2 PETURU 1:4 - Wunta Mempori

⁴ Mesala kanatuu Doweeakitamo luwuno dandi anu masuli olino ka anu tedoa langkai, ka ihangano onae moiko impo'ala tia a pabawa-Do i Ue, ka mentola inso a mpo'eheno aroa ntolino anu sumolangio wawontolino.

2 PETURU 1:4 ပူးပေါင်းရင်းမြစ်များ

ROMA 9:4

Hangano ondae to Isaraeli, nahi domempinotoro gagi ana, ka mpontarima iramo marambaa, ka luwuno pedandia, ka songka Taura, ka mpesomba, ka luwuno dandi.

2 KORINTI 1:20

Hangano Ondae i Kerisituu onaemo ”humbee” a luwuno dandi-Do Ue Ala. Onaemo pu'uno hangano Ondae ka tompotae ”Ami” melangkai Ira Ue Ala.

2 KORINTI 3:18

Ka luwuto mpetamiako maramba-Do i Ue saru rupa anu nahi tetutuwi. Ka hangano maramba atuu inso ndi Ondae i Ue anu onaemo Penaa, onaemo ka tomebinali gagi kana rupa-Do, a laro marambaa anu kolangka-langkaino.

2 KORINTI 6:17

Onaemo pu'uno: Impeluarakomo inso i olodo, ka impensuaako iramo, pau-Do i Ue, ka si mpo'angga anu mokoburu, ka Aku tumarima komiu.

GALATIA 3:16

Mongkona ndi Burahima pinau luwuno dandi atuu ka a inuleno. Nahi pinau ”a luwuno inuleno” kana tinoono hadio mia, sine butu asa mia, ”ka a inulemu”, onaemo i Kerisituu.

GALATIA 6:8

Hangano ba isema morawo a tuwu ntolinono, onae ta sumowi matea inso a ntuwu tolinono, sine ba isema morawo a Mpenaa, onae ta sumowi tuwua anu nahina tampulaano inso a Mpenaa atuu.

EPESU 4:13

ranta ka tontepo'asamo luwu a pompe'ala-ala ka ponto'ori anu mentee mongkona Ana-Do Ue Ala, sompoomo tinuwu, ka tuwuno anu menunu saru bobotoli-Do i Kerisituu,

KOLOSE 3:10

ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio;

IBARANI 12:10

Hangano ondae mempaguru kita a tempo anu sarai menunu saru hapa anu pinemoikodo, sine Ondae Dotunduhi kita a moikoato, ka tompohawe tia a mempori-Do.

IBARANI 9:15

Onaemo pu'uno Ondaemo peposombu inso a aasa pedandia anu wo'ohu, ka dompokotarimao ondae anu mempinoboi iramo tia anu nahina tampulaano anu dinandi, hangano mate Iramo tumolosio luwuno polimpaia anu wineweuomo i larono pedandia anu amba-ambano.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

2 PETURU 1:1

Inso ndi Simo Peturu, tetenaa ka tinena-Do i Yesu Kerisituu, hawe ndi ondae anu mperonga saru omami mpohawe pompe'ala-ala hangano moleo-Do Ue Ala ka Puu Pongkaduduito, Ondae i Yesu Kerisituu.

2 PETURU 3:13

Sine menunu saru dandi-Do, tomensikorio langi anu wo'ohu ka tolino anu wo'ohu, po'iangano menteea.

2 PETURU 3:9

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.

1 YOHANE 2:25

Ka ndiomo dandi anu Dodandiomo Ondae-Do ndi ontae, onaemo tuwua anu nahina tampulaano.

1 YOHANE 3:2

Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.