2 Samueli 17:23 - Wunta Mempori

²³ Mansano kumitao i Ahitopeli nine patuduno nahi tinonda, ipokonao lampi kalideno, ka i'amba melungka lumako i kotano ka ipekule i rahano. I'atorao somborino, ka i'amba mendoe. Kanatuumo imate ka ikinaburu a laro kaburuno amano.

2 Samueli 17:23 ပူးပေါင်းရင်းမြစ်များ

2 Samueli 15:12

Tempono ta mompesombaako pesomba, i Abisalo umoluo i Ahitopeli, to Gilo, puu mpopatuduno i Daudi, aiwa inso i Gilo, kotano. Morosoomo tepo'asaa umewa atuu ka kohadi-hadiono palili tumondao i Abisalo.

2 Samueli 15:31

Ndi Daudi pinauako kanandio, ”I Ahitopeli kongko i olodo mia anu ntepo'asaakono i Abisalo.” Motaeomo i Daudi. ”Siimo Ipokogagio patuduno i Ahitopeli atuu, oo Ue.”

2 Samueli 16:23

I tempono atuu patudu anu iweeakono i Ahitopeli mingki kana pontiso anu inema inso ndi Ondae Ue Ala; kanandiomo mbo'u sompo patuduno i Ahitopeli a pongkitano i Daudi maupo i Abisalo.

2 Samueli 17:22

Ka i'amba i Daudi ka luwuno palili anu tumondao mpopari-pari mensakio koro Yarade. I tempono tebosi towea nahina maupo te'asa mia tebinta, anu nahi sakio koro Yarade.

1 Mokole 16:18

Kumitao kota atuu ipongko'alaomo, mewinsoomo i Simiri i larono bolongko kodei a langkanaedo mokole. Isongkoo langkanaedo mokole ka onaeno mate mo'ai,

2 Mokole 20:1

A luwuno oleo atuu i Hisikia mahaki ka ilawupo imate. Ka i'amba i nabi Yesaya anano i Amosi aiwa ka ipotaeakono, ”Kanandiomo pau-Do i Ue: Pobintamo pe'oliwimu a nsomborimu, hangano omue komate, nami kotompa mbo'u.”

Ayubi 31:3

Kombake matea tiano mia anu molengku ka urasa'o tiano mia anu moweweu mosa'o?

Po'unde-unde 109:20

Po'ineeomo luwuno atuu inso ndi Ondae i Ue ka igagi tambono mia anu tumuluri aku, ka tambono mia anu mompau mosa'o mongkona ongkue.”

Po'unde-unde 5:10

Hangano paudo nahina anu pine'ala-ala, laro aroado buke anu mosa'o, burokodo kana kaburu menganga, elodo buke pe'akala.

Po'unde-unde 55:23

Peweengakonomo danggaramu ndi Ondae i Ue, ka Ira mekariako! Nahi Dopo'ineeo mia mentee telelu.

Powadi 16:18

Pompelangka-langkai mese'elungio tekale-kalea, ka konangi-nangi mese'elungio tedontaa.

Powadi 19:3

Benge-bengeno onaeno mia atuu mokontesaao pesalaano, sine aroano tekuda ndi Ondae Ue.

Yesaya 38:1

I tempo atuu i Hisikia mahaki ka tedeipo imate. Nabi Yesaya anano i Amosi aiwa ka ipotae ndi onae, ”Kanandiomo pau-Do i Ue: pobintamo pe'oliwi a nsomborimu, hangano omue komate, nahi kotompa mbo'u.”

I MATIU 27:5

Onaemo ka ipetadiakono doi salaka atuu a laro Raha Mempori, ka i'amba lumako inso i tu'ai ka ipendoe.