2 Samueli 15:8 - Wunta Mempori

⁸ Hangano tempono da kupo'ia i Gesuri, i Arami, atamiu andio montangaomo, kanandio: Tewala Omiu UeIpokule aku ntu'u i Yerusale, asalakono aku moweweu pesomba ndi Omiu.”

2 Samueli 15:8 ပူးပေါင်းရင်းမြစ်များ

2 Samueli 14:23

Ka i'amba i Yoabi lumako i Gesuri ka iwawao i Abisalo i Yerusale.

2 Samueli 14:32

Motae i Abisalo ndi Yoabi, ”Montena akumo mia aiwa ndi omue saru pe'oliwi: ’Aiwamo ramai, aku tumenako lumako ndi ondae mokole, pauako ira: hapa tuduno kuaiwa inso i Gesuri? Moikoopo kupo'ia mpiha i ra'ai.’ Kanandio-andio, ineheku aiwa i arodo mokole. Tewala hinao salaku, po'ineeomo kuhinuku mate.”

2 Samueli 15:9

Dopotae mokole ndi onae, ”Lakomo temoiko.” Ka i'amba i Abisalo lumako i Heberoni.

2 Samueli 3:3

Anu ko'orua i Kileabi, anano inso ndi Abigai, beine to Karameli, umari kombiano i Naba. Anu ko'otolu onaemo i Abisalo, anano inso ndi Maaka, ana beineno i Talamai mokole i Gesuri.

Po'unde-unde 56:12

ndi Ondae Ue Ala kupompe'ala-ala, nahi kudoito. Hapake anu pinokoweweuno mia ndi ongkue?

Puu Pontutulu 5:4

Moikoopo nahi upontanga sekonopo montanga sine nahi u'ihiio.

Yesaya 28:15

Hangano mpotae komiumo, ”Mpoweweu kamimo pedandia saru matea, ka saru tolinodo mia mate mpoweweu kamimo tepo'asaa mpau; maupo mowo tumutuwio ka sumampuo, nahi ta kumona kami; hangano kimpokogagiomo pegaupi gagi pepekaduduimami, ka omami mpewuni a laro mpegaupia.”

Yeremia 42:20

Imempopo'ooomo koroimiu ka gagi masolaano penaamiu, tempono imentena aku ndi Ondae i Ue, Ue Alamiu, saru mpotae: Pekakaiakamimo ndi Ondae i Ue, Ue Alato, ka pauomo a menteeano ndi omami hapa anu pinau-Do i Ue, Ue Alato, ka kimeweweuo!

Yosua 24:15

Sine ba impewowoloo, nahi impemoikoo mesomba ndi Ondae i Ue, impobinikimo oleo andio ke ndi sema komiu mpesomba; luwuno anu pinesombaido ue mpu'umiu i asatowano koro Yarade, ke anu pinesombaido to Amori, anu witano impo'iangario. Sine ongkue ka luwuno pe'asa rahaku kami mpesomba ndi Ondae i Ue!”

1 Samueli 1:11

Ka i'amba montanga kanandio, ”Omiu Ue luwuakoano, tewala ipehohawa aku, Ikitaomo masusano aroaku, tetenaa-Miu andio, Irambe aku kasi kolupe aku, tetenaa-Miu, tewala ipowee akumo asa ana ntama, aku meweengakono asa ntinuwuno ndi Omiu Ue. Piso pekeru nahi ta dumanggio uluno.”

1 Samueli 16:2

Ipotae i Semueli, ”Kana'umpe ka aku lumako? Tewala irongeo i Saulu, ta mepate aku.” Pau-Do i Ue, ”Wawao asa sapi da mongura kau pauo, ’aku aiwa mompesombaako pesomba ndi Ondae i Ue.’