2 PETURU 2:1 - Wunta Mempori

¹ Ba kana'umpe luwuno nabi mpegaupi i ndi'upua mpentade i tonga-tongado bawaa-Do Ue Ala, kanandio koa mbo'u i olomiu ta hina guru mpegaupi. Ira mewinsoo luwuno pompaguru mompopo'oo anu mompepate, tendeano ondae ira mehapu Ira Anu Pabawa anu tumolosi iramo ka saru mesala kanandio ronga mowawa mateado.

2 PETURU 2:1 ပူးပေါင်းရင်းမြစ်များ

1 Mokole 22:6

Ka i'amba mokoledo to Isaraeli pumpu ira luwuno nabi, bara'ura pato etu mia. Ka i'amba mesikeno ndi ondae, ”Moiko koa ke kulako metea umewaio Ramoti-Gilea ke siimo?” Mesangki ira, ”Imelakomo, Ira meweengakono i Ue a ngkaemiu mokole.”

Peluarakoa 15:16

Doitoa ka mongkokongiria umalu ira, Hangano rosono kae-Miu mansa ira merodo kana watu, ranta bawaa-Miu mpe'asatowaako, oo Ue, ranta bawaa anu tinolosi-Miu mpe'asatowaako.

Yesaya 9:15

Hangano luwuno petewawado tongku andio onaemo pompokotesaa, ka mia anu mepinarenta gagi tesiarawo.

Yeremia 29:21

Kanandiomo pau-Do Ueno luwuakoano, Ue Alado to Isaraeli, mongkona i Ahabi anano i Kolaia ka i Sedekia anano i Ma'asea, anu mompau anu ta gagi nahi mentee ndi omiu a nee-Ku: Menteeano Aku meweengako ira a ngkaeno i Nebukanesa, mokole i Babeli, anu ta mepate ira i arono matamiu.

Yeremia 37:19

Isua iramoke nabimiu anu mompau ta gagi ndi omiu nine mokole i Babeli nahi ta aiwa sumapoi komiu ka wita andio?

Yeremia 6:13

”Hangano, inso anu lalu kodei hawe anu lalu langkai i olodo, luwuno mpo'ungke me'uraa, moiko nabi maupo sando mpesomba luwuno mpompopo'oo.

Ponsabangi 2:14

Luwuno nabimu mpongkitaakomu pongkita anu nahina pengkonaano ka mooa. Nahi dompokomengkaao salamu ka upinomule. Dompoluarakoakomu pinau anu nahi manasa ta gagi butu pegaupi ka mompokotesaa.

Hosea 9:8

I Eparai, bawaa-Do Ue Alaku, kontongaano mompadaso nabi, oho porako manu-manu hinao a asa ngkeu salano, pe'iwalia hinao a raha-Do Ue Alano.

Mika 2:11

Ande-andeno asa mia hawe saru hadio mpau mooa ka pegaupi, ipotae, ”Aku mompau anu ta gagi ndi omue mongkona anggoro ka ara,” ka onaemo anu tekona gagi mia anu mompau anu ta gagi a tongku andio!

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Mika 3:5

Kanandiomo pau-Do i Ue a luwuno nabi, anu mokopansia ira tongkuku. Tewala hinao anu nginaino ngisido, ondae mpebooliako sintuwu. A mia anu nahi posimpuakono a ngangado, dome'oluakono mpetea.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I MATIU 10:33

Sine ba isema anu humapu Aku i arodo mia, Aku humapuo mbo'u nada i aro-Do Ama-Ku anu i suruga.”

I MATIU 24:11

Hadio nabi mpegaupi ira mehawe ka mpompopo'oo hadio mia.

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

I MATIU 24:5

Hangano hadio mia ira mehawe mpeneeako nee-Ku ka dompotae: Ongkuemo i Mesia, ka ta hadio mia pinopo'oodo.

I MATIU 7:15

”Imetangkoro ira nabi mpegaupi anu mehawe ndi omiu kana bimba, sine menteeano ondae onaemo serigala anu lambaha.

I MARAKUSU 13:22

Hangano i Mesia mpegaupi ka nabi anu mpegaupi ira mpesabaako ka ira mpoweweu hadio petondoni kinohali-haliako, anu tinoodo bakana mopo'oo ira mia mebininiki.

I LUKASI 12:9

Sine ba isema humapu Aku i arodo mia, onae ta hinapu i arodo mala'eka-Do Ue Ala.

I LUKASI 21:8

Dosangki ira, ”Impetangkoromo, ka si ntepopo'oo. Hangano hadio mia ira mehawe mpeneeako nee-Ku ka dompotae: Ongkuemo Ondae, ka: Rangkuomo tempono. Si mentonda ira.

I LUKASI 6:26

Memasola komiumo, tewala dome'unde-unde komiu luwuno mia; hangano kanatuu koa mbo'u doweweu iramo uempu'udo nabi mpegaupi.”

ROMA 16:18

Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado.

1 KORINTI 11:19

Hangano i olomiu hinao teposisalaa, ka imengkaa lembuino isema i olomiu anu mokompompetea.

1 KORINTI 6:20

Hangano me'inoli komiumo ka olino lesoomo inowahi: Onaemo pu'uno ka impelangkaiako Ira Ue Ala koroimiu!

1 KORINTI 7:23

Me'inoli komiumo ka olino lesoomo inowahi. Onaemo pu'uno si megagi atado mia.

GALATIA 2:4

Lano hinao pedada inso a mia mpo'onde-onde pepaekompo anu mansa mpewinso, onaemo ondae anu mpewuni mpewinso i larono ira mempoporooo maluaato anu hinaweto ndi Ondae i Kerisituu Yesu, ka ihina pesalaado mpokompe'ata kita.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

GALATIA 4:17

Memokua ira mpeteahako ka dompoko'ala komiu, sine komba a moleono aroado, hangano ira mponsua komiu inso ndi ongkue, ka imemokua koa tumonda ira.

GALATIA 5:20

mpesomba a lahumoa, sihiri, pe'u'uaa, teposisalaa, kohili, tekuda, mompewowolo koroino onaeno, mambebelai, penaa momposisala,

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

EPESU 4:14

ranta komba menana'ote kita mbo'u, anu ngkoraane-ngkoramai hangano mperupa-rupa angi pompaguru, hangano pepalindodo mia anu nahi mentee a mpe'akalado anu mompopo'oo,

Winali 32:6

Kanatuumoke imensuloo ndi Ondae i Ue, hei tongku anu nahi pomperorongeako, ka nahi pande mompewowolo? Komba Ondaeke Amamiu anu weweukomiu, anu mokogagi ka mokomoleo komiu?

PILIPI 3:19

Tompaakoado onaemo masolaa, Uedo onaemo kompodo, marambado onaemo mokoburudo, pinewowolodo butu te'aro a ntuwu tolino.

KOLOSE 2:18

Si mpo'ineeo ponangimiu nahi pokogagio mia anu mo'onde-onde me'urumako ka mesomba a mala'eka, saru me'ini moroso a luwuno pongkita ka nahina pu'uno ka ipompelangka-langkaiako pinewowolono ntolino,

KOLOSE 2:8

Impetangkoromo, ka si hina anu umo'ahitiakomiu pompaguruno anu mooa ka nahi mentee montonda pompaguru mapa'api-api inule ka rupa-rupa penaa anu pabawaio wawontolino, sine komba montonda Ondae i Kerisituu.

1 TIMOTIU 5:8

Sine tewala hinao te'asa mia anu nahi pekakaako ira pe'etuno, tamoako pe'asa rahano, mia atuu mepoura ka mosa'oopo sekono mia anu nahina pompe'ala-alano.

2 TIMOTIU 4:3

Hangano ta hawe tempono, mia nahi pokontarimao mbo'u pompaguru mentee, sine ira mpopumpu guru montonda po'ehedo mpotendeo ineheno birido.

TITU 1:11

Mia anu kanatuudo asalakono kinomu wiwido, hangano hadio sombori dompokomarisuako ira pompaguru anu nahi mentee ka dompohawe ura anu mompokoko'ii.

TITU 3:10

Asa mia anu mompaguru susua anu mararuomo upatuduo, laluopo olaiakono.

IBARANI 10:29

Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?

1 PETURU 1:8

Maupo napi hori mengkita Ira, sine impehohawa Ira. Impe'ala-ala Ira, maupo nahi imengkita Ira kanandio-andio. Memawongko komiu hangano po'unde anu maramba ka anu nahi pinokopau,

2 PETURU 2:3

Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.

1 YOHANE 2:26

Luwuno atuu kuburiakomiu, onaemo mongkona luwuno mia anu mpe'usaha mokontesaa komiu.

1 YOHANE 4:1

Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

YUDASI 1:18

Hangano domempauomo ndi omiu, ”tamo haweako pokotampulaano wawontolino ira mehawe mia pompopodeu-deu anu ira mentuwu mentondao po'eheno aroa ka gaudo anu mosa'o.”

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.

MENGKAAA 2:9

Kuto'orio pinemasusamu ka mongkokolaromu – sine kaeako – ka pomposebedo, anu mempauo koroido to Yahudi, sine anu menteeano komba kanandio: tendeano ondaemo bawaano i Mosa'o.

MENGKAAA 3:8

Kuto'orio luwuno inanggamu: kitaomo, Ku'ungkahiakomumo pewowa, anu nahina maupo te'asa mia mokotondoo. Kuto'orio nine rosomu nahi te'asa hapa, sine utondao pau-Ku ka nahi uhapuo nee-Ku.

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.

MENGKAAA 6:10

Ka mpebooli ira saru suara meroku, dompotae, ”Opiapoke tehineno, oo Anu Pabawa anu mempori ka mentee, Omiu nahi pobitara ka nahi pombaloakono reamami ndi ondae anu mpo'ia i tolino?”