2 Samueli 15:24 - Wunta Mempori

²⁴ Ka hinaano, i Sadoki mbo'u kongko i ra'ai saru luwudo to Lewi puu mpontande Burua Pedandia-Do Ue Ala. Domenaao Burua Pedandia-Do Ue Ala ranta luwuno bawaa inso i kota umari mpesakiako. I Abiata mbo'u metonda.

2 Samueli 15:24 ပူးပေါင်းရင်းမြစ်များ

2 Samueli 15:27

Motae ira mbo'u mokole ndi sando mpesomba Sadoki. ”Uto'oriomoke? Pekulemo temoiko i kota saru anamiu, i Ahima'asi anamu ka i Yonata anano i Abiata.

2 Samueli 15:35

Kombake i sando mpesomba Sadoki ka sando mpesomba Abiata saru omue i ra'ai? Luwuno anu rinongemu inso i langkanaeno mokole, asalakono kau pauakono sando mpesomba Sadoki ka i Abiata.

2 Samueli 20:25

I Seya gagi puu mpoburi a poparentaa. I Sadoki ka i Abiata gagi sando mpesomba.

2 Samueli 6:13

Tempono luwuno mia anu menselao Burua-Do i Ue atuu mpelempa onoo laampa'a, ipesombaakono aasa sapi ka aasa anano sapi anu pinokomewalo.

2 Samueli 8:17

i Sadoki anano i Ahitubi ka i Ahimele anano i Abiata gagi sando mpesomba a pomparentaa; i Seraya gagi puu mpoburi a pomparentaa;

1 Mokole 1:8

Sine, sando mpesomba i Sadoki, i Benaya anano i Yoyada, i nabi Nata, i Simei ka i Rei, saru luwuno miano i Daudi, nahi dompe'alaako ndi Adonia.

1 Mokole 2:26

Ndi ondae sando mpesomba Abiata, mepau ira mokole, ”Lakomo i Anatoti, a wita pine'uemu, hangano omue tekona hinuku mate. Sine, a oleo andio nahi aku mepateko, hangano omue montandekomo burua pedandia-Do Ue Ala i arodo amaku i Daudi, ka hangano sarumo omue marasai a laro luwuno marasaia anu pinembasaido amaku.”

1 Mokole 2:35

Ondae mokole motoroo i Benaya anano i Yoyada umeuo i Yoabi gagi tadulako sorodadu. Dopotoroo mbo'u sando mpesomba Sadoki umeuo i Abiata.

1 Tawarika 15:2

I tempo atuu motae i Daudi, ”Si hina anu tumandeo Burua-Do Ue Ala sangkadio to Lewi, hangano ondaemo anu bininiki-Do i Ue mentandeo Burua-Do i Ue ka mekakaako Ira hawe nahina tampulaano.”

Yehesikieli 48:11

Ndiomo tiado inuleno i Sadoki, luwuno sando mpesomba anu umariomo pinokomempori, anu mpekakaakono anu asalakono anggaado ndi Ongkue ka nahi petonda tesaa a laro ntesaaado to Isaraeli kana luwuno to Lewi.

Podoaa 4:15

Mansano i Haruni ka luwuno anano borungio luwuno sangka mempori ka luwuno parewano po'ianga mempori, i tempono pekemaa ta melungka, ka i'amba to Kehati moikoomo dompewinso i larono mentandeo luwuno sangka atuu. Sine, si dontepodanggi saru luwuno sangka mempori atuu, memate ira te'ingka. Gagi onaemo atuu luwuno sangka a Ngkema Tepotowoa anu asalakono domentandeo inuleno i Kehati.

Podoaa 7:9

Sine a inuleno i Kehati nahi poweeako ira maupo hapa, hangano anggaado onaemo mpontande luwuno sangka mempori a wawo oweado.

Yosua 3:3

Ka iparenta ira luwuno tongku atuu, ipotae, ”Tewala imengkitaomo burua pedandia-Do i Ue, Ue Alamiu domenselao sando mpesomba, anu lano tongku Lewi, imelakomo mentondao,

Yosua 3:6

Ka ia luwudo sando mpesomba ipotae i Yosua kanandio, ”Imentandeomo burua pedandia impesakiakomo i arodo tongku atuu.” Domentandeomo burua pedandia ka dompelempa i arodo tongku atuu.

Yosua 6:4

ka opitu ira sando mpesomba mpowawa tawuwua tandu bimba i arono burua pedandia. Sine i oleo ko'opitu, pepintu imebolilio kota atuu, ka sando mpesomba mpopuuri tawuwua.

Yosua 6:6

Ka i'amba i Yosua anano i Nunu moboi ira luwuno sando mpesomba ka ipepauako ira, ”Imentandeomo burua pedandia atuu ka opitu mia mpowawa opitu tawuwua tandu bimba i arono burua-Do i Ue.”

1 Samueli 22:20

Sine asa anano i Ahimele, anano i Ahitubi, anu tola, meneeako i Abiata. Onae molai metonda ndi Daudi.

1 Samueli 4:11

Ka burua pedandia-Do Ue Ala rinontu ka orua ira anano i Eli mate.