2 PETURU 2:2 - Wunta Mempori

² Hadio mia ira mentondao sala ntumuwudo anu pinabawaino po'eheno aroa, ka hangano ondae Sala Menteea ta pinepauikiako.

2 PETURU 2:2 ပူးပေါင်းရင်းမြစ်များ

Tegagia 19:5

Dompebooliakono i Lo'oti, ”Isua irake tama anu hawe ndi omue wongi andio? Wawa ira meluarako ndi omami, kami mpewowaliako ira.”

Po'unde-unde 18:21

Ondae i Ue weweu aku menunu saru menteeku, Ondae paguru aku menunu saru memporino kaeku.

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

Yeremia 6:16

Kanandiomo pau-Do i Ue, ”Pentademo a luwuno sala ka kitaomo, pesikenoakonomo luwuno sala inso a tempo se'eluno, isua hinao sala anu moiko, tondaomo atuu, ka komiu mpohawe rodoano sumangamiu. Sine dompotae: Nahi kimebehe mentondao!

I MATIU 22:16

Domentena ira ana gurudo mperonga saru to Herodia mpesikeno ndi Ondae, ”Guru, kimento'orio, Omiu asa mia anu moleo ka moleo Ipompaguru mongkona po'ehe-Do Ue Ala ka nahina dinoitoa-Komiu maupo ndi sema, hangano nahi pobiniki mia.

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

I MATIU 7:14

hangano ma'iso pewowa ka kodei sala anu te'aro a ntuwua, ka tedei mia anu humaweo.”

I MARAKUSU 12:14

Mia atuudo mehawe ka dompotaeako Ira, ”Guru, kimento'orio, Omiu asa mia anu moleo, ka nahi doito maupo ndi sema, hangano Omiu nahi pobiniki mia, tendeano a menteeano Ipompaguruako sala lumako ndi Ondae Ue Ala. Nde tekonake mo'owahi sima'ulu ndi ondae Datu ke naahi? Asalakonoke kami me'owahio ke naahi?”

I MARAKUSU 13:22

Hangano i Mesia mpegaupi ka nabi anu mpegaupi ira mpesabaako ka ira mpoweweu hadio petondoni kinohali-haliako, anu tinoodo bakana mopo'oo ira mia mebininiki.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

WINEWEUDO TINENA 13:10

ka ipotae, ”Hei anano i Mosa'o, omue bukeako mperupa-rupa pompopo'oo ka mosa'oa, omue iwalino luwuno menteea, nahi komenaa-naake mokopansiao Sala-Do i Ue anu moleo atuu?

WINEWEUDO TINENA 14:2

Sine to Yahudi, anu nahi tarimao pompaleledo, mokomokulao aroado mia anu nahi domento'ori Ira Ue Ala ka domemosa'oako ira pepaekompo atuudo.

WINEWEUDO TINENA 16:17

Itonda bungku kami i Paulu ka ipebooli, ipotae, ”Mia andiodo tetenaa-Do Ue Ala Anu i Wawono ntu'u. Domempaleleakomiu sala ntekaduduia.”

WINEWEUDO TINENA 18:26

Onae mompu'u mosia mompaguru a raha tepumpua. Sine mansado rumongeo i Perisikila ka i Akiwila, dowawao i rahado ka dopesu'uio pauako ira pesalaa lumako ndi Ondae Ue Ala.

WINEWEUDO TINENA 19:9

Sine hinao ba opia mia anu motea aroado. Nahi domebehe mpompe'ala-ala, tendeano mpepaukiakono Sala ndi Ondae i Ue i arodo mia hadio. Onaemo pu'uno ka ibinta ira i Paulu ka monsia ira ana guru inso ndi ondae, ka sompo oleo mepau a mpesikolaa Tiranu.

WINEWEUDO TINENA 22:4

Ka kubobarasai iramo anu mpontonda Sala-Do i Ue ranta ka domemate; tama ka beine kurako ira ka kupeweengako ira a laro torungku.

WINEWEUDO TINENA 24:14

Sine kumangakuakono ndi omiu, nine ongkue mesomba ndi Ondae Ue Alado uempu'umami saru montonda Sala ndi Ondae i Ue, onaemo anu nineedo Sala anu susua dompeleluakono. Kupe'ala-alao luwuakoano anu teburi a songka Taura ka a wuntado nabi.

ROMA 2:24

Kana hinao teburi, ”Nde hanganomo omiu ka ipinepaukiako nee-Do Ue Ala i olodo tongku susua.”

1 TIMOTIU 5:14

Onaemo pu'uno ineheku tuwu beine anu da memongura ka dompekombia mbo'u, mpe'ana, mosongka a laro nsomborino ka si mpompauako tarono pu'uno mokomosa'oo neeto.

TITU 2:5

tuwu pande mposongka ka mempori, mokua mpo'atora sombori, memoiko aroa ka mpomperorongeako a ntamano, ka si dompepaukiakono mia pau-Do Ue Ala.

TITU 2:8

mentee ka nahina tataano a pompalelemu, ranta ka imokoko'ii taromu, hangano nahina mongkona anu mosa'o anu dompokopaleleo mongkona ontae.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

2 PETURU 2:12

Sine ondae atuu mengkena saru pinotuwu anu nahina akalano, mengkena saru kondehora anu butu pine'anaako ka irinako ka rinopu. Dompepaukiakono hapa anu nahi domento'orio, ranta hangano wineweudo anu mosa'o ondae isa'a ira memate kana kondehora mo'ila,

2 PETURU 2:15

Hangano domebintaomo pesalaa anu mentee, onaemo ka dontesaa, ka do'amba mentondao pesalaano i Bilea, anano i Beori, anu ineheno montarima tambo a luwuno wineweu anu mosa'o.

2 PETURU 2:18

Hangano ondae mpepauako pau anu mompelangka-langkai ka mooa ka mempakeo po'eheno aroa belesu pompopandeido mia anu da iaopo dompepotola inso ndi ondae anu mentuwu a laro ntesosaeloa.

2 PETURU 2:21

Onaemo pu'uno ndi ondae moikoopo, tewala nahi dohori mento'orio Sala Menteea sekonopo domento'orio, sine lembuino mpewolili inso a parenta mempori anu domempinauako.

2 PETURU 2:7

sine Dokaduduio i Lo'oti, mia anu mentee, anu marasai mpiha hangano sala ntumuwudo mia anu nahi dompoto'ori songka ka anu butu mpontonda po'eheno aroado, –

YUDASI 1:10

Sine dompepaukiako ira luwuakoano anu nahi domento'orio ka tendeano hapa anu domento'oriakono aroado kana kondehora anu nahina pinewowolo, onaemo pu'uno domemateako.

YUDASI 1:15

Ira bitarao luwuno mia ka modontaiako ira pohuku a mia memosa'o gaudo hangano luwuno wineweu gau mosa'o, anu mewineweudo ka hangano luwuno pau pontata, anu pinaudo mia ntehala anu mosa'o gaudo atuu ndi Ondae i Ue.”

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.

YUDASI 1:7

mengkena kana Sodomo ka Gumora ka luwuno kota petengi-tengino, anu saru wineweu anu mengkena mpoweweu pebelesua ka mpo'ungke pepokonsanaa anu nahi pototono, mpompembasai iramo pobobarasaino api anu nahina tampulaano gagi pompopoto'ori a luwuno mia.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.