2 Samueli 11:2 - Wunta Mempori

² Pohona tempono ngkiniwia, i Daudi mewangu inso a mpoturiano, ka i'amba melempa-lempa a dunsino langkanae. Ikitao inso a dunsi atuu aasa beine tekonai medolo. Beine atuu tedoa tekosi.

2 Samueli 11:2 ပူးပေါင်းရင်းမြစ်များ

Tegagia 12:11

I tempono onae ta mewinso i Masiri, ipotaeakono i Sarai, beineno, ”Kuto'orio, nine omue asa beine anu tekosi.

Tegagia 3:6

Ikitao beine atuu nine wua ngkeu atuu moiko ba ikinaa ka tekosi kikitaano. Ka mbo'u, keu atuu mompadii aroa hangano mompowee ponto'ori. Ka i'amba mo'opu wuano ka ikaano; ipoweeakono mbo'u tamano anu perongano, ka tamano mbo'u kumaano.

Tegagia 34:2

Mansano i Sikemi, anano i Hemori, to Hewi, anu pabawa i wita atuu, kumitao i Dina, ipolaisakono ka idadaio.

Tegagia 39:6

Ipeweengakono luwuno arataano a ngkaeno i Yusupu, ka hangano haweno i Yusupu onae nahi mokolili uluakono mbo'u maupo hapa sangkadio kaangano onaeno. I Yusupu atuu tekosi koroino ka montama rupano.

Tegagia 6:2

luwuno anu tuwu i suruga mengkitao nine ana beinedo mia atuu ntekokosi. Ka i'amba inso i olodo beine atuudo ondae mpo'ala gagi beinedo, isemamo koa anu inehedo.

2 Samueli 13:1

Umari atuu gagiomo tegagia andio. I Abisalo, ana ntamano i Daudi hinao asa uaino anu tekosi, neeno i Tamari. I Aminoni, ana ntamano i Daudi mekokonoo.

2 Samueli 14:27

I Abisalo hinao otolu ira anano tama ka asa beine meneeako i Tamari. Onae asa beine anu tekosi.

2 Samueli 4:5

I Rekabi ka i Baana, anano i Rimoni, to Beeroti, melako, ka domehawe a rahano i Isibose tempono oleo tedoa mokula, tekonai moturi ntonga oleo.

2 Samueli 4:7

Tempono dopewinso a raha atuu, i Isibose tekonai moturi a mpoturiano i bolongkono. Dotoboo ranta kai mate, ka dopoleo uluno. Uluno atuu dowawao ka dopelempa asa wongi telalo a nsala Araba-Yarade.

Ayubi 31:1

”Moweweu akumo dandi a mataku, kana'umpe ka aku mompekokoongako ana beine?

Po'unde-unde 119:37

Ilimbaomo pengkitaku inso a hapa anu nahina tuduno, Iweweu akumo tuwu a mpo'ehe-Miu!

Powadi 19:15

Meluweki mowawa poturi rodo, ka mia anu mongguu ta marasai mokoninggo.

Powadi 31:30

Tekosi atuu mompopo'oo ka tekosia nahina tuduno, sine beineno anu doitoako Ira i Ue inunde-unde.

Powadi 6:25

Si mosisiriakono tekosino i laro aroamu, si tepopandeiako wulu matano.

Powadi 7:8

anu me'asambaliako umpeda siuno sala, ka i'amba melempa me'aro a rahano beine atuu,

Yeremia 19:13

Luwuno raha i Yerusale ka luwuno rahado mokoledo to Yehuda ta gagi po'ianga mokoburu kana Topeti, onaemo luwuno raha anu i wawo atono mia mpotunu pesomba tiano luwuno sorodadu langi ka mpompesombaako pesomba tinawa a luwuno pinesombai susua.”

I MATIU 10:27

Hapa anu pinau-Ku a laro wongi-wongi, imempauomo atuu a mewineano; ka hapa anu pinetanga-tangaako a birimiu, imempaleleomo atuu inso a wawo atono raha.

I MATIU 24:17

Mia anu kontongaano a mpe'angi-angia a wawo raha siimo ipetii ta umala ira parewa inso a rahano,

I MATIU 5:28

Sine Kupauakomiu: Sompo mia anu mokokonto beine ka imosisiriakono, monsosaboomo saru onae i laro aroano.

WINEWEUDO TINENA 10:9

Tisomono tempono mia otolu ira atuu a laro pelempaa ka me'umpeda iramo i kota Yope, bara'ura langku hopulu ka orua ntonga oleo, mewuatakoomo i Peturu a dunsi ta mekakai.

Winali 22:8

Tewala da'iaopo impowangu raha, asalakono imewalao dunsino rahamiu, kasi pohaweako pasua rea a rahamiu atuu, tewala hinao mia tedonta inso i wawono.

Winali 5:21

Si monsisiriakono kombiano pe'asa miamu. Si monsisiriakono rahano ke lereno, atano tama ke beine, sapino ke kalideno, ke maupo hapa anuno pe'asa miamu.’

1 PETURU 4:7

Pokotompaano luwuakoano umpedaomo. Onaemo pu'uno imempabawaiomo koroimiu ka impomperodomo, ka impokompekakai koa.

1 YOHANE 2:16

Hangano luwuno anu kongko i wawontolino, onaemo minosisiriakono koroi ka minosisiriakono mata saru tuwu mompelangka-langkai, komba mepu'u inso ndi Ondae i Ama, tendeano inso i wawontolino.

1 Samueli 9:25

Umarino atuu mpotindulu iramo inso i pongkuno wita melako i kota. Ka i'amba i Semueli mepau-pauakono i Saulu a dunsi.