2 PETURU 3:7 - Wunta Mempori

⁷ Sine hangano pau koa mbo'u atuu langi ka tolino anu kanandio-andio tepekaria inso a api ka ninaa tiano oleo pobitaraa ka mateado mia mosa'o gaudo.

2 PETURU 3:7 ပူးပေါင်းရင်းမြစ်များ

Po'unde-unde 102:26

I ndi'ipua Ipokogagiomo tolino, ka langi onaemo wineweuno kae-Miu.

Po'unde-unde 50:3

Ondae Ue Alato hawe ka nahi Ira mo'ia-ia, i aro-Do api mensila'e, angi mokora anu mongkokongiri mepuuri lumimbu Ira.

Yesaya 51:6

Po'aroomo matamu i langi ka pengkitamo i tolino i totono; hangano langi ta tampula kana ahu, tolino kanaomo tahu sangka ka palilino ira memate kana tiporo. Sine, tekaduduia inso ndi Ongkue ta kongko mpiha ranta nahina tampulaano, ka moleoa-Ku nahi ta menaa-naa.

Yesaya 66:15

Menteeano, Ondae i Ue Ira hawe saru api, ka luwuno kareta-Do kana lompiu, motiio tekuda-Do anu tensila ka pewurarai-Do saru api anu kolanga-langa.

Danieli 7:9

Kontongaaku mpiha mengkita, kadera poparentaa meninaa, ka i'amba mentoroomo Anu Tende Ntinuwu. Sangka-Do mopute kana seru baku ka wuu-Do morina kana wulu bimba. Kadera poparentaa-Do inso a langano api saru luwuno rodano inso a api anu kontongaano tensila.

Sepanya 3:8

Onaemo pu'uno, sikori Akumo a oleo Kugagi sakosii, kanandiomo pau-Do i Ue. Hangano, Kupo'asaomo aroa-Ku, Aku pumpu ira luwuno tongku ka poparentaa ka Aku umuwuo tekuda-Ku ndi ondae, luwuno tekuda-Ku anu tensila. Menteeano asa wawontolino ta pingko ikaano api mahakino aroa-Ku.”

Maleaki 4:1

Menteeano oleo atuu hawe, melanga kana pompuuria api. Luwuno mia mompelangka-langkai ka mia anu moweweu gau mosa'o gagi kana seami. Oleo anu hawe atuu ta tumunu ira, pau-Do Ueno luwuakoano, ranta nahina binintano haka ka sampado.

I MATIU 10:15

Kupauakomu: Menteeano a oleo pobitaraa Sodomo ka Gumora ta monongkoopo tinembino sekono kota atuu.”

I MATIU 11:22

Sine Kupauakomiu: A oleo pobitaraa tembiado Tirusi ka Sidoni ta lalu monongkoopo sekono tembiamiu.

I MATIU 11:24

Sine Kupauakomiu: A oleo pobitaraa, tembiano wita Sodomo ta lalu monongko sekono tembiamiu.”

I MATIU 12:36

Sine Kupauakomiu: Sompo pau anu nahina tuduno anu pinauno mia asalakono pinopotembiako a oleo pobitaraa.

I MATIU 24:35

Langi ka tolino ta moliu, sine pau-Ku nahi ta moliu.

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

I MARAKUSU 6:11

Ka tewala hinao asa po'ianga anu nahi dobehe mentarima komiu ka tewala nahi dobehe mperorongeakomiu, impeluarakomo inso i tu'ai ka imetantamio awu a ngkarumiu gagi pepopoto'ori ndi ondae.”

I YOHANE 12:48

Ba isema nahi tarima Aku ka nahi tarimao pau-Ku, onae hinaomo puu mpobitarano, onaemo pau anu Kupauomo, onaemo atuu anu ta gagi puu mpobitarano a tampulaano wawontolino.

ROMA 2:5

Sine hangano moteano aroamu anu nahi behe tepidi, mohowuko pontekudaako a ngkoroimu omuemu a oleo tempo isua pontekudaako ka pohuku-Do Ue Ala anu moleo ta pinokomengkaa.

1 KORINTI 3:13

pohona te'upua inanggano singge mia ta koa tengkita. Hangano oleo-Do i Ue ta mokomengkaao, nde onae ta tengkitaako api ka ba kana'umpe inanggano singge mia ta inarahakoako api atuu.

PILIPI 1:28

saru nahi impondendeakono maupo tedei anu umewai komiu. Ndi ondae luwuno atuu onaemo tondonino matea, sine ndi omiu petondoni tekaduduia, ka anu atuu haweno inso ndi Ondae Ue Ala.

2 TESALONIKA 2:3

Maupo ba kana'umpe si mebehe dompopo'oo komiu mia! Hangano se'eluno Oleo atuu asalakono hawe se'elu pepoura ka asalakono pinokomengkaa se'elu mia mo'ewai songka, anu asalakono mate,

1 TIMOTIU 6:9

Sine ondae anu inehedo mengkaea ntedonta a mpo'ara-arahako, a laro oho ka a laro mperupa-rupa po'eheno aroa anu nahina pengkonaano ka anu monsolangi, anu motonduo mia a ntedontaa ka matea.

IBARANI 12:29

Hangano Ondae Ue Alato onaemo api anu mompokomo'ai.

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,

2 PETURU 3:10

Sine oleo-Do i Ue ta hawe kana anu monako. A oleo atuu langi ta moliu saru ruundu anu mongkokongiri ka luwuno anu hina i wawontolino ta mo'ai a laro langano api, ka tolino ka luwuno anu kongko i wawono ta tetadi moliu.

2 PETURU 3:12

onaemo omiu anu mensikorio ka ironga hawe oleo-Do Ue Ala. A oleo atuu langi ta loono a laro api ka luwuno anu hina i wawontolino ta terawo hangano langano.

1 YOHANE 4:17

I ndi'aimo pompehohawa-Do Ue Ala soompo i laroto, onaemo tewala memosia kita mpompe'alal-ala a oleo pobitaraa, hangano mengkena kana Ondae, ontae mbo'u mekongko i wawontolino andio.

YUDASI 1:7

mengkena kana Sodomo ka Gumora ka luwuno kota petengi-tengino, anu saru wineweu anu mengkena mpoweweu pebelesua ka mpo'ungke pepokonsanaa anu nahi pototono, mpompembasai iramo pobobarasaino api anu nahina tampulaano gagi pompopoto'ori a luwuno mia.

MENGKAAA 17:11

Ka kondehora anu horio hina ka anu kanandio-andio nahina atuu, onae isa'a mokole onaemo mokole ko oalu ka maupo kanandio aasa inso anu opitu atuu ka onae te'aro a matea.

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

MENGKAAA 21:1

Ka ku'amba kumitao langi anu wo'ohu ka tolino anu wo'ohu, hangano langi anu amba-ambano ka tolino anu amba-ambano moliuomo, ka maupo tahi nami hina mbo'u.