2 Mokole 23:7 - Wunta Mempori

⁷ Irongka ira bolongko pebelesua pelahumoa anu kongko a raha-Do i Ue, po'iangado beine puu mpohoru sawu pompesombaia i Asera.

2 Mokole 23:7 ပူးပေါင်းရင်းမြစ်များ

1 Mokole 14:24

Tendeano hinao po'iangga pebelesua i wita atuu. Domeweweuo luwuno anu mokoburu, kana luwudo tongku anu Dosaari iramo i Ue inso a nto Isaraeli.

1 Mokole 15:12

Onae nami po'eheako mbo'u pebelesua i wita atuu ka lumiahakono luwuno pelahumoaa anu wineweudo uempu'uno.

1 Mokole 22:46

Anu susuano inso a nteweweuno i Yosapa, mosiano anu pinopokitano, ka kana'umpe ipetea, kombake luwuno atuu teburi a wunta tutuludo mokole i Yehuda.

2 Tawarika 34:33

I Yosia tumadio luwuno mokoburua inso a luwuno witado to Isaraeli ka tumena ira luwu mia anu kongko i Isaraeli mpesomba ndi Ondae i Ue, Ue Alado. Asa ntinuwuno i Yosia ondae mpetenunu tumonda Ira i Ue, Ue Alano uempu'udo.

Yehesikieli 16:16

Omue umala ira sangkamu poweweu luwuno po'ianga pompelangkaia anu mesora-sora ka u'amba mebelesu i tu'ai. Mongkona kanatuu napi hori gagi ka nahi ta gagi mbo'u.

Yehesikieli 8:14

Ka Do'amba wawa aku a mpewowa langkai Raha-Do i Ue anu te'alaako i utara. Mentee ntu'u, i ra'ai mpentoro ira beine anu mpengeseio Pinesombai Tamusu.

Hosea 2:13

”Onaemo pu'uno, menteeano Aku popandeio ka wawao i pada one, ka i'amba mepau mokorodoo aroano.

Hosea 4:13

Ondae mpopesombaako pesomba i punsuno luwuno torukuno ka mpontunu pesomba i wawono pongku-pongku wita, a ntoto ngkeu tarabanti ka keu hawari ka keu langkai susuano, hangano inengoino mompokonsanaa. Onaemo pu'uno luwuno anamu beine mponsosabo ka luwuno kombiado ana ntamamu mpebelesu.

Hosea 4:14

Nahi Aku humuku ira anamu beine maupo domponsosabo, ke luwuno kombiado ana ntamamu, maupo dompebelesu. Sine, tamado isa'a melako mpe'asaako ira beine mebelesu ka mompesombaako pesomba meronga luwuno mia mebelesu a raha pesombaa susua. Bawaa anu nahina ponto'orino ta tedonta.

Podoaa 25:1

Kontongaado to Isaraeli mpo'ia i Sitimi, mpopu'u iramo tongku atuu mponsosabo saru beinedo to Moabi.

Winali 23:17

I olodo ana beine Isaraeli sihina belesu a raha mpesombaa lahumoa, ka i olodo ana ntama Isaraeli sihina belesu a raha mpesombaa lahumoa.