2 PETURU 1:11 - Wunta Mempori

¹¹ Hangano kanandio komiu mewineeako tia buke ka impewinso a Poparentaa anu nahina tampulaano, onaemo Poparentaa-Do i Ue ka Puu Pongkaduduito, Ondae i Yesu Kerisituu.

2 PETURU 1:11 ပူးပေါင်းရင်းမြစ်များ

Po'unde-unde 145:13

Poparentaa-Miu onaemo poparentaa ranta tampulaano wawontolino, ka poparentaa-Miu nahi bali a luwuno inule. Ondae i Ue atuu Do'ihiio luwuno pinau-Do ka buke pompehohawa a luwuno wineweu-Do.

Po'unde-unde 36:8

Tedoa masuli olino pompehohawa-Miu, oo Ue Ala! Luwuno anano mia mpepekadudui a laro pe'egoano pani-Miu.

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Yesaya 35:2

kana bunga rosi onae ta marombo sisino, mengkokora-kora, oo mengkokora-kora ka maroa mengkokora-kora. Marambano Libano ta wineeako ndi onae, mewantano Karameli ka Saroni; oo, ira mengkitao maramba-Do i Ue, mewanta-Do Ue Alato.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

Danieli 7:27

Poparentaa, pabawa, ka marambano luwuno poparentaa i totono asa wawo langi ira mewineeako mia mempori, bawaa-Do Anu Tedoa Mantande. Poparentaado onaemo poparentaa anu nahina tampulaano, ka luwuno pabawa ira ntepe'ata ka mpetuundu ndi ondae.

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I YOHANE 10:10

Anu monako hawe butu ta monako ka mompepate ka monsolangi; Ongkue hawe, ka dompohawe tuwua, ka domehaweo luwuno mare'ea.

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

1 KORINTI 15:24

Ka i'amba hawe pokotompaano, onaemo tewala Dopeweengakonomo Poparentaa ndi Ondae Ue Ala Ama, umari-Do mokotampulao luwuno poparentaa, pabawa ka roso.

2 KORINTI 5:1

Hangano kimento'orio, nine tewala rinongka kema po'iangato i tolino andio, Dopatindaomo Ue Ala aasa po'iangato i suruga, aasa po'ianga anu nahina tampulaano, anu komba wineweuno kaeno mia.

EPESU 3:20

Ondaemo, anu mokompoweweu laluaopo ntu'u hadio sekonopo anu pinekakaiakoto, ke anu pinewowoloto, kana anu mengkaa inso a mpabawa anu mo'angga i laroto,

1 TIMOTIU 6:17

Pauako iramo mia mengkaea i wawontolino andio ka si dompompelangka-langkai ka si dompomperorohi a aasa anu nahi manasa kana kaeaa, tendeano ndi Ondae Ue Ala anu a ngkaea-Do moweeakita luwuakoano ka tomentekonaakono.

2 TIMOTIU 4:18

Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

IBARANI 6:17

Onaemo pu'uno, ka ilalu manasado anu tekona mentarimao dandi atuu ka dompe'ala-alao koa ntu'u manasano pomputusi-Do, Ondae Ue Ala wutuakono sumpa koroi-Do,

2 PETURU 1:1

Inso ndi Simo Peturu, tetenaa ka tinena-Do i Yesu Kerisituu, hawe ndi ondae anu mperonga saru omami mpohawe pompe'ala-ala hangano moleo-Do Ue Ala ka Puu Pongkaduduito, Ondae i Yesu Kerisituu.

2 PETURU 1:5

Onaemo pu'uno asalakono tementee ntu'u impe'usaha ka imentiangio poweweu moiko a pompe'ala-alamiu, ka ponto'ori a mpoweweu moiko,

2 PETURU 2:20

Nde tewala ondae, hangano ponto'orido Ondae i Ue ka Puu Pongkaduduito, Ondae i Yesu Kerisituu, mpepotola iramo inso a luwuno mokoburuno wawontolino, sine ntewinso ira mbo'u i larono, ka poko'ariano teweweudo mosa'oopo sekono anu se'eluno.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

MENGKAAA 5:10

Ka Iweweu iramo gagi aasa poparentaa, ka megagi sando mpesomba tia-Do Ue Alato, ka ira mpeparenta kana mokole i tolino.”