2 PETURU 3:10 - Wunta Mempori

¹⁰ Sine oleo-Do i Ue ta hawe kana anu monako. A oleo atuu langi ta moliu saru ruundu anu mongkokongiri ka luwuno anu hina i wawontolino ta mo'ai a laro langano api, ka tolino ka luwuno anu kongko i wawono ta tetadi moliu.

2 PETURU 3:10 ပူးပေါင်းရင်းမြစ်များ

Po'unde-unde 102:26

I ndi'ipua Ipokogagiomo tolino, ka langi onaemo wineweuno kae-Miu.

Po'unde-unde 46:6

Ondae Ue Ala kongko Ira i larono, kota atuu nahi ta reensu; Ondae Ue Ala Ira tumulungio umpeda meene.

Po'unde-unde 97:5

Luwuno torukuno tepe'awu kana gomo i aro-Do, i aro-Do Ueno asa wawontolino.

Yesaya 2:12

Hangano Ondae Ueno luwuakoano pakosio asa oleo umewaio luwuno anu mompelangka-langkai umewaio anu tumandeo koroino; – luwuno ta pine'uru-uru –

Yesaya 24:19

Tolino tepuro-puro, tolino terawo-rawo tolino telelu mokora ntu'u.

Yesaya 34:4

Luwuno anano wula ta terawo-rawo, ka langi ta pinalulu kana paluluno wunta, luwuno sorodadudo ira merumonta kana lewe anu moleu inso a ngkeu anggoro, kana wua ngkeu ara anu mokari.

Yesaya 51:6

Po'aroomo matamu i langi ka pengkitamo i tolino i totono; hangano langi ta tampula kana ahu, tolino kanaomo tahu sangka ka palilino ira memate kana tiporo. Sine, tekaduduia inso ndi Ongkue ta kongko mpiha ranta nahina tampulaano, ka moleoa-Ku nahi ta menaa-naa.

Yoeli 1:15

Hei, oleo atuu! Mentee ntu'u oleo-Do i Ue rangkuomo, haweno gagi pabawa poropua inso ndi Ondae Anu Tedoa Pabawa.

Yoeli 2:1

Puuriomo tawuwua i Sioni ka pebooliakono pepopoto'ori i torukuno-Ku anu mempori! Po'ineeomo dompondidi-ndidi luwuno palili wita, hangano oleo-Do i Ue hawe, mentee ntu'u, oleo atuu rangkuomo;

Yoeli 2:31

Mata oleo ta baali gagi wongi mpusu ka wula gagi rea se'eluno napi hawe oleo-Do i Ue anu mongkokongiri.

Yoeli 3:14

Hadio mia, hadioomo mia i lembono potantuia! Oo, rangkuomo oleo-Do i Ue i lembono potantuia!

Amosi 9:13

”Menteeano, tempono ta hawe,” kanandiomo pau-Do i Ue, ”Nine puu mpompadeko ta ronga tumonda bungkuo puu mponsowi ka ponsesaa wua anggoro ronga tumonda bungkuo porawo inii; luwuno torukuno ta mompo'iti anggoro wo'ohu ka luwuno pongku wita ta moowo.

Amosi 9:5

Ondae Ue Alano luwuakoano, Ondaemo anu dumanggio tolino ranta ka itelelu, ka luwuno palilino mpompemasusa, asa wawontolino mewuatako kana Koro Nili, ka tenono mbo'u kana Koro Masiri.

Mika 1:4

Tepe'awuomo luwuno torukuno a ntoto karu-Do, ka luwuno lembono tebansi kana gomo i arono api, kana uwoi te'uwu a pontindulua.

Nahumi 1:5

Luwuno torukuno melelu i aro-Do, ka luwuno pongku loono. Tolino tetande i aro-Do, wawontolino saru luwuno palilino.

Maleaki 4:5

Menteeano Aku tumenao nabi Elia aiwa ndi omiu tewala tamo hawe oleo-Do i Ue anu langkai ka mongkokongiri atuu.

I MATIU 24:35

Langi ka tolino ta moliu, sine pau-Ku nahi ta moliu.

I MARAKUSU 13:31

Langi ka tolino ta tampula, sine pau-Ku nahi ta tampula.

I LUKASI 12:39

Sine ka imento'oriomo andio: Tewala ito'orio umbu raha langku opia ta hawe mia monako, nahi ta mo'ineeo rahano rinongka.

ROMA 8:20

Hangano luwuno anu tuwu pinokompetuundu iramo a anu nahina tuduno, komba hangano po'ehedo ondaedo, sine hangano po'ehe-Do, anu mokompetuundu ira,

1 KORINTI 1:8

Ira koa mbo'u mokoroso komiu hawe a mpoko'ariano, ranta nahina tataamiu a oleo-Do Ueto i Yesu Kerisituu.

1 KORINTI 5:5

mia atuu asalakono tompeweengakono ndi Mosa'o a nee-Do Ue Yesu, ranta ka imate koroino, ka ikinadudui penaano a oleo-Do i Ue.

2 KORINTI 1:14

kana anu impokonto'oriomo asa ntiano inso ndi omami, onaemo nine a oleo-Do Ue Yesu komiu mpo'undeakami kana koa mbo'u omami kami mo'undeakomiu.

1 TESALONIKA 5:2

hangano omiu isa'a mento'orio ntu'u, nine oleo-Do i Ue hawe kana mia monako tempono wongi.

1 TESALONIKA 5:4

Sine omiu, pepaekompoku, komba mentuwu komiu a laro wongi-wongia, ranta ka imansa humawe komiu oleo atuu kana mia monako,

2 PETURU 3:11

Gaagi, tewala luwuakoano andio ta kanandio teweweuno iterawo-rawo, asalakono ka imentuwu tedoa mempori ka mpesomba ntu'u

2 PETURU 3:12

onaemo omiu anu mensikorio ka ironga hawe oleo-Do Ue Ala. A oleo atuu langi ta loono a laro api ka luwuno anu hina i wawontolino ta terawo hangano langano.

2 PETURU 3:7

Sine hangano pau koa mbo'u atuu langi ka tolino anu kanandio-andio tepekaria inso a api ka ninaa tiano oleo pobitaraa ka mateado mia mosa'o gaudo.

YUDASI 1:6

Ka nine Dotaha ira mala'eka anu nahi domentondao luwuno tidano pabawado, sine anu mebintao po'iangado, saru pongu anu nahina tampulaano i wawontolino wongi-wongia hawe a mpobitaraa a oleo langkai,

MENGKAAA 16:15

”Kitaomo, hawe Aku kana anu monako. Me'uraomo onae, anu medaga-dagai ka anu mekakaakono sangkano, ka si pelempa kolambe-lambe ka si tengkita anuno.”

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

MENGKAAA 21:1

Ka ku'amba kumitao langi anu wo'ohu ka tolino anu wo'ohu, hangano langi anu amba-ambano ka tolino anu amba-ambano moliuomo, ka maupo tahi nami hina mbo'u.

MENGKAAA 3:3

Onaemo pu'uno pewowoloomo, ba kana'umpe utarimaomo ka rumongeo; tondaomo atuu ka tepidimo! Hangano tewala nahi upedaga-dagai, Aku hawe kana mia monako ka nahi uto'orio a tempo isuake Kumansa hawe ndi omue.

MENGKAAA 6:14

Ka tenonoomo langi kana paluluno wunta anu pinalulu ka tepaheomo luwuno torukuno ka togo inso a mpo'iangano.