2 Samueli 17:11 - Wunta Mempori

¹¹ Onaemo pu'uno ka kupepatudu kai luwuno to Isaraeli inso i Dani hawe i Bereseba mpempumpu ndi omue, kana hadiono one i wiwi ntahi, ka omue isa'a asalakono lumako metea.

2 Samueli 17:11 ပူးပေါင်းရင်းမြစ်များ

Tegagia 13:16

Aku mokogagio inulemu kana awu wita hadiono. Ba hinao mia mokodoao awu wita, inulemu mbo'u pinokodoa.

Tegagia 21:14

Tisomono mo'o-mo'oru i Burahima mo'ala roti saru asa kadu uwoi, weeakono i Hagari, ka inaao a wawo oweano. Ka i'amba meronga anano atuu itenao i Hagari lumako. Ka i'amba i Hagari lumako ka melakopi i pada one Bereseba.

Tegagia 22:17

manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido.

2 Samueli 12:28

Kanandio-andio pumpu iramo toreano sorodadu, sapoiomo kota atuu ka rontuomo, kasi ongkue anu rumontuo kota atuu ka neeku gagi neeno kota atuu.”

2 Samueli 24:2

Ka do'amba motae mokole ndi Yoabi ka luwuno tadulako sorodadu anu merongaakono, ”Imelakomo, sumompo ira luwuno suku Isaraeli inso i Dani hawe i Bereseba. Doa iramo palili, ka kuto'oriokoa hadiodo.”

2 Samueli 3:10

lumimbao poparentaa inso a nsomborino i Saulu ka mowangu kadera poparentaano i Daudi a nto Isaraeli ka Yehuda, inso i Dani hawe i Bereseba.”

1 Mokole 20:10

I Benihada montena mia lumako ndi Ahabi saru pe'oliwi, ”Po'ineeomo luwuno pinesombaiku mehuku aku mobea maupo torea mbo'u, tewala hadiono awuno hanga kota Samaria da dompokorakuo palili anu mentonda aku.”

1 Mokole 4:20

To Yehuda ka to Isaraeli mehadio ira ntu'u kana one i wiwi ntahi. Ondae mpongkaa ka mempo'inu memawongko.

Po'unde-unde 9:16

Luwuno tongku saampu a laro aa anu wineweudo, karudo kona rako a laro buani anu pinasado ondaedo.

Yosua 11:4

Ka do'amba mpeluarako luwu mokole andio mperonga-ronga saru luwuno sorodadu, tedoa hadio palili, kana one i wiwi ntahi hadiono, ka tedoa hadio ngara ka kareta.

Puu Mpobitara 20:1

Melako iramo luwudo to Isaraeli, te'inso i Dani hawe i Bereseba ka inso i wita Gilea, pepumpu iramo mperonga-ronga mpe'aro ndi Ondae i Ue i Misipa.

1 Samueli 13:5

To Pelisiti mpepumpu melako mpetea umewai ira to Isaraeli, tolu pulu nsowu kareta mpe'iwali, nomo nsowu sorodadu mpengara, ka sorodadu mpelempa kana one i wiwi ntahi hadiono. Melako iramo ka dompekema i Mikamasi, i sabaano oleo Beti-Awena.

1 Samueli 3:20

Gagi luwudo to Isaraeli inso i Dani hawe i Bereseba mento'orio nine i Semueli gagiomo nabi-Do i Ue anu pine'ala-ala.