o gauno anu moparenta palili anu molema.

Yehesikieli 19:2

Potaemo kanandio, ”Inemu gagiomo ntu'u singa waino i olodo luwuno singa! Onae mepombole i olodo singa mongura, ka mo'uo ira anano.

Danieli 7:5

Tengkita hinao kondehora susua, anu ko'orua, rupano kana berua. Onae mentade a asa apano, ka otolu wuku hori da kongko a laro ngangano a olo ngisino. Kanandiomo ipinotaeako: Hio, pongkaamo bau tehadio ntu'u.

Hosea 13:8

Aku sumapoi ira kana berua anu tetadi anano, Aku berio radado. I ra'ai Aku kumaa ira, kana singa waino; kondehora mo'ila i tongampada ta meberi-beri ira.

Puu Mpobitara 18:25

Mpotae iramo inuleno i Dani ndi onae, ”Siimo mbo'u kimerongeo paumu, ta mansa hina mia sumapoiko hangano mahaki aroa, ka imeropu asa raha.”

1 Samueli 16:18

Sumangki asa mia atano, ”Menteeano kukitaomo asa mia anano i Isai to Beteleme, anu pande memae kasapi. Onae asa sorodadu anu mosia, pande mepau, montama koroino. Ondae i Ue kumongkomio.”

1 Samueli 17:50

I Daudi numangiakono kembi ka watu a to Pelisiti atuu. Inangio to Pelisiti atuu ka ipepateo. Nahina ponai a ngkaeno i Daudi.

1 Samueli 23:23

Impepenteeomo luwu po'ianga pewuniano. Tewala manasaomo, iwali me'aiwa ndi ongkue, ka to'amba mperonga melako. Tewala lano kongko i wita andio, akumo umungkeo i olodo luwuno to Yehuda.”