2 Mokole 24:15 - Wunta Mempori

¹⁵ Iwawao i Yoyakini a mpontadia i Babeli. Inedo mokole iwawao mbo'u, luwuno beinedo mokole, luwuno pegawai langkanaeno ka luwuno petewawa gagi mia tinadi i Babeli inso i Yerusale.

2 Mokole 24:15 ပူးပေါင်းရင်းမြစ်များ

2 Mokole 20:18

Asa ntia inso a inulemu anu ta hinawemu, ta inala gagi pegawai a langkanaeno mokole i Babeli.”

2 Mokole 24:8

Tinuwuno i Yoyakini hopulu ka oalu nta'u tempono igagi mokole ka otolu wula tehineno ipoparenta i Yerusale. Neeno ineno i Nehusita anano i Elinatani inso i Yerusale.

2 Mokole 25:12

Butu ba opia mia mongkokolaro inso i wita atuu ibintao petewawado puu mpodagai atuu ka domegagi puu mpo'angga lere anggoro ka puu mpo'angga bonde.

2 Mokole 25:21

Ka i'amba mokoledo to Babeli metena mepate ira i kota Ribela, i wita Hamati. Kanandiomo domewinawa to Yehuda inso i witado a laro pontadia.

2 Mokole 25:27

A nta'u kotolu pulu ka opitu umarino tinadi i Yoyakini mokole i Yehuda, ia wula kohopulu ka orua, tanggala rua pulu ka opitu wula atuu, i Ewili-Merodaki mokole i Babeli, a nta'u ipewuatako a ngkadera poparentaa, mopokitao pompehohawano ndi Yoyakini, mokole i Yehuda, ka ipotolaomo inso a ntorongku.

1 Tawarika 9:1

Luwuno to Isaraeli teburi a laro potudano tumuwu. Needo teburi a laro wuntado luwuno mokole i Isaraeli. Kanatuumo to Yehuda mewinawa a pontadia i Babeli, hangano nahi dompetenunu.

2 Tawarika 36:10

A tempo pepo'euano ta'u i mokole Nebukanesa montena mia wawao i Babeli saru luwuno parewa anu masuli inso a Raha-Do i Ue. Ka i'amba i Sedekia, pepaekompono amano i Yoyaki gagi mokole i Yehuda ka i Yerusale.

Esetere 2:5

I tempo atuu hinao i laro bente Susani aasa to Yahudi, anu meneeako i Modekai anano i Yairi anano i Simei anano i Kisi, aasa to Benami,

Esetere 2:6

anu winawa inso i Yerusale gagi asa mia tinabua merongaakono i Yekonia, mokole Yehuda, tempono i Nebukanesa, mokole i Babeli wawao a pontadia.

Yeremia 13:18

Pauako iramo mokole ka inedo mokole, ”Ipentoromo a po'ianga anu tetotoako, hangano songko mokole metiiomo inso a ulumiu!”

Yeremia 29:2

Mongkona andio gagi umarino Mokole Yekonia meronga inedo mokole, luwuno anu langkai potorono, luwuno pinemota'udo to Yehuda ka Yerusale, puu mpo'angga ka anu pande mpo'angga labu mpeluarako inso i Yerusale.

Yeremia 52:28

Ndiomo hadiono palili anu winawano i Nebusaradani a pontadia: A nta'u ko'opitu, tolu nsowu rua pulu ka otolu to Yehuda;

Yehesikieli 17:12

”Pauako iramo suku me'ewa: Nahi imento'orioke hapa pengkonaano andio? Pauo: Kitao, mokole i Babeli hawe i Yerusale. I'alao mokole ka luwuno mia pinemota'uno ka i'amba wawa ira i Babeli meronga onae.

Yehesikieli 17:13

Ka i'amba umalao asa mia anu inso a inuleno mokole, moweweu pedandia saru onae, ka weweuo ka ipesumpa. Onae umala ira mbo'u mia mempabawa i wita atuu,

Yehesikieli 17:3

Potaemo, Kanandiomo pau-Do Ue Ala: Asa manu-manu rajawali langkai anu mepani langkai ka ondau, buke wuluno mpesora-sora aiwa a ntorukuno Libano. Ka onae mo'ala sampano keu arasi,

Yehesikieli 19:9

Onae wininsoako kai a laro mpo'ukoa, winawa i arono mokole i Babeli ka wininso a laro torungku, ka si teronge mbo'u pengaolino a wawo luwuno torukuno Isaraeli.

Danieli 1:3

Mokole meparenta ndi Asipenasi, petewawa langkanae, ka ipowawa ba te'opia to Isaraeli, anu inso a inuledo mokole ka inuledo mia pinelangkai.