2 Mokole 25:9 - Wunta Mempori

⁹ Isongkoo raha-Do i Ue, rahano mokole ka luwuno raha i Yerusale. Luwuno rahado anu langkai potorono isongkoakono api.

2 Mokole 25:9 ပူးပေါင်းရင်းမြစ်များ

1 Mokole 9:7

Aku mokotampula ira to Isaraeli inso a wawo wita anu Kuweeako iramo. Aku mebungkuio raha anu umariomo Kupokomemporio tiano nee-Ku atuu. Isaraeli ta gagi potundaano ka pasinggiri i olono luwuno tongku.

1 Mokole 9:8

Raha andio tamokoa gagi hanga raha, ranta sompo mia anu telalo ta kohali-hali, ira mpomansu ka dompotae: Tembio Ondae i Ue ka Doweweuo kanandio wita ka raha andio?

2 Tawarika 36:19

Domesongkoo Raha-Do Ue Ala, mpobangkuo rere watu i Yerusale ka luwuno langkanae i ra'ai domentunuakono api, ranta ropuomo luwuno parewa anu ntekokosi.

Esera 5:12

Sine, umarido uempu'u mami mokontekuda Ira Ue Ala, Ueno asa wawolangi, ondae Dopeweengako ira a ngkaeno i Nebukanesa, mokole i Babeli, to Kasidimi anu mensolangio raha andio ka wawao tongku andio a pontadia i Babeli.

Po'unde-unde 79:1

Penani po'unde-undeno i Asapi. Oo Ue Ala, luwuno tongku susua domensapoi iramo mia-Miu, mengkokoburutio raha mempori-Miu, meweweuo Yerusale gagi howuno anu terawo.

Yesaya 64:9

Oo Ue, siimo Itekuda lahi ka siimo Ipewowoloo hala lembuino! Oo, po'ineeomo ka Ikita kami, hangano omami luwu onaemo bawaa-Miu.

Yeremia 17:27

Sine tewala nahi mperorongea-Kune ka impokomemporio oleo Saba ka nahi mpowawa parewa telalo a luwuno pewowa langkaino Yerusale a oleo Saba, asalakono a luwuno mpewowa langkaino Aku molangao api, anu ta kumaano ka ipingko luwuno benteno Yerusale, ka anu nahi pinokompepate.”

Yeremia 26:9

Tembio ka upompau anu ta gagi a nee-Do i Ue saru motae: Raha andio ta kana Silo, ka kota andio ta gagi tekale-kale nahina palilino?” Luwuno palili menggowoo i Yeremia a Raha-Do i Ue.

Yeremia 34:2

”Kanandiomo pau-Do i Ue, Ue Alado to Isaraeli: Lakomo pepau ndi Sedekia, mokoledo to Yehuda, pauakono: Kanandiomo pau-Do i Ue: Menteeano, Kupeweengakono kota andio a ngkaeno mokole i Babeli, ka isongkoo.

Yeremia 34:22

Menteeano, kanandiomo pau-Do i Ue, Ongkue mompowee parenta ka wawa ira mpekule i kota andio ka dompeteaakono, mpoko'alao ka mpokoropuo. Aku weweuo luwuno kotano Yehuda gagi boni-boni nahina palilino.”

Yeremia 37:10

Maupo ande-andeno imenangi ira luwu sorodadudo to Kasidimi anu umari mpeteaa komiu atuu, ka i'olodo butu tebinta mia anu mapari mobelado, asalakono singge mia ira mpewangu a ngkemano ka meropuo kota andio.”

Yeremia 37:8

Sine to Kasidimi ira wali me'aiwa mpeteaakono kota andio, dompoko'alao ka meropuo.

Yeremia 39:8

To Kasidimi rumopuo langkanaeno mokole ka rahado palili, ka do'amba mehoao luwuno rere watuno Yerusale.

Yeremia 41:5

mehawe iramo mia inso i Sikemi, i Silo ka i Samaria, hadiodo halo pulu mia, saru danggo tekeru, sangkado teberi-beri ka koroido ntesosoreki. A ngkaedo hinao pesomba kaanga ka dupa ta pinesombaako a Raha-Do i Ue.

Yeremia 52:13

Onae sumongkoo Raha-Do i Ue, rahano mokole ka luwuno raha i Yerusale; luwuno rahado anu langkai potorono isongkoo.

Yeremia 7:14

Onaemo pu'uno, a raha andio, anu nineeako montonda nee-Ku ka anu pinerorohimiu, ka a mpo'ianga, anu Kuweeakomiumo ka a uempu'umiu, Aku weweuo kana anu Kuweweuomo ndi Silo.

Ponsabangi 1:10

Ewaino weroo kaeno a luwuno arataano; tendeano ka ikitao kana'umpe luwuno tongku dompewinso a laro mpo'ianga memporino, kahinaano Omiu, oo Ue, i'onto iramo ka dompewinso bawaa-Miu.

Ponsabangi 2:7

Meda pontunua pesomba-Do nahi Dotarimao i Ue, nahi Doperioo po'ianga mempori-Do; meweengakono a ngkaeno iwali rere watu luwuno po'iangano. Maroa suara a laro Raha-Do Ue Ala kana teweweuno a mporame-ramea.

Ponsabangi 5:18

hangano pongku Sioni anu londa, pelakopiado dahu mo'ila

Yehesikieli 10:2

Ondae mepau a mia anu mesangka lena atuu, ”Pewinsomo i totono kerubi i olono bolano ka pekungkuno kaemu buketiakono waro api inso i tonga-tongano kerubi atuu, ka i'amba rawoomo a wawo ngkota atuu.” Ondae mbo'u mewinso i arono mataku.

Yehesikieli 16:41

Ira mesongkoo luwuno rahamu ka medontaiakomu pohuku i arono hadio beine. Kanandiomo Kuweweuko menaa-naa mebelesu ka tambo mebelesu nahi komompowee mbo'u.

Imama 26:31

Luwuno kotamiu Aku weweuo gagi hanga ngkota ka luwuno po'ianga memporimiu Aku sumolangio ka nami Kubehe mbo'u mowoo woono pesombamiu anu mompokomawongko.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Amosi 2:5

Aku mompotola api a laro Yehuda, ranta luwuno bente Yerusale mo'ai luwu.”

Amosi 6:11

Hangano, menteeano Ondae i Ue meparenta, ka raha langkai pinobangku gagi terongkoa ka raha kodei gagi siba.

Mika 3:12

Onaemo pu'uno hangano omiu, Sioni ta pinadeko kana lere, Yerusale ta gagi howuno anu terawo, ka torukuno raha mempori ta gagi pongku mentobu.