2 PETURU 3:18 - Wunta Mempori

¹⁸ Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.

2 PETURU 3:18 ပူးပေါင်းရင်းမြစ်များ

Po'unde-unde 92:12

mataku me'uru-uruo iwaliku, biriku rumongeo mongkona mia lambaha anu mentade umewai aku.

Hosea 14:5

Aku mokotompa ira inso a mpopebungkuido ndi Ongkue, Aku mehohawa ira hangano po'ehe-Ku, hangano tekuda-Ku telusa inso ndi ondae.

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

ROMA 11:36

Hangano luwuakoano inso ndi Ondae, ka hangano Ondae, ka ndi Ondae: Ndi Ondaemo marambaa hawe nahina tampulaano!

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

EPESU 1:17

ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 4:15

sine temoroso tompe'ini a menteea a laro pompehohawa ka tomentuwu a luwuakoano te'aro ndi Ondae, i Kerisituu, anu ondaemo Tadulako.

PILIPI 3:8

Tendeano luwuakoano kutuduo rugi, hangano ponto'ori mongkona Ondae i Kerisituu Yesu, Ueku, marambaopo sekono luwuno. Hangano koa Ondae kupotolaomo luwuno atuu ka tumuduo rompo, ka kuhawe Ira koa i Kerisituu,

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

KOLOSE 3:10

ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio;

2 TESALONIKA 1:3

Omami asalakono pontarimakasi mpiha ndi Ondae Ue Ala hangano omiu, pepaekompoku luwu-luwu. Ka lano tekona ka ikanandio, hangano pompe'ala-alamiu koteti-tetiangino ka mambe pehohawamiu komoro-morosono i olomiu,

2 TIMOTIU 4:18

Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

1 PETURU 2:2

Ka imegagimo kana nana'ote kodei anu da iaopo ihina, anu wela mosisiriakono uwoi uo ntu'u ka anu rohani, ka inte'iliako onae ka ntekadudui,

2 PETURU 1:11

Hangano kanandio komiu mewineeako tia buke ka impewinso a Poparentaa anu nahina tampulaano, onaemo Poparentaa-Do i Ue ka Puu Pongkaduduito, Ondae i Yesu Kerisituu.

2 PETURU 1:2

Pe'aroa ka rodoa koteti-tetiangino ndi omiu hangano ponto'ori mongkona Ondae Ue Ala ka mongkona Ondae i Yesu, Ueto.

2 PETURU 1:3

Hangano pabawa-Do Ue Ala moweeakitamo luwuakoano anu mentudu tiano tuwu anu moleo hangano ponto'orito mongkona Ondae, anu moboi kitamo hangano pabawa-Do anu maramba ka kinohali-haliako.

2 PETURU 1:8

Hangano tewala luwuno atuu hinao ndi omiu ka ikoteti-tetiangi, ta weweu komiu gagi memokua ka mehasili a ponto'orimiu Ondae i Yesu Kerisituu, Ueto.

2 PETURU 2:20

Nde tewala ondae, hangano ponto'orido Ondae i Ue ka Puu Pongkaduduito, Ondae i Yesu Kerisituu, mpepotola iramo inso a luwuno mokoburuno wawontolino, sine ntewinso ira mbo'u i larono, ka poko'ariano teweweudo mosa'oopo sekono anu se'eluno.

YUDASI 1:25

Ondae Ue Ala anu asa-asa, Puu Pongkaduduito hangano Ondae i Yesu Kerisituu, Ueto, ndi Ondaemo marambaa, pompelangkai, roso ka pabawa se'eluno luwuno tempo ka kanandio-andio ka ranta nahina tampulaano. Ami.

MENGKAAA 1:6

ka anu weweu kitamo megagi aasa poparentaa, megagi luwuno sando mpesomba-Do Ue Ala, Ama-Do, – ndi Ondaemo marambaa ka pabawa ranta nahina tampulaano. Ami.