2 Mokole 23:15 - Wunta Mempori

¹⁵ Ipobangkuo mbo'u meda pontunua pesomba i Beteli, po'ianga pompesombaia anu wineweuno i Yerobea anano i Nebati anu poko'ariano to Isaraeli mpoweweu hala. Meda pontunua pesomba ka po'ianga pompesombaia mbo'u atuu ipobangkuo. Luwuno watuno ipehao ka ipokomotutuo gagi awu, ka i'amba tumunuo karuno lahumoa.

2 Mokole 23:15 ပူးပေါင်းရင်းမြစ်များ

1 Mokole 12:28

Umarino mo'ema patudu, ondae mokole moweweu orua ana nsapi laki inso a wulaa. Ka i'amba motae ndi ondae, ”Sompoomo tehineno imelako i Yerusale. Hei Isaraeli, imengkitaomo pinesombaimiu anu wawakomiu mpeluarako inso i wita Masiri.”

1 Mokole 13:1

Tempono i Yerobea mentade umpeda a meda pontunua pesomba ta montunu pesomba, hangano parenta-Do i Ue hawe asa nabi-Do Ue Ala inso i Yehuda lumako i Beteli.

1 Mokole 13:2

Ka i'amba hangano mpetena-Do i Ue onae mebooli a meda pontunua pesomba atuu, ipotae, ”Hei meda pontunua pesomba, hei meda pontunua pesomba! Kanandiomo pau-Do i Ue: Menteeano asa nana'ote ta pine'anaako a inuleno i Daudi, i Yosia neeno. I wawomu onae anu ta sumumbele ira sando mpesomba pongku wita pesombaa anu mpotunu pesomba i wawomu, luwuno mbo'u wukudo mia ta tinunu i wawomu”

1 Mokole 14:16

To Isaraeli iramo mempinebungkui, hangano luwuno hala anu iweweuomo i Yerobea ka anu mokontehala ira to Isaraeli.”

1 Mokole 15:30

Mongkona atuu, hangano luwuno hala anu wineweuno i Yerobea, anu gagi pu'uno to Isaraeli mpoweweu mbo'u hala. Kanandiomo ipokotesingkao tekuda-Do i Ue, Ue Alado to Isaraeli.

1 Mokole 21:22

Aku weweuo somborimu mengkena kana somborino i Yerobea, anano i Nebati ka somborino i Baesa, anano i Ahia, hangano upokotesingkao tekudaku, ka hangano wineweumu, to Isaraeli mpoweweu mbo'u hala.

2 Mokole 10:31

Sine i Yehu nahi tuwu mpiha montonda songka-Do i Ue, Ue Alado to Isaraeli saru tompaano aroano. Nahi bintao luwuno halano i Yerobea anu poko'ariano to Isaraeli mpoweweu mbo'u hala.

2 Mokole 23:4

Ondae mokole parentao sando mpesomba langkai Hilikia, luwuno sando mpesomba i totono ka luwuno puu mpodagai pewowa ka domeluarakono inso a raha-Do i Ue luwuno parewa anu wineweuako i Ba'ala, i Asera ka luwuno sorodadu langi. Ka i'amba tumunuo luwuno atuu a ntonga mpada Kidironi i bungkuno kota Yerusale, ka awuno winawa i Beteli.

2 Mokole 23:6

Luwuno karuno pelahumoa inso a raha-Do i Ue winawa i bungkuno kota Yerusale, a ngkorono mo'are Kidironi, ka i'amba tinunu i tu'ai ka pinokomotutu gagi awu. Ka i'amba metadiakono awuno a wawo ngkaburudo palili i totono.

2 Mokole 3:3

Sine, onae da metako a halano i Yerobea anano i Nebati anu poko'ariano to Isaraeli mpoweweu ira mbo'u hala; nahi olaiakono hala atuu.

2 Tawarika 34:6

Ka luwuno kotano i Manase, i Eparai ka i Simeo hawe a luwuno kotano i Napatali, a petengi-tengino anu terawo,

2 Tawarika 34:7

ipobangkuo luwuno meda pontunua pesomba ka karuno lahumoa, ipuroo ka rawo-rawoo luwuno tinaha pina'o saru pontunua dupa a luwuno wita i Isaraeli. Umarino atuu onae mekule i Yerusale.

Amosi 3:14

”Menteeano i tempono Kuhukuo Isaraeli a luwuno wineweuno mosa'o, Aku mompotiiakono pohuku a luwuno meda pontunua pesombano Beteli. Tandu-tanduno meda pontunua pesomba atuu pinudu ka tedonta a wita.

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”

1 Samueli 7:4

Umarino atuu luwudo to Isaraeli mpetadiakono luwuno tinaha pelahumoa Baala ka Asitore ka dompesomba butu ndi Ondae i Ue.