2 PETURU 1:5 - Wunta Mempori

⁵ Onaemo pu'uno asalakono tementee ntu'u impe'usaha ka imentiangio poweweu moiko a pompe'ala-alamiu, ka ponto'ori a mpoweweu moiko,

2 PETURU 1:5 ပူးပေါင်းရင်းမြစ်များ

Po'unde-unde 119:4

Omiumo anu mohaweo luwuno parenta-Miu, kai inini tementee ntu'u.

Powadi 4:23

Aroamu dagaiakonomo luwuno petangkoro, hangano insomo i ra'ai tepansari tuwua.

Yesaya 55:2

Tembio ka impo'oliako doi anu komba kaanga, ka tambono pe'iseimu anu nahi mompokomowohi? Ronge Akumo asalakono komiu mpongkaa anu moiko ka pongkaa kaanga anu mo'ahi ntu'u.

Sakaria 6:15

Mia inso i olaiano ira me'aiwa mpetonda mpowangu raha-Do i Ue. Ka komiu mento'orio nine Ondae Ueno luwuakoano anu tumena aku aiwa ndi omiu. Mongkona andio ta gagi, tewala mentee ntu'u imperorongeakono pau-Do i Ue, Ue Alamiu.”

I LUKASI 16:26

Ka aasa mbo'u i oloto hinao bangano anu mo'oloti, ondae anu me'inso i ndi'ai ira melako ndi omue ke maupo anu inso i tu'ai ira me'aiwa ndi omami ka si dompokompe'asambaliako.

I LUKASI 24:21

Kahinaano i ndi'upua mpomperorohi kami, nine Ondaemo anu hawe Ira motolao tongku Isaraeli. Sine kontongaano atuu laloomo otolu oleo, mompu'u igagi luwuno atuu.

I YOHANE 6:27

Impo'anggamo, komba ka impohawe kaanga anu ta pingko, tendeano ka impohawe kaanga anu mo'ia mpiha hawe a ntuwua anu nahina tampulaano, anu Ira weeakomiu i Ana Manusia; hangano Ondaemo anu Dopementeeakono pontondoni-Do Ue Ala, Ama.”

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

EPESU 5:17

Onaemo pu'uno si mebenge-benge, sine impeteahakomo ka imento'orio po'ehe-Do i Ue.

PILIPI 1:9

Ka ndiomo pekakaiku, po'ineeomo ka ikoteti-tetiangino pompehohawamiu a ponto'ori anu mentee ka a hadio rupa ponto'oria,

PILIPI 2:12

Hei luwumiu pepaekompo anu pinehohawaku, mpomperorongeako komiu mpiha; onaemo pu'uno ime'anggaomo mpiha tekaduduiamiu saru medoito ka mpondende, komba butu kana i tempono da kukongko, sine laluaopo mbo'u kanandio-andio tempono nahi kukongko,

PILIPI 4:8

Gaagi poko'ariano, pepaekompo, luwuno anu mentee, luwuno anu maramba, luwuno anu moleo, luwuno anu mempori, luwuno anu mo'ahi, luwuno anu momoiko irinonge, luwuno anu pinau moiko ka tekona inunde-unde, impewowoloomo luwuno atuu.

KOLOSE 1:9

Onaemo pu'uno mompu'u tempono kimerongeo, nahi kimpenaa-naa mpekakaiakomiu. Kime'emao, ka imentarimao mperupa-rupa ponto'ori anu mentee, ka imento'orio koa ntu'u po'ehe-Do i Ue,

KOLOSE 2:3

hangano i laro-Do tewuni luwuno arataa ponto'ori mentee ka pande.

IBARANI 11:6

Sine ba nahina pompe'ala-alano mia nahi Ira memoikoo Ue Ala. Hangano ba isema rumangkuhi Ira Ue Ala, asalakono ipe'ala-alao nine kongko Ira Ue Ala, ka nine Ondae Ue Ala moweeakono tambo mia anu umungke Ira ntu'u.

IBARANI 12:15

Impedagaimo ka si hina maupo te'asa mia olaiakono pe'aroa-Do Ue Ala, ka si tuwu haka anu mopa'i anu mompokomarisu ka monsosa'ai hadio mia.

IBARANI 6:11

Sine inehemami, ka isingge mpopokitao bobotolino aroamiu anu mengkena mokogagio pomperorohimiu asa pe'umbua anu manasa, hawe a pokotompaano,

Yosua 7:3

Umari atuu mekule iramo ndi Yosua ka dopauakono, ”Siimo domelako luwu tongkuto, maupo te'orua ke otolu nsowumokoa mia anu sumapoio i kota Ai atuu. Sii pokomasusa ira lumako raane, nde mia i ra'ai tedei ira koa.”

1 PETURU 3:7

Kanandio koa mbo'u omiu, hei luwuno tama mpekombia, imentuwumo pande mposongka saru beinemiu, kana mia anu lalu molema! Impelangkai iramo kana walimiu mpe'umbuo pe'aroa pompowee, onaemo tuwua, ka si tetombolei pekakaimiu.

2 PETURU 1:10

Onaemo pu'uno, pepaekompoku luwu-luwu, impe'usahamo ntu'u, ka ikomoro-morosono poboimiu ka tebinikimiu. Hangano tewala imeweweuo, nahi komiu hori ntetidu.

2 PETURU 1:11

Hangano kanandio komiu mewineeako tia buke ka impewinso a Poparentaa anu nahina tampulaano, onaemo Poparentaa-Do i Ue ka Puu Pongkaduduito, Ondae i Yesu Kerisituu.

2 PETURU 3:14

Onaemo pu'uno, pepaekompo anu kinekewoiku, kontongaano mensikorio luwuno andio, asalakono impeteahako, ka imehinawe nahina tataamiu ka nahina anu mosa'o i aro-Do, a laro pesintuwua saru Ondae.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.