2 Mokole 5:27 - Wunta Mempori

²⁷ Sine, haki ngkuli anu umaluo i Na'ama ta metako ndi omue ka ana'uemu ranta nahina tampulaano.” Ka i'amba meluarako i Gehasi inso i arono; onae i'aluo haki ngkuli, mpute kana uwoi baku.

2 Mokole 5:27 ပူးပေါင်းရင်းမြစ်များ

2 Samueli 3:29

Po'ineeomo atuu ipinopotembiako a uluno i Yoabi ka a luwuno pe'etuno. Po'ineeomo a inuleno i Yoabi nahi hori otu-otu mia anu moluarako nana, mia anu haki ngkuli mesaki, tama anu gagi puu pongkoloro, mia anu mateako ponai ba anu makuraako kaanga.”

2 Mokole 15:5

Ondae i Ue moweako ira mokole pohuku, ranta ka domarasaiako haki ngkuli anu mongkokongiri hawe oleo mateado ka mo'ia ira i asa raha peliahakoa. I Yotami anano mokole, kumapalaio langkanae ka molempao poparentaa a mpalili i wita atuu.

2 Mokole 5:1

I Na'ama, tadulako sorodaduno mokoledo to Arami, onaemo mia tinudu i arono ueno ka tedoa pinelangkai, hangano molalo onae Ondae i Ue moweeako iramo ponangiado to Arami. Onae asa mia sorodadu anu moroso ka mosia, sine merurungkoako haki lowe.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Peluarakoa 4:6

Mepau Ira mbo'u i Ue ndi onae, ”Winsoomo kaemu a laro lembamu.” Ka i'amba i Musa winsoo kaeno a laro lembano. Mansano lumuarakono, kaeno i'aluo haki ngkuli, mopute kana seru baku.

Hosea 10:13

Mpopadeko komiumo mosa'oa, mponsowi molengkua, mpongkaa wua mpegaupia. Hangano omue merorohio salamu omuemu, ka hadiono po'osaiamu,

Imama 13:10

Tewala montonda pomparesano sando mpesomba a ngkulino hinao mempiho anu bali wuluno gagi mopute ka hinao ihi anu mebunsu a ngkamba atuu,

Imama 13:25

asalakono sando mpesomba iparesao meloba atuu. Tewala mengkaa wulu a meloba atuu baali gagi mopute ka meloba atuu tengkita ondaloopo inso a ngkuli, manasa anu tuwu a loba atuu onaemo haki ngkuli anu mesaki, ka sando mpesomba asalakono ipokomanasao mia atuu mokoburu; onaemo atuu haki ngkuli anu mesaki.

Podoaa 12:10

Tempono mewuatakoomo seru inso i wawono kema, tengkitaomo i Miriami kona haki ngkuli anu mesaki, mopute kana seru baku. I Haruni mewolili ndi Miriami ka ikitao i Miriami kona haki ngkuli anu mesaki!

WINEWEUDO TINENA 5:10

Ka i'amba tebangkuomo beine atuu i tempo koa mbo'u atuu a mpuu karuno i Peturu ka tampulaomo penaano. Mansado mpewinso mangalitau atuudo, domehaweo mateomo, ka do'amba mengkatio meluarako ka mengkaburuo i horino tamano.

WINEWEUDO TINENA 5:5

Mansano rumongeo pau atuu tebangkuomo i Anania ka tampulaomo penaano. Ka tedoa iramo medoito luwuno mia anu merongeo mongkona atuu.

WINEWEUDO TINENA 8:20

Sine i Peturu motaeakono, ”Po'ineeomo ka itampula doimu atuu saru omue, hangano uko'aro-aroa, nine komoko'oliakono doi pompowee-Do Ue Ala.

1 TIMOTIU 6:10

Hangano hakano luwuno mosa'oa onaemo mongkekewoi doi. Hanganomo mpolulu doi ba opia mia mepansia iramo inso a pompe'ala-ala ka mebobarasaiakono koroido mperupa-rupa masusaa.

Yosua 7:25

Mepauomo i Yosua, ”Hangano omue ka kintebobarasai, onaemo ka Ondae i Ue bobarasaiko i oleo andio.” Luwudo to Isaraeli mewunoako ira watu, ka domentunu ira.

2 PETURU 2:3

Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.