2 Mokole 23:33 - Wunta Mempori

³³ I Pirao Neko umukoo i Ribela i wita Hamati, kasi pokopoparenta i Yerusale. I Pirao mopotebiakono wita atuu denda anu langkaino asa etu talenta salaka ka hopulu talenta wulaa.

2 Mokole 23:33 ပူးပေါင်းရင်းမြစ်များ

1 Mokole 8:65

A tempo mbo'u atuu, i Salomo moweweu pogawea i aro-Do i Ue, Ue Alato, saru luwuno to Isaraeli, asa bawaa anu langkai, mompu'u inso a nsala mewinso lumako i Hamati hawe a ngkoro Masiri, opitu oleo tehineno, ka i'amba opitu oleo mbo'u, luwuno hopulu ka opaa oleo.

2 Mokole 18:14

I Hisikia mokole i Yehuda montena mia ndi mokoledo to Asuri i Lakisi, saru pe'oliwi, ”Salaomo wineweuku. Posukamo inso ndi ongkue. Maupo hapa ipopotembiakune aku umihiio.” Ka i'amba mokoledo to Asuri mopotembiakono i Hisikia, mokole i Yehuda, tolu etu talenta salaka ka tolu pulu talenta wulaa.

2 Mokole 23:29

I tempo poparentaano, lumakoomo i Pirao Neko, mokoledo to Masiri umewaio mokoledo to Asuri i wiwi ngkoro Eparata. Mokole Yosia lumako umaropio, sine mansano kumitao, i Pirao tumangkarako mepateo i kota Migido.

2 Mokole 23:35

I Yoyakimi mompowee wulaa ka salaka atuu ndi Pirao. Sine mo'ala sima'ulu inso i wita atuu kai pokopompowee doi atuu, menunu saru petenano i Pirao. Wulaa ka salaka atuu isingao inso a mpalilino wita, inso a sompo mia montonda hadiono sima'uluno anu ta wineeako i Pirao Neko.

2 Mokole 25:20

I Nebusaradani, petewawado sorodadu puu mpodagai, rumako ira ka wawa ira ndi mokoledo to Babeli i kota Ribela.

2 Mokole 25:6

Domerakoo mokole ka mewawao ndi mokoledo to Babeli i Ribela. Ka do'amba mehukuo.

Peluarakoa 21:22

Tewala mia mpe'u'ua ka ihina asa mia mentia anu kona ntunduhi ka ite'onini sine nahina mobelano, mia atuu manasa ta dinenda menunu po'emano tamano beine atuu. Asalakono i'owahio montonda pomputusido puu mpobitara.

Powadi 19:19

Mia anu magasi lahi tekuda ta kona denda, hangano tewala komingki tumulungio, butu kotumiangio tekudano.

Yeremia 46:2

Mongkona Masiri. Mongkona sorodaduno i Pirao Neko, mokoledo to Masiri, anu mpekema i wiwi ngkoro Eparata umpeda Karakemisi ka anu ninangino i Nebukanesa, mokole i Babeli, a nta'u ko'opaa poparentaano i Yoyaki anano i Yosia, mokole i Yehuda,

Yehesikieli 19:7

Onae sumolangi ira bentedo ka kumale-kaleo luwuno kotado. Tolino saru luwuno ihino mpo'ia medoito rumongeo unino pengaolino.

Yehesikieli 19:9

Onae wininsoako kai a laro mpo'ukoa, winawa i arono mokole i Babeli ka wininso a laro torungku, ka si teronge mbo'u pengaolino a wawo luwuno torukuno Isaraeli.

Podoaa 13:21

Melako iramo mempadasoo wita atuu mompu'u inso i pada one Sini hawe i Rehobo, a nsala lumako i Hamati.

Podoaa 34:11

Inso i Sepami tida atuu metii i Ribela, i sabaano oleo Aini; ka i'amba tida atuu metii mbo'u ka ihaweo wingke rano Kinereti i sabaano oleo.