2 Samueli 12:9 - Wunta Mempori

⁹ Tembio kau pokongkodei Ira i Ue ka upoweweu anu mosa'o a pongkita-Do? I Uria to Heti atuu upepateakono ponai. Beineno u'alao gagi beinemu, ka onae upepateakono ponaino inuleno i Amoni.

2 Samueli 12:9 ပူးပေါင်းရင်းမြစ်များ

2 Samueli 11:4

Umari atuu montenaomo mia i Daudi umalao i Batiseba. Beine atuu aiwa ndi onae ka i Daudi mewowaliakono. Beine atuu da'iaopo umari umaluo wulano. Ka i'amba beine atuu mekuleomo i rahano.

2 Samueli 12:10

Onaemo pu'uno, ponai nahi ta otu umaropi ira inulemu ranta ntinuwu, hangano upokongkodei Akumo ka u'alao kombiano i Uria, to Heti atuu ka ukombiao.

2 Samueli 16:7

Kanandiomo pauno i Simei tempono ipontotonaa, ”Polai, polaimo, omue puu mpo'uwu rea, mia mosa'o!

1 Mokole 15:5

Hangano i Daudi moweweu anu mentee a pongkita-Do i Ue ka nahi pansia inso a luwuno anu Doparentaakono i Ue asa ntinuwuno, sangkadio mongkona i Uria, to Heti atuu.

1 Mokole 21:19

Pauakonomo kanandio: Kanandio pau-Do i Ue: Umari mompepate, da morontuko mbo'u? Pauakono mbo'u: Kanandio pau-Do i Ue: A mpo'iangano dahu sumile'io reano i Nabo, i tu'ai koa mbo'u ta sumileio dahu reamu.”

2 Tawarika 33:6

Tendeano ipesombaako ira anano a laro api i Lebaki Beni-Hinomi. Onae mongkita anu nahi manasa ta gagi, mompau anu nahi manasa ta gagi ka mompake tino'ori, tepohaweako ira puu pompoboi onitu ka puu pompoboi penaa mompau anu nahi manasa ta gagi. Hadio wineweuno anu mosa'o a pongkita-Do i Ue, ranta ka ipokotesingkao tekuda-Do.

Po'unde-unde 51:14

Ipokuleakunemo mawongkoa hangano pongkadudui-Miu, ka Itumboakunemo penaa anu moroso!

Po'unde-unde 51:16

Ipotola akumo inso a mpasua rea, oo Ue Ala, Ue Ala tekaduduiaku, ka eloku ta kokora-kora mawongko paleleo moleo-Miu!

Po'unde-unde 51:4

Ipokomorina akumo luwu inso a nsalaku, ka inso a halaku Ipokomempori akumo!

Po'unde-unde 90:8

Salamami Inaao i aro-Miu, tendeano maupo anu tewuni a laro wantano rupa-Miu.

Powadi 14:2

Isema anu moleo pelempano, doitoako Ira i Ue, sine mia anu tesaa pesalaano mokongkodei Ira.

Yesaya 5:24

Onaemo pu'uno, kana elo api mongkaa seami, ka kana ewo mokari pingko tampula a laro langano api, kanatuumo luwuno hakado ta moboo, ka sisino mpenee kana awu, hangano nahi domentarimao pompaguru-Do Ueno luwuakoano ka mentatao pau-Do Anu Tedoa mempori, Ue Alado to Isaraeli.

Yeremia 18:10

Sine tewala mpoweweu ira anu mosa'o i arono mata-Ku ka nahi domperorongeakono pau-Ku, asalakono me'o'ole Akumo hangano moikoa anu dinandi-Ku ka ipetii ndi ondae.

Amosi 2:4

Kanandiomo pau-Do i Ue, ”Hangano otolu wineweuno Yehuda anu mosa'o, ke opaa, nahi Aku balio pomputusi-Ku. Hangano nahi domentarimao songka-Do i Ue, ka nahi dompe'ini a luwuno pompakosi-Do. Dompokopansia ira lahumoa mpegaupi anu tinondado uempu'udo.

1 Samueli 15:19

Tembio ka nahi uperorongekono pau-Do i Ue? Tembio kau po'ala pinomuru kau poweweu anu mosa'o a pongkita-Do i Ue?”

1 Samueli 15:23

Mo'ewai songka mengkena halano kana mia puu mpososa'ori. Nahi pomperorongeako mengkena kana mosaono mia mpelahumoa. Hangano omue umewaiomo pau-Do i Ue, omue nami Dotarimako mbo'u gagi mokole.”

1 Samueli 15:26

Sine ipotae i Semueli ndi Saulu, ”Nahi aku behe mbo'u merongaakomu, hangano omue u'ewaiomo pau-Do i Ue, nde Ondae i Ue mbo'u nami Dotarimako gagi mokoledo to Isaraeli.”