2 Samueli 12:20 - Wunta Mempori

²⁰ Mewanguomo I Daudi inso a horo, ka i'amba medolo, memina-mina ka i'euo sangkano. Mewinso a laro Raha-Do i Ue ka ipenggolontu mesomba. Umari atuu mekule i raha, hangano po'emano pinatindaako kaanga, ka i'amba mongkaa.

2 Samueli 12:20 ပူးပေါင်းရင်းမြစ်များ

2 Samueli 12:19

Tempono ikita ira i Daudi pegawaino mpetanga-tanga, ipokonto'oriomo, nine nana'ote atuu mateomo. Ka i'amba i Daudi Sumikeno ira pegawaino, ”Mateomoke nana'ote atuu?” Domesangkio, ”Mateomo.”

2 Samueli 12:21

Mpotae iramo pegawaino ndi onae, ”hapake anu wineweumiu andio? Tempono da ituwu nana'ote atuu, puasa ka mengese komiu, sine mansano nana'ote atuu mate mewangu komiu ka ipongkaa!”

2 Samueli 14:2

montenaomo mia lumako i Tekoa ta umalao inso i ra'ai asa beine monto'ori. Motaeomo a beine atuu, ”Po'onde-onde mo'inombo ka pokonaomo sangka po'inombo. Si urapiakono lana koroimu, ka pogaumo kana asa beine anu tehineomo ipo'inombo hangano mateno asa mia.

2 Samueli 19:24

I Mepibose anano i Saulu mbo'u tumotowo ira mokole. Nahi wo'ohio karuno nahi atorao danggono ka nahi lomboo sangkano mompu'u oleo lakodo mokole ranta ka dopekule da tuwu ira.

2 Samueli 6:17

Burua-Do i Ue winawa mewinso, ka i'amba ninaa a mpo'ingaano, i larono kema anu wineweuno i Daudi. Ka i'amba i Daudi mompesombaako pesomba tinunu ka pesomba tekaduduia i aro-Do i Ue.

2 Samueli 7:18

Ka i'amba mokole Daudi mewinso i larono ka ipentoro i aro-Do i Ue. Ipotae, ”Isemake ongkue andio, oo Ue Ala, ka isemake somboriku, ranta ka Iwawa aku hawe olai andio?

Ayubi 1:20

Mentadeomo i Ayubi, berio lemba meloeno, ka kumeruo uluno, ka i'amba menggolontu ka mesomba.

Ayubi 2:10

Sine sumangki i Ayubi ndi onae, ”Omue mepau kana beine monge-monge! Nde inehetoke montarima butu anu moiko inso ndi Ondae Ue Ala, sine nahi tobehe montarima anu nahi moiko?” I larono luwuno atuu i Ayubi nahi tehalaako wiwino.

Po'unde-unde 103:1

Inso ndi Daudi. Unde-unde Iramo i Ue, hei sumangaku! Unde-undeomo nee-Do anu mempori, hei tompaano aroaku!

Po'unde-unde 103:8

Ondae i Ue me'aroa ka mompehohawa, tedoa sabara ka langkai ntu'u pompehohawa-Do.

Po'unde-unde 39:9

Ipotola akumo inso a luwuno polimpa'iku, si pokogagi aku tetewehiano mia monge-monge!

Po'unde-unde 95:6

Pewinsomo, aiwamo tompenggolontu mpesomba, mpenggolontu i aro-Do i Ue anu mokogagi kita.

Powadi 3:7

Si potae koroimu pande mosongka, doitoako Iramo i Ue ka olaiakono mosa'oa;

Puu Pontutulu 9:8

Po'ineeomo sangkamu wela mopute ka asalakono ka ihina lana a wawo ulumu.

I MATIU 6:17

Sine tewala omue puasa, lanaomo ulumu ka pero'umo,

I LUKASI 7:46

Nahi ulanaiakono lana ulu-Ku, sine onae karu-Ku ilanaiakono mina-mina.

Ruti 3:3

Pedolomo ka upemina-mina, pesangkaako sangka anu tekosi, ka lakomo a mposesaa. Sine kasi to'oriko mia atuu, se'eluno napi umari mongkaa ka mo'inu.

1 Samueli 15:25

Kanandio-andio, ipehohawa aku siimo ikitaakune halaku. Pekulemo saru ongkue, ka kupokompesomba koa ndi Ondae i Ue.”

1 Samueli 15:31

Umarino atuu i Semueli wali tumondao i Saulu. Ka i'amba i Saulu mesomba ndi Ondae i Ue.