2 PETURU 1:3 - Wunta Mempori

³ Hangano pabawa-Do Ue Ala moweeakitamo luwuakoano anu mentudu tiano tuwu anu moleo hangano ponto'orito mongkona Ondae, anu moboi kitamo hangano pabawa-Do anu maramba ka kinohali-haliako.

2 PETURU 1:3 ပူးပေါင်းရင်းမြစ်များ

Po'unde-unde 110:3

Sorodadumu tetinda ira melako a oleo peteaamu, mperamba-rambaako memporia, tempono towea da a laro mpe'anakaa, tontoru tempo monguramu gagiomo omue me'ueo.

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Powadi 12:4

Beineno anu tekosi onaemo ramba-ramba uluno tamano, sine anu moweweu mokoko'iia onaemo kana haki anu mokomobooo wukuno tamano.

Powadi 31:10

Beineno anu pande isemake ta humaweo? Onae masuliopo olino sekonopo paramata.

Powadi 31:29

”Hadio beine pande mpo'angga, sine omue lumaloi ira luwu.”

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

ROMA 8:32

Ondae, anu nahi Dopehohawao ana-Do Ondae-Do, sine anu meweengako Ira hangano ontae luwuto, kana'umpeke ka nahi Ira moweeakita luwuakoano meronga saru Ondae?

ROMA 9:24

onaemo ontae, anu Dopoboi kitamo komba butu inso i olodo to Yahudi, sine inso mbo'u a luwuno tongku susua,

1 KORINTI 1:9

Ondae Ue Ala, anu moboi komiu a ntepo'asaa saru Ana-Do i Yesu Kerisituu, Ueto, anu nahi bali.

2 KORINTI 12:9

Sine sangki-Do i Ue ndi ongkue, ”Sompoomo pe'aroa-Ku ndi omue, hangano a laro molemamu ka igagi bobotoli pabawa-Ku.” Onaemo pu'uno inehekupo mawongko, ka ipetii pabawa-Do i Kerisituu kumongkomi aku.

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

EPESU 4:4

aasa koroi, ka aasa Penaa, ba kana'umpe imempinoboi a aasa pomperorohia anu tewinso a mpoboimiu,

PILIPI 3:8

Tendeano luwuakoano kutuduo rugi, hangano ponto'ori mongkona Ondae i Kerisituu Yesu, Ueku, marambaopo sekono luwuno. Hangano koa Ondae kupotolaomo luwuno atuu ka tumuduo rompo, ka kuhawe Ira koa i Kerisituu,

PILIPI 4:8

Gaagi poko'ariano, pepaekompo, luwuno anu mentee, luwuno anu maramba, luwuno anu moleo, luwuno anu mempori, luwuno anu mo'ahi, luwuno anu momoiko irinonge, luwuno anu pinau moiko ka tekona inunde-unde, impewowoloomo luwuno atuu.

KOLOSE 1:16

hangano ndi Ondaemo ka ipinokogagi luwuakoano, anu kongko i suruga ka anu kongko i tolino, anu tengkita ka anu nahi tengkita, moiko kadera poparentaa, maupo poparentaa, moiko anu mpeparenta, maupo anu mempabawa; luwuakoano Dopokogagi ira ka tia-Do.

1 TESALONIKA 2:12

ka kime'emao ntu'u, ka imentuwu menunu saru po'ehe-Do Ue Ala, anu moboi komiu a Poparentaa ka maramba-Do.

1 TESALONIKA 4:7

Dopoboi kita Ue Ala komba ka tompoweweu hapa anu mokoburu, tendeano hapa anu mempori.

2 TESALONIKA 2:14

Onaemo ka Dopoboi komiumo hangano Lele Mawongkoa anu pinalelemami, onaemo ka impohawe maramba-Do i Yesu Kerisituu, Ueto.

1 TIMOTIU 4:8

Mokoleleoo koroi tolino komba hadio tuduno, sine mesomba atuu mentudu a luwuakoano, hangano i tu'ai hinao dandi, moiko tiano tuwu andio maupo tiano tuwu anu ta hawe.

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

1 PETURU 1:15

sine po'ineeomo ka imegagi mempori a laro luwuno tumuwumiu mengkena kana Ondae anu mempori, anu moboi komiumo,

1 PETURU 1:5

Onaemo omiu anu tepekaria a laro roso-Do Ue Ala hangano pompe'ala-alamiu kontongaamiu mensikorio tekaduduia anu pinatindaomo ka ipinokomengkaa a mpokotompaano tempo.

1 PETURU 2:21

Hangano onaemo atuu ka imempinoboi, hangano maupo Ondae i Kerisituu Dotebobarasaiakomiumo ka Dopobintaakomiumo pandiri, ka imentondao wineweu-Do.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 PETURU 3:9

ka mosa'oa si mpombaloako mosa'oa, ke pompepauikiako saru pompepaukiako, sine tendeano, po'ineeomo imporonso, hangano onaemo ka imempinoboi, onaemo ka impohawe ronso. Hangano,

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

2 PETURU 1:10

Onaemo pu'uno, pepaekompoku luwu-luwu, impe'usahamo ntu'u, ka ikomoro-morosono poboimiu ka tebinikimiu. Hangano tewala imeweweuo, nahi komiu hori ntetidu.

2 PETURU 1:2

Pe'aroa ka rodoa koteti-tetiangino ndi omiu hangano ponto'ori mongkona Ondae Ue Ala ka mongkona Ondae i Yesu, Ueto.

2 PETURU 1:5

Onaemo pu'uno asalakono tementee ntu'u impe'usaha ka imentiangio poweweu moiko a pompe'ala-alamiu, ka ponto'ori a mpoweweu moiko,

2 PETURU 1:6

ka pompetea po'eheno koroi a ponto'ori, mokua a pompetea po'eheno koroi, ka moleoa a mokua,

2 PETURU 1:8

Hangano tewala luwuno atuu hinao ndi omiu ka ikoteti-tetiangi, ta weweu komiu gagi memokua ka mehasili a ponto'orimiu Ondae i Yesu Kerisituu, Ueto.

2 PETURU 2:20

Nde tewala ondae, hangano ponto'orido Ondae i Ue ka Puu Pongkaduduito, Ondae i Yesu Kerisituu, mpepotola iramo inso a luwuno mokoburuno wawontolino, sine ntewinso ira mbo'u i larono, ka poko'ariano teweweudo mosa'oopo sekono anu se'eluno.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.

Ruti 3:11

Onaemo anaku, siimo doito. Nde luwuno anu pinaumu atuu, aku weweuo ndi omue nde luwuno mia asa kota mami andio domento'orio motae omue beine anu moi-moiko.