2 Samueli 15:25 - Wunta Mempori

²⁵ Ka i'amba motae iramo mokole ndi Sadoki, ”Wawaomo Burua Pedandia-Do Ue Ala pokuleo i kota. Tewala mohawe aku pompehohawa a pongkita-Do i Ue, Ira koa wawa aku mekule, ranta aku koa wali kumitao saru po'iangano mbo'u.

2 Samueli 15:25 ပူးပေါင်းရင်းမြစ်များ

2 Samueli 6:17

Burua-Do i Ue winawa mewinso, ka i'amba ninaa a mpo'ingaano, i larono kema anu wineweuno i Daudi. Ka i'amba i Daudi mompesombaako pesomba tinunu ka pesomba tekaduduia i aro-Do i Ue.

2 Samueli 7:2

motae ira mokole ndi nabi Nata, ”Kitaomo, mo'ia aku a raha inso a ngkeu arasi, kahinaano Burua-Do Ue Ala kongko i larono tenda.”

Po'unde-unde 122:1

Penani pekohono i Daudi. Mawongko aku, tempono kupinauako, ”Aiwa ka tomelako a Raha-Do i Ue.”

Po'unde-unde 122:9

Hangano Raha-Do i Ue, Ue Alato, aku koa umusahaakomu anu lalu moiko.

Po'unde-unde 26:8

Ue, kukekewoio raha po'ianga-Miu ka a mpo'ianga maramba-Miu ipo'ia.

Po'unde-unde 84:10

Ikitaomo kantamami, oo Ue Ala, Ikitaomo rupado mia anu inurapi-Miu!

Peluarakoa 15:13

A pompehohawa-Miu i taate ira bawaa anu tinolosi-Miu; Hangano roso-Miu i taate ira hawe a mpo'ianga-Miu anu mempori.

Peluarakoa 33:12

Motae i Musa ndi Ondae i Ue, ”Omiumo anu mepau ndi ongkue: ’Wawa iramo tongku andio melako!’ Sine nahi Ipauakune, isema anu Komiu tumenao merongaakune. Kahinaano mepau Komiu: ’Kuto'oriko saru neemu ka mohaweko mbo'u pompehohawa i aro-Ku.’

Peluarakoa 33:13

Kanandio-andio, tewala mohawe aku pompehohawa i aro-Miu, Ipauakune po'ehe-Miu ranta ka kuto'ori-Komiu, ka kukongko mpiha mohawe pompehohawa i aro-Miu. Ipewowoloo tongku andio bawaa-Miu.”

Yesaya 38:22

Se'eluno i Hisikia motaeomo, ”Hapeke anu ta gagi petondoni nine aku lumako i Raha-Do i Ue?”

Yeremia 25:30

Omuemu isa'a, pauomo luwuno pau anu ta gagi andio ndi ondae. Pauako iramo: Ondae i Ue Ira mengaoli kana singa inso a mantandeano ka moporongeo suara-Do inso a mpo'ianga-Do anu mempori; Ira mengaoli meroku a mpo'ianga pompakambia-Do, asa pohio, kana pohiodo anu mposesa wua anggoro, a luwuno palilino tolino.

Yeremia 7:4

Si mpe'ala-alao luwuno pau mpegaupi andio: ndio raha-Do i Ue, raha-Do i Ue, raha-Do i Ue!