2 PETURU 1:21 - Wunta Mempori

²¹ hangano pinau anu ta gagi nahi hori te'inso a mpo'eheno mia, sine hangano petena-Do Penaa Mempori ka dompepau luwuno mia a nee-Do Ue Ala.

2 PETURU 1:21 ပူးပေါင်းရင်းမြစ်များ

2 Samueli 23:2

Penaa-Do Ue Ala mepau telalo ndi ongkue, pau-Do kongko a eloku.

1 Mokole 13:1

Tempono i Yerobea mentade umpeda a meda pontunua pesomba ta montunu pesomba, hangano parenta-Do i Ue hawe asa nabi-Do Ue Ala inso i Yehuda lumako i Beteli.

1 Mokole 17:18

Ipotae beine atuu ndi Elia, ”Hapake tinoomu ndi ongkue, oo tetenaa-Do Ue Ala? Hapake aiwamu ndi ongkue hawe mopoto'oriakune salaku ka onae pu'uno anaku ka imate?”

1 Mokole 17:24

Ipotae beine atuu ndi Elia, ”Kanandio-andio kuto'oriomo nine omiu tetenaa-Do Ue Ala ka pau-Do i Ue anu pinaumiu atuu mentee.”

2 Mokole 4:22

Ipoboio tamano ka ipotae, ”Tenaakune asa i olodo ata ka asa kalide waino kaku ronga koa mokolako ndi tetenaa-Do Ue Ala atuu, ka ku'amba mekule.”

2 Mokole 4:7

Ka i'amba beine atuu lumako pauakono tetenaa-Do Ue Ala. Ipotae tetenaa-Do Ue Ala andio, ”Lakomo, asaomo lana atuu, owahiomo pasuamu. Omue saru luwuno anamu komiu mpokomentuwu inso a ntoreano.”

2 Mokole 4:9

Motae beine atuu a ntamano, ”Menteeano kuto'orio nine mia anu wela tetoro ndi ontae atuu onaemo tetenaa-Do Ue Ala anu mempori.

2 Mokole 6:10

Onaemo pu'uno mokoledo to Isaraeli montena mia lumako a mpo'ianga anu pinauno tetenaa-Do Ue Ala ndi onae. Umariomo ipopoto'oriakono mokole komba butu pohona pendua, kai pompe'inandai i ra'ai.

2 Mokole 6:15

Mansano mewangu puu mpopekakaakono tetenaa-Do Ue Ala mo'o-mo'oru ka ilako i bungkuno, tengkitaomo bawaano sorodadu saru ngara ka kareta limbu kota atuu. Ka i'amba atano atuu motaeakono, ”Masola kitamo, ueku! Hapa anu asalakono kita weweuo?”

1 Tawarika 23:14

Luwuno anano i Musa, tetenaa-Do Ue Ala atuu, wininso a laro nsuku Lewi.

2 Tawarika 8:14

Menunu saru po'atorano i Daudi, amano, ipakosio bawaado sando mpesomba a mpo'anggaado, ka luwuno to Lewi a anggaa mpenaniako po'unde-unde ka mpoweweu pesomba i arodo luwuno sando mpesomba montonda anu tinantui sompo oleo; kanandio koa mbo'u a sompo bawaado puu mpodagai pewowa langkai. Hangano kanandiomo parentano i Daudi, tetenaa-Do Ue Ala.

Yeremia 23:26

Hawe te'ipiake mongkona atuu kongko i laro aroado nabi anu mpompau nahi mentee ka mpompau pompopo'oono aroado ondaedo,

Yehesikieli 1:3

haweomo pau-Do i Ue ndi sando mpesomba Yehesikieli, anano i Busi, i witado to Kasidimi i wiwi Ngkoro Kebari, ka i ra'aimo pabawa-Do i Ue lumimbuo.

Mika 1:1

Pau-Do i Ue anu hawe ndi Mika to Moresieti, a tempono i Yonata, i Ahasi ka i Hisikia, luwuno mokole i Yehuda, onaemo mengkena anu kinitano mongkona Samaria ka Yerusale.

Mika 3:7

Luwuno puu mpongkita ira memongkoko'ii ka luwuno mia mpompau anu nahi manasa ta gagi ira mpohawe tataado; luwudo ira metompoo ngangado, hangano nahina sangkino inso ndi Ondae Ue Ala.

Podoaa 16:28

Umarino atuu motaeomo i Musa, ”Anumo kanandio komiu mento'orio, nine ongkue tinena-Do i Ue weweuo luwuno wineweu andio, ka mongkona atuu komba tinooku ongkueku.

I MARAKUSU 12:36

Sekono i Daudi a pontaateno Penaa Mempori motae: Mepau Iramo i Ue ndi ondae ueku: pentoromo i koana-Ku, hawe ka Kunaa ira iwali-Miu a ntoto ngkaru-Miu.

I LUKASI 1:70

– kana anu Dopauomo a wiwido luwuno nabi-Do anu mempori inso i ndi'upua –

WINEWEUDO TINENA 1:16

”Hei pepaekompo, asalakono inihii pau a Wunta Mempori, anu pinohawe-Do Penaa Mempori mesala ndi Daudi mongkona i Yudasi, petewawado mia anu rumako Ira i Yesu atuu.

WINEWEUDO TINENA 28:25

Ka tekaleomo tepotowoa atuu nahi dontepokona pada ondaedo. Sine i Paulu da mepauako pau anu aasa andio, ”Menteeomo ntu'u pau anu pinohawe-Do Penaa Mempori a uempu'uto anu pinauno Nabi Yesaya:

WINEWEUDO TINENA 3:18

Sine kanandiomo pesalaa-Do i Ue umihiio hapa anu Dopauomo se'eluno anu domempauo nabi-Do, onaemo nine i Mesia anu tinena-Do asalakono teweweu nsa'o.

Winali 33:1

Ndiomo ronso anu iweeako ira i Musa, tetenaa-Do Ue Ala atuu, a nto Isaraeli se'eluno imate.

IBARANI 10:15

Ka mongkona atuu Penaa Mempori mbo'u mesakosii ndi ontae,

IBARANI 3:7

Onaemo pu'uno, kana anu pinau-Do Penaa Mempori, ”A oleo andio, tewala imerongeo suara-Do,

IBARANI 9:8

Saru andio Dopokomengkaao Penaa Mempori, nine sala lumako a mpo'ianga anu mempori atuu napi te'ungkahi, tewala kema anu amba-ambano atuu da kongkoo.

Yosua 14:6

Hawe iramo inuleno i Yehuda ndi Yosua i Giliga. I tempo atuu mepauomo i Kalebi anano i Yepune, mia i Kenasi atuu ndi onae, ”Uto'orio pau anu pinau-Do i Ue ndi Musa, mia tinena-Do i Ue Ala, mongkona ongkue ka omue i Kadesi-Baranea.

1 PETURU 1:11

Ka dompepenteeo tempo anu isua ka anu kana'umpe tinoono Penaa-Do i Kerisituu, anu kongko i larodo, onaemo Penaa anu se'eluno mompowee ponsakosii mongkona luwuno tebobarasaia anu ta umalu Ira i Kerisituu ka mongkona luwuno marambaa anu metonda lembui umarino atuu.

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”