2 PETURU 1:17 - Wunta Mempori

¹⁷ Kimensakosiio, ba kana'umpe Dopontarima pompelangkai ka marambaa inso ndi Ondae Ue Ala Ama, tempono hawe suara ndi Ondae inso a Anu Tedoa Maramba, anu motae, ”Ndiomo Ana anu pinehohawa-Ku, ndi Ondaemo mawongko aroa-Ku.”

2 PETURU 1:17 ပူးပေါင်းရင်းမြစ်များ

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

Yesaya 53:10

Sine po'ehe-Do i Ue piregoo, mokomahakio. Tewala sumangano pineweengako gagi pesomba pontolosi sala, onae ta kumitao inuleno, tinuwuno ta melai, ka po'ehe-Do i Ue ta mokoweweuo.

I MATIU 12:18

”Kitaomo, tuu Tetenaa-Ku anu bininiki-Ku, anu pinehohawa-Ku, anu ndi Onae po'eheno laro-Ku; Aku numaao penaa-Ku ndi Onae ka Onae mopoto'oriao Songka a luwuno tongku.

I MATIU 17:3

Ka tengkita ndi ondae i Musa ka i Elia kontongaado mepau saru Ondae.

I MATIU 17:5

Ka kontongaano mepau borono metiiomo seru anu mewine umengoi ira ka inso a laro nseru atuu teronge pau motae, ”Ndiomo Ana anu pinehohawa-Ku, Onaemo bininiki-Ku, imperorongeako Iramo.”

I MATIU 28:19

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori,

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

I MARAKUSU 1:11

Ka i'amba terongeomo suara inso i suruga, ”Omuemo Ana-Ku anu pinehohawa-Ku, Omuemo mokomawongkoo aroa-Ku.”

I MARAKUSU 9:7

Ka haweomo seru borungi ira ka inso a laro nseru atuu teronge suara, ”Ndiomo Ana-Ku anu pinehohawa-Ku, Imperorongeako Iramo.”

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I LUKASI 3:22

ka metiiomo Penaa Mempori a laro rupano manu-manu marapatii i wawo-Do. Ka terongeomo suara inso i langi, ”Omuemo Ana-Ku anu pinehohawa-Ku, ndi Omuemo Kupemoikoo.”

I YOHANE 10:15

mengkena kana Ondae i Ama Doto'ori Aku ka Ongkue Kuto'ori Ira i Ama, ka Kupeweengakono penaa-Ku tiado bimba-Ku.

I YOHANE 10:36

nde da komiu mpotaeako Ira anu pinokomempori-Do i Ama ka anu Dotena Iramo aiwa i wawontolino: Ipepaukiako Ira Ue Ala! Hangano mepau Akumo: Ongkue Ana-Do Ue Ala?

I YOHANE 14:11

Impe'ala-ala Akumo, nine Ongkue i laro-Do i Ama ka Ondae i Ama i laro-Ku; ba naahi, impe'ala-alaomo hangano anu mewineweu atuu.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 17:21

ka domegagi luwu aasa, mengkena kana Omiu, oo Ama, i laro-Ku ka Ongkue i laro-Miu, ka dompo'ia mbo'u i laro-To, ka ipe'ala-alao wawontolino, nine Omiumo anu tumena Aku.

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

I YOHANE 3:35

Ondae i Ama mehohawao Ana-Do ka Dopeweengakonomo luwuakoano ndi Ondae.

I YOHANE 5:20

Hangano Ama mompehohawa Ana ka luwuakoano anu inangga-Do Ondae-Do Dotisoako Ira, tendeano Ira tumisoako Ira luwuno anggaa anu langkaiopo mbo'u sekono luwuno anggaa atuu, ranta ka imengkohali-hali.

I YOHANE 5:26

Hangano mengkena kana Ondae i Ama hinao tuwua a ngkoroi-Do Ondae-Do, kanandio koa mbo'u Doweeako Ira Ana ka ihina tuwua a ngkoroi-Do Ondae-Do.

I YOHANE 6:27

Impo'anggamo, komba ka impohawe kaanga anu ta pingko, tendeano ka impohawe kaanga anu mo'ia mpiha hawe a ntuwua anu nahina tampulaano, anu Ira weeakomiu i Ana Manusia; hangano Ondaemo anu Dopementeeakono pontondoni-Do Ue Ala, Ama.”

I YOHANE 6:37

Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.

I YOHANE 6:39

Ka ndiomo po'ehe-Do anu tumena Akumo, onaemo inso a luwuno anu Dowee Akumo ka si hina anu tetadi, sine ka Kuwangu ira a oleo pokotampulaano wawontolino.

ROMA 15:6

ranta ka impe'asa aroa ka mpe'asa mpau umunde-unde Ira Ue Ala ka Ama-Do Ueto, i Yesu Kerisituu.

2 KORINTI 1:3

Inunde-unde Iramo Ue Ala, Ama-Do Ueto i Yesu Kerisituu, Ama anu buke pompehohawa ka Ondae Ue Ala pu'uno luwuno pontarero,

2 KORINTI 11:31

Ondae Ue Ala, Ama-Do i Yesu, Ueto, anu inunde-unde ranta nahina tampulaano, tumo'orio, nine nahi kupegaupi.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

2 YOHANE 1:3

Pe'aroa, pompowee ka rodoa inso ndi Ondae Ue Ala Ama, ka inso ndi Ondae i Yesu Kerisituu, Ana-Do i Ama, Ira kumongkomi kita a laro menteea ka pompehohawa.

YUDASI 1:1

Inso ndi Yudasi, tetenaa-Do i Yesu Kerisituu ka pepaekompono i Yakobu, hawe ndi ondae anu mempinoboi, anu mempinehohawa ndi Ondae Ue Ala Ama, ka anu mempinekaria tia-Do i Yesu Kerisituu.