2 Samueli 12:13 - Wunta Mempori

¹³ Ka i'amba motaeomo i Daudi ndi Nata, ”Tehala akumo ndi Ondae i Ue.” Motae i Nata ndi Daudi, ”Ondae i Ue Do'oniniomo halamu, nahi komate.

2 Samueli 12:13 ပူးပေါင်းရင်းမြစ်များ

Tegagia 39:9

Tamoako i raha andio, ondae nahi lalua sekono ongkue, ka nahina anu nahi dopeweengakono ndi ongkue sangkadio omiu, hangano omiu kombiado. Nde kana'umpe aku moweweu mosa'oa anu langkai andio ka moweweu hala ndi Ondae Ue Ala?”

2 Samueli 24:10

Sine me'o'oleomo i Daudi, mansano dumoa ira palili. Motae i Daudi ndi Ondae i Ue, ”Tedoa akumo tehala hangano kuweweuomo anu andio. Kanandio-andio, oo Ue, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

2 Samueli 24:17

I Daudi mepau ndi Ondae i Ue, tempono ikitao mala'eka anu tekonai mompotii haki a tongku atuu, kanandio, ”Ongkue koa anu tehala, ongkue koa anu sala, sine hapamoke anu wineweudo luwuno bimba-Miu andio? Po'ineeomo kae-Miu humuku aku saru luwuno somboriku.”

1 Mokole 13:4

Mansano rumongeo mokole pauno nabi anu pinebooliakono a meda pontunua pesomba i Beteli, itasiakono kaeno inso a mpuu meda pontunua pesomba ka ipotae, ”Imerakoomo!” Sine kaeno anu tinasiakono tumisoo nabi atuu gagi tiido, ranta nahi pokompokuleo mbo'u.

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

2 Mokole 1:9

Ka i'amba mokole tumenao asa petewawa sorodadu saru lima pulu ana buano ndi Elia. Petewawa sorodadu atuu mewuatako tepohaweakono i Elia anu tekonai mentoro a punsuno torukuno ka ipotaeakono, ”Tetenaa-Do Ue Ala, dopotae mokole: Petiimo!”

1 Tawarika 21:8

Ka i'amba mepauomo i Daudi ndi Ondae Ue Ala, ”Tehala akumo ntu'u, hangano weweuo mongkona andio. Kanandio-andio, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

2 Tawarika 16:10

I Asa tekuda a puu mpongkita atuu. Iwinsoo a laro torungku, hangano onae tedoa tekuda ndi onae a mpinauno atuu. I tempo atuu i Asa bobarasaio mbo'u ba'opia mia inso a mpalili.

2 Tawarika 25:16

Kontongaano mepau nabi, motaeomo i Amasia ndi onae, ”Nde umariomo ke kimpotoroko gagi puu mpopatudu mokole? Siimo pepau! Nde inehemu ke pinepate?” Nabi atuu komino. Umarino atuu ipotae, ”Kanandio-andio kuto'orio nine Doputusiomo Ue Ala Ira sumolangiko, hangano uweweuomo mongkona atuu, ka nahi uperorongeakono patuduku!”

Ayubi 33:27

Onae ta menani i arodo mia: Moweweu akumo hala ka mokomolengkuo anu moleo, sine mongkona atuu nahi Dosuloakune.

Po'unde-unde 103:12

kana olaino sabaano oleo inso i sumooano oleo, kanatuumo Dopoko'olaio polimpa'ito.

Po'unde-unde 51:16

Ipotola akumo inso a mpasua rea, oo Ue Ala, Ue Ala tekaduduiaku, ka eloku ta kokora-kora mawongko paleleo moleo-Miu!

Po'unde-unde 51:4

Ipokomorina akumo luwu inso a nsalaku, ka inso a halaku Ipokomempori akumo!

Po'unde-unde 51:6

Ndi Omiu, butu koa ndi Omiu kutehala ka weweuo hapa anu pinemosa'o-Miu. Ka mentee Komiu a laro pomputusi-Miu, morina a laro mpobitaraa-Miu

Peluarakoa 9:27

Montenaomo mia i Pirao moboi ira i Musa ka i Haruni, ka ipotae, ”Tehala akumo ntu'u andio, Ondae i Ue anu mentee. Ongkue ka paliliku, mensala kamimo.

Powadi 25:12

Kana sinsi wulaa ka peramba-ramba wulaa, kanatuumo pekuahakono mia pande mosongka a biri anu moronge.

Powadi 28:13

Isema wunio halano nahi ta me'ura, sine isema mangakuakono ka bintao ta pinehohawa.

Yesaya 38:17

Menteeano, pompemarasai anu pinembasaiku gagiomo tekaduduiaku; Ipe'eheo ntu'u sumangaku tola inso a masolaa. Mentee ntu'u, Itadiomo luwu halaku inso i aro-Miu.

Yesaya 43:24

Nahi upo'oliako salaka keuno padamalala mo'ahi woono tia-Ku, ke mokomowohia-Kune tabano pesomba sinumbelemu. Sine omue mopotembia-Kune halamu, omue mokomokendoa-Kune salamu.

Yesaya 44:22

Kupokotampulaomo luwuno salamu kana gawu luwuno halamu kana seru. Pepokulemo ndi Ongkue, hangano Kutolosikomo!

Ponsabangi 3:32

Maupo Dopompotii masusaa, me'aroa Ira koa mbo'u montonda langkaino pompehohawa-Do.

Imama 20:10

Tewala asa tama monsosabo saru kombiano mia susua, monsosabo saru kombiano pe'asa miano, moiko tama maupo beine anu monsosabo atuu asalakono hinuku mate.

Imama 24:17

Tewala asa mia mompepate pe'asa miano, onae asalakono hinuku mate.

Sakaria 3:4

anu motae ndi ondae anu mpekakaakono, ”Imelohuomo sangka merege atuu inso ndi onae.” Ka i'amba ndi Yosua ipotae, ”Kitao, saru andio ku'oniniomo salamu! Aku mokonaakomu sangka porame-ramea.”

I MATIU 14:10

Metenaomo umimpahio uluno i Yohane a ntorungku

I LUKASI 15:21

Motae ana atuu ndi onae: Ama, tehala akumo i suruga ka ndi omiu, nami pototoku mbo'u pinotaeako anamiu.

I LUKASI 18:13

Sine puu popumpu sima'ulu atuu mentade ola-olai, maupo mentombu i langi nahi sapa, tendeano itopao koroino ka ipotae: Oo Ue Ala, Ipehohawa aku mia tehala andio.

WINEWEUDO TINENA 2:37

Mansado merongeo mongkona atuu tedoa te'urense aroado, ka do'amba mpotaeakono i Peturu ka tinena anu mehano, ”Hapamoke kami mpombio, pepaekompo?”

IBARANI 9:26

Hangano tewala kanandio asalakono mararu Dotebobarasai mompu'u ipinokogagi wawontolino andio. Sine kanandio-andio butu koa pohona Dopokomengkaao koroi-Do, a tempo pokotompa ka Do'oninio hala a pompesombaako-Do koroi-Do.

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

1 Samueli 15:20

Motae i Saulu ndi Semueli, ”Tendeano kurongeokoa pau-Do, onaemo ka kulako kana petena-Do i Ue. Kuwawao i Aga mokoledo to Amale, ka palilino pingko kuropu ira.

1 Samueli 15:30

Motae i Saulu, ”Lano tehala akumo, sine kanandio-andio popokitao pontudumiu ndi ongkue i arodo luwuno mia mota'u tongku andio ka to Isaraeli. Ipekulemo saru ongkue ka kupokompesomba ndi Ondae i Ue, Ue Alamiu.”