2 PETURU 2:15 - Wunta Mempori

¹⁵ Hangano domebintaomo pesalaa anu mentee, onaemo ka dontesaa, ka do'amba mentondao pesalaano i Bilea, anano i Beori, anu ineheno montarima tambo a luwuno wineweu anu mosa'o.

2 PETURU 2:15 ပူးပေါင်းရင်းမြစ်များ

1 Mokole 18:18

Sumangki i Elia ndi onae, ”Komba ongkue anu sumolangi ira to Isaraeli, tendeano omue ka pe'etumu. Imebintaomo luwuno parenta-Do i Ue ka omue andio utonda iramo Ba'ala.

1 Mokole 19:10

Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

Nehemia 13:2

Hangano nahi domentotowoako ira roti ka uwoi to Isaraeli, tendeano tumamboo i Bileami umewai ira to Isaraeli ka itotonaa ira. Sine Ondae Ue Alamami balio totonaa atuu gagi ronso.

Powadi 28:4

Mia anu nahi perioo songka umunde-undeo mia mosa'o gauno, sine mia anu me'ini a songka umewai ira.

Yehesikieli 9:10

Onaemo pu'uno Ongkue mbo'u nahi Kupompehohawa ka nahi Kumokoko'unduakono. Aku dumunsiako ira peleludo a uludo.”

Hosea 14:8

Ira mpo'ia mbo'u a laro mpe'engoa-Ku ka mentuwu kana gandu; ira ntetiangi kana keu anggoro, anu telele kana anggoro Libano.

Mika 6:5

Bawaa-Ku, impewowoloomo hapa anu tinoono i Balaki, mokole i Moabi, hapa sangkino i Bilea anano i Beori ndi onae ka pelempaa inso i Sitimi hawe i Giliga, ka upokonto'orio luwuno wineweu-Do i Ue anu moleo.”

Podoaa 22:23

Mansano kumitao Mala'eka-Do i Ue mentade a nsala saru ponai binuta a ngkae-No, pansiaomo kalide atuu inso a nsala ka mewinso a mpada. I Bilea sumepio kalide atuu kai pelengkuako mepokule a nsala.

Podoaa 22:28

Do'ungkahio i Ue ngangano kalide atuu, ranta kai pepau ndi Bilea, ”Hapake anu wineweuku ndi omue, ranta ka usepi aku pentolu?”

Podoaa 22:32

Mepeu Iramo Mala'eka-Do i Ue ndi onae, ”Tembio kausepio kalidemu hawe pentolu? Kitao, Ongkue meluarako gagi ewaimu, hangano a pongkita-Ku sala andio te'aro a masolaa.

Podoaa 31:16

Komba luwuno beine andio ke, a mpatuduno i Bilea gagi pompu'uano to Isaraeli nahi dompetenunu ndi Ondae i Ue anu gagi ndi Peori, ranta kai petii pohuku umalu ira bawaa-Do i Ue.

I MATIU 26:9

Hangano lana atuu ba i'inasa masuli olino ka doino domewineeako mia memongkokolaro.”

WINEWEUDO TINENA 1:18

– I Yudasi andio mo'oliomo wita asa ntia inso a ntambo poweweuno anu mosa'o, ka i'amba tebangku tepo'opo, ka tebonsi kompono ranta te'uweti luwu ihi kompono.

WINEWEUDO TINENA 13:10

ka ipotae, ”Hei anano i Mosa'o, omue bukeako mperupa-rupa pompopo'oo ka mosa'oa, omue iwalino luwuno menteea, nahi komenaa-naake mokopansiao Sala-Do i Ue anu moleo atuu?

2 PETURU 2:13

ka ira mpompembasai teweweu anu mosa'o gagi tambodo mpoweweu mosa'o. Mpesana-sanaa tempono meene, domentuduo mawongkoa. Ondaemo atuu ta'i ka tataa, anu memolangu a laro mpo'eheno aroado tewala mpentoro ira mpongkaa mpo'inu mperonga-ronga saru omiu.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.

MENGKAAA 2:14

Sine Ongkue hinao ba opia nahi Kupemoikoo ndi omue: i olomiu hinao ba opia mia anu tumondao pompaguruno i Bilea, anu mompauakono i Bala ka ipopo'oo ira to Isaraeli, ka domengkaano pesomba a lahumoa ka mponsosabo.

1 Samueli 12:23

Mongkona ongkue, nahi aku tehala ndi Ondae i Ue, hangano menaa-naa aku mekakaiakomiu. Aku paguruakomiu sala anu moiko ka moleo.