2 PETURU 2:3 - Wunta Mempori

³ Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.

2 PETURU 2:3 ပူးပေါင်းရင်းမြစ်များ

Ayubi 6:27

Maupo a nana'ote nahina amano mpotende komiu undi, ka sambe'emiu imeweweuo kana balu-balu.

Po'unde-unde 18:44

Omiu motola aku inso a mpengengedo tongku; Omiu motoro aku gagi anu pabawa a luwuno tongku; tongku anu nahi kuto'ori ira gagi ataku;

Po'unde-unde 66:3

Pepaumo ndi Ondae Ue Ala, ”Tedoa mongkokongiri luwuno wineweu-Miu; hangano pabawa-Miu anu tedoa langkai luwuno iwali-Miu mpetuundu ndi Omiu.

Po'unde-unde 81:15

i tempo koa mbo'u atuu iwalido Kupokompetuundu ira, ka i wawono luwuno iwalido Kupotiio kae-Ku;

Yesaya 5:19

anu mpotae, ”Moikoomo Ondae Ue Ala ka Doronga mokogagio wineweu-Do, ka tomengkitao; moikoomo tinoo-Do Anu Tedoa mempori, Ue Alado to Isaraeli, ka i'umpedamo ka imengkaa, ka tomento'orio.”

Yesaya 56:11

dahu memodoko mpongkaa, anu nahi domponto'ori mowohi! Ondae atuu puu pompakambi, anu nahina tino'orido! Luwudo mpo'ala salado ondaedo, singge mia molulu untu, nahina pinesusua.

Yesaya 60:22

Anu lalu kodei ta gagi suku anu langkai, ka anu lalu molema ta gagi tongku anu moroso. Ongkue, Ue, Aku ronga weweuo a tempono.

Yeremia 6:13

”Hangano, inso anu lalu kodei hawe anu lalu langkai i olodo, luwuno mpo'ungke me'uraa, moiko nabi maupo sando mpesomba luwuno mpompopo'oo.

Yeremia 8:10

Onaemo pu'uno, Aku meweengako ira beinedo a mia susua, luwuno leredo a mia mpope'ata. Hangano, inso anu lalu kodei hawe anu lalu langkai, luwuno mpo'ungke me'uraa, moiko nabi maupo sando mpesomba, luwuno mpoweweu pompopo'oo.

Yehesikieli 13:19

Omiu melimpaio mempori-Ku i tonga-tongado bawaa-Ku butu hangano ba'opia raku jelai ba'opia mpole roti, saru mpepate ira mia anu nahi tekona mate, ka mo'inee ira mentuwu mia anu nahi tekona tuwu, a laro mongkona impegaupi a bawaa-Ku anu tetinda moronge pegaupi.

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Habaku 3:3

Ondae Ue Ala aiwa inso i wita Temani, Anu Tedoa Mempori inso a mentorukuno Parani. Sela Langkaino pabawa-Do buketio langi, ka tolino bukeako po'unde-unde ndi Ondae.

Maleaki 1:10

Ande-andeno hinao i olomiu anu tondoo pewowa ranta omiu nahi mpopolanga api a meda pontunua pesomba ndi Ongkue nahina pengkonaano. Nahi Aku tumarima komiu, pau-Do Ueno luwuakoano, ka nahi Aku mbo'u behe tumarimao pesomba inso a ngkaemiu.

I MATIU 23:14

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano imeteleo rahado tuwu beine ka impokobenge-benge ira mia mesala a mpekakai me'o'ondau. Onaemo pu'uno manasa komiu mpotarima pohuku anu lalu mobea.]

I LUKASI 18:8

Kupauakomiu: Ira koa ronga mokomentee ira. Sine, tewala hawe i Ana Manusia, hinaoke Dopohawe pompe'ala-ala i tolino?”

I LUKASI 20:20

Anu mponto'ori Taura ka petewawado sando mpesomba mempoporoo Ira i Yesu. Mpotena ira mia moporoo Ira anu mpelelu mpo'onde-onde kana mia moleo, ka dompongko'ala Ira saru aasa pesikeno ka meweengako Ira a mpo'eheno ka pabawano petewawa i wita atuu.

I LUKASI 22:47

Tempono da mepau Ira i Yesu mehawe iramo asa bawaa mia, ana guru-Do anu meneeako i Yudasi, asa mia inso a hopulu ka orua ana guru atuu, melempa i arodo. I Yudasi umpedaako Ira i Yesu ka iwoo-woo Ira.

I YOHANE 2:16

Anu mpebalu-balu marapatii Dopotaeako ira, ”Ime'alao luwu andio inso i ndi'ai, si meweweuo raha-Do Ama-Ku gagi po'asaa.”

ROMA 16:18

Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado.

2 KORINTI 2:17

Hangano nahi kimpengkena saru hadio mia susua anu mpo'ungke urado inso a mpau-Do Ue Ala. Tendeano ndi Ondae i Kerisituu kimempauo a menteeano saru luwuno tinoo anu molino a mpetena-Do Ue Ala ka i aro-Do.

Winali 24:17

Sirontuo tiano mia hawe ka nana'ote nahina amano. Si alao mbo'u sangkano asa mia tuwu beine gagi pegade.

Winali 32:35

Pontooa ka pombaloa onaemo tia-Ku, i tempono karudo namimoroso, hangano oleo masolaado rangkuomo, hapa anu domempinatindaako tamo ronga hawe.”

1 TESALONIKA 2:5

Hangano nahi kimehori mpo'o'ahiti – mongkona atuu imento'orio – ka komba hori hina tinoomami medokoli anu tewuni – Ondae Ue Ala sakosii –

1 TESALONIKA 5:3

Tewala mpotae ira: Luwuno sintuwu ka rodo nahina marisua – ka borono i'alu ira masolaa, kana aasa beine anu mentia i'aluo mahaki me'ana – manasa nahi ira mentola.

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

1 TIMOTIU 3:8

Kanandio koa mbo'u luwuno diakee asalakono mia mempinelangkai, ka si pesampa elo, ka si marampo'inu, ka si po'ungke urano a nsala anu molengku,

1 TIMOTIU 6:5

pengengea i olodo mia anu nami dompompewowolo mbo'u mentee ka anu tetadiomo menteea, anu potaedo mesomba atuu onaemo aasa insoano me'uraa.

TITU 1:11

Mia anu kanatuudo asalakono kinomu wiwido, hangano hadio sombori dompokomarisuako ira pompaguru anu nahi mentee ka dompohawe ura anu mompokoko'ii.

TITU 1:7

Hangano gagi puu mpo'atora a raha-Do Ue Ala aasa petewawa bawaa asalakono nahina tataano, nahi pompelangka-langkai, komba marante'ise, komba marampo'inu, komba marantekuda, nahi pedokoli,

1 PETURU 2:8

Dontetiduario, hangano nahi domperorongeakono pau-Do Ue Ala; ka hangano atuu ondae mbo'u mempinatindaako iramo.

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.

2 PETURU 1:16

Hangano nahi kimentondao tutu-tutulu montonda pinewowolono mia, tempono kimempauakomiu pabawa ka hawe-Do Ueto, i Yesu Kerisituu gagi mokole, sine kimensakosiiakono matamami maramba-Do.

2 PETURU 2:1

Ba kana'umpe luwuno nabi mpegaupi i ndi'upua mpentade i tonga-tongado bawaa-Do Ue Ala, kanandio koa mbo'u i olomiu ta hina guru mpegaupi. Ira mewinsoo luwuno pompaguru mompopo'oo anu mompepate, tendeano ondae ira mehapu Ira Anu Pabawa anu tumolosi iramo ka saru mesala kanandio ronga mowawa mateado.

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.

YUDASI 1:15

Ira bitarao luwuno mia ka modontaiako ira pohuku a mia memosa'o gaudo hangano luwuno wineweu gau mosa'o, anu mewineweudo ka hangano luwuno pau pontata, anu pinaudo mia ntehala anu mosa'o gaudo atuu ndi Ondae i Ue.”

YUDASI 1:16

Ondae atuudo mia anu mpewuruki ka mpe'asengi mongkona teweweudo, mentuwu montonda po'eheno aroado, sine wiwido meluarako ira pau anu nahi pewinso akala ka me'unde-unde ira mia ka dompohawe me'uraa.

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.

YUDASI 1:7

mengkena kana Sodomo ka Gumora ka luwuno kota petengi-tengino, anu saru wineweu anu mengkena mpoweweu pebelesua ka mpo'ungke pepokonsanaa anu nahi pototono, mpompembasai iramo pobobarasaino api anu nahina tampulaano gagi pompopoto'ori a luwuno mia.