2 Mokole 25:25 - Wunta Mempori

²⁵ Sine ia wula ko'opitu haweomo i Sumaeli anano i Netania anano i Elisama, asa mia ulea mokole ka hopulu mia perongano. Dompepateo i Gedalia, luwuno to Yehuda ka to Kasidimi anu kongko saru onae i Misipa.

2 Mokole 25:25 ပူးပေါင်းရင်းမြစ်များ

2 Mokole 11:1

Mansano kumitao i Atalia, ineno i Ahasia nine anano mateomo, onae mompari-pari mepate ira luwu ulea mokole.

2 Mokole 25:24

Ka i'amba i Gedalia mesumpa ndi ondae ka miado, ipotaeako ira, ”Siimo imedoitoako ira pegawaino to Kasidimi atuu. Impo'iamo i wita andio ka mpetenunumo ndi mokole i Babeli, ka tamo moiko tumuwumiu.”

Yeremia 40:15

Ka i'amba i Yohanani anano i Kareahi mepau mewuni-wuni ndi Gedalia i Misipa, ”Po'ineeomo ongkue lumako mepateo i Sumaila anano i Netania atuu nahina tumo'orio maupo isema. Tembio ka ta mepateko, ranta luwuno to Yehuda anu ntepumpu iramo melimbuko ntesiarawo mbo'u ka to Yehuda anu ntebinta atuu memate?”

Yeremia 41:1

A wula ko'opitu haweomo i Sumaila anano i Netania anano i Elisama, asa mia inuleno mokole ka petewawa sorodaduno mokole anu langkai pangkano, saru hopulu mia ndi Gedalia anano i Ahikami i kota Misipa. Kontongaado mpongkaa roti mperonga-ronga i Misipa,

Yeremia 41:2

mentadeomo i Sumaila anano i Netania saru hopulu mia anu perongano, ka mepateakono ponai i Gedalia anano i Ahikami anano i Sapani. Kanatuumo ipepateo i Gedalia anu pinotorono mokole i Babeli gagi pabawa i wita atuu.

Yeremia 41:3

Luwuno to Yehuda anu perongano i Gedalia i kota Misipa ka luwuno to Kasidimi, anu hinawe i ra'ai gagi sorodadu, ipepate ira mbo'u i Sumaila.

Sakaria 7:5

”Pauako iramo luwuno palili ka a luwuno sando mpesomba, kanandio: Tempono imempuasa ka mposabangi a wula ko'olima ka ko'opitu i larono pitu pulu nta'u andio, nde mentee ntu'uke omiu mempuasaa-Kune?

Sakaria 8:19

”Kanandiomo pau-Do Ueno luwuakoano: Tempo puasa a wula ko'opaa, wula ko'olima, wula ko'opitu ka wula kohopulu ta gagi po'undea ka mawongko ka gagi luwuno tempo porame-ramea anu mokomawongko ira suku Yehuda. Onaemo pu'uno kekewoiomo menteea ka sintuwu!”